Miteko 2:33 - Emakhuwa Bible

³³ Avuwihiweene moono mulopwana wa Muluku, Owo aahaakhela wa Atiithi Munepa Wootteela woororomelihiwa, ni ooyeeha Yoowo ntoko nyuwo vano munoonaanyu ni muniiwaanyu.

Miteko 2:33 Iomraidhean Croise

Icipo 118:16

Ntata noolopwana na Yave ti nootheteyeya; Ntata noolopwana na Yave noopaka itthu sooweraxa!”

Icipo 89:19

Khalayi mwaaheera mmooneloni mweerelaka mulokwaanyu woororomeleya: “Koomusariha ikuru namawana ooweraxa; koomvuwiha oothanliwa variyari wa muloko.

Icipo 89:24

Osivelawaka woororomeleya onoomuhoola ni ikurusawe sinoovuwihiwa niwoko na Nsinanaka.

Yesaya 52:13

Moone, murumeiyaaka onimweetta ni miruku; owo onimunnuwihiwa, onoottittimihiwa ni onoovuwihiwa.

Yesaya 53:12

Tivawo kineeraaka kimuvahe mpatta variyari wa asitokweenexa ni Owo onookawa soohuhula vamoha ni ooweraxa, niwoko ohinnyerera okumaawe mookhwaani ni aahaalikeleliwa vamoha ni anamattheka. Vano ookuxa soottheka sa ancipale aavekelelaka anamattheka.

Matheyo 28:18

Yeesu aawaattamela yaawo ni aaweerela: “Koovahiwa ikuru sootheene sa wiirimu ni vathi.

Marku 16:19

Emalihakaru wuuluma ni yaawo, Apwiya Yeesu yaawelihiwa wiirimu, ni yaakilaathi moono mulopwana wa Muluku.

Luuka 24:49

Miyo kinimoorumihelani Yoowo yoororomelihiwa ya Atithaka, mene mukhale musidadeni mpaka muneeraanyu mwaakhele ikuru sa musulusulu.”

Yohaane 14:16

Miyo nkaavekele Atiithi ni Awo eniyoovaheeni Namalaka mukina weera akhale ni nyuwo mahuku ootheene,

Yohaane 14:26

Namalakatho, Munepa Wootteela Atiithi eneeraaya erumihe mwa Nsinanaka, ngwooxuttiheni itthu sootheene ni onuuwuupuxereni sootheene kooleenlaakani.

Yohaane 15:26

Namalaka awa, mwa Yoowo kineeraaka koorumiheleni wa Atiithi, Munepa wa ekhaikhai onrweela wa Atiithi, Owo onuukikhalele onamoona Miyo.

Yohaane 17:5

Vano Atiithi, mukivuwihe vamoha ni Nyuwo ni ovuwa iwe kaaraakano khalayi ni Nyuwo ehinaaye okhala elapo ya vathi.

Miteko 1:4

Ehuhu emoha, acaaka vamoha ni yaawo, aahaavaha nlamulo nna: “Muhivenye oYerusaleemu, mene muweherereke yoororomelihiwa ya Atithaka mwa yeeyo kooleenlaakani.

Miteko 10:45

aYuda aKristu yaarwiiye ni Pedru yaatikhina weera yamahala ya Munepa Wootteela yiittheliwe mpaka wa amalapo,

Miteko 2:17

‘Mahuku ookisera, Muluku eenre, nkihelele Munepaaka miloko sootheene. Anamwanaaya asilopwana ni asithiyana eniithalihe otthuna wa Muluku; amiravo eniyoone nyoonelo ni asitokweene eniilohe sooloha.

Miteko 5:31

Muluku aamvuwiha, amwiikaathiki moonowaawe mulopwana ntoko Mutokweene ni Mvuluxa, weera aavahe aYixrayeli orukunxa murima ni elevelelo ya soottheka.

aRooma 5:5

Ni oweherera wu khaninrowa wooceela, niwoko Muluku ooniyeehera osivelawawe mmurimanimwahu ni Munepa Wootteela Owo onivanghaawe.

aGalata 3:14

Aapakenle yeeyo weera, niwoko na Yoowo, nreeliho na Abrahaamu niphiyetho wa amalapo nitho weera hiyo naakhele munroromeloni yoororomelihiwa ya Munepa.

awEfeso 1:13

Nyuwo mookhalatho mwa Yoowo vahoolo woowiiwa ni woororomela masu a ekhaikhai, masu ooreeraxa awo yoovulunxeni, ni nyuwo mohiiyaatheriwa ni Munepa Wootteela woororomelihiwa.

awEfeso 4:8

Tivawo ehimmwalaaya: “Awelakaru wiirimu, yaakuxiwa ootthukiwa ottuliwawe ni aahaavaha atthu samahala.”

Titu 3:6

Muluku oniyeehenre hiyo Munepa wookwana mwa Yeesu Kristu, Mvuluxaahu,

aHeberi 10:12

Vaheera Musaserdoti* Ola, amalihakaru yooveleelaawe yoohimala emoharu wa yoottheka, aakilaathi moono mulopwana wa Muluku.

aHeberi 2:9

Mpatta mukina nimmoona Yoole, wa ehuhu vakhaani aayevihiwe vakhaani waapwaha andyelo, Yeesu aawarihiwe ni ovuwa ni nttittimiho niwoko na okhwa ohaangwaawe. Mmahalani a Muluku Yeesu aalawiha okhwa wa mpuha wa ootheene.

1 Pedru 1:21

Niwoko na Yoowo nyuwo munimuroromela Muluku omvenyererihale Yeesu mookhwaani ni omvuwihale. Hiiho nroromelonanyu ni owehererawanyu onkhala mwa Muluku.

1 Pedru 3:22

owenle wiirimu ni, ori moono mulopwana wa Muluku, weiwo andyelo, elamulelo ni ikuru sootheene simmwiiwelelaaya Yoowo.