Miteko 2:23 - Emakhuwa Bible

²³ Muluku aalakela ni aalamulela khalayi weera Mulopwana Owo muvahereriwaanyu nyuwo ni ekhavihero ya atthu ootakhala. Vano mwaamwiiva, munkhomelaka vamuttandani.

Miteko 2:23 Iomraidhean Croise

Epacerero 50:20

Nyuwosa mwaakivaanelela yoonanara, mene Muluku ootatuxa yooreera moota wooweera olelo wuureliwe okumi wa atthu ancipale.

Icipo 76:10

Mpaka isara munaakhalelaanyu atthu sinimooruuhelani ottottopela ni eniihalahale musaranimwanyu anoohiiheya.

Yesaya 37:26

Khamusuwenle? Kaalakela yeeyo khalayi. Okhuma khalayi miyo kaavaanela yeeyo kinkhumelelihaaka vano – weera nyuwo munoohiya isidade soolipihiwaxa sireene milepe.

Daniyeli 4:35

Atthu ootheene a elapo ya vathi khaveetthwaawewo. Owo ompaka yeeyo ontthunaawe ni ikuru sa wiirimu ni amaki a vathi. Khawowo ongwera ohiiha ntatanawe hata omweerela: “Mpankeni?”

Matheyo 20:19

ni eniimveleele wa amalapo weera emuramuse, engwaxule ni emukhomele vamuttandani. Vanihukuni nanaararu Owo anaavenyererihiwe!”

Matheyo 26:24

Mwaana a mutthu anaavarihiwe ntoko elempwalaaya mwaha wa Yoowo, mene Ii! Onoohaawa yoowo aneera amvarihe Mwaana a mutthu! Fataari ahaayariwe!”

Matheyo 27:35

Emukhomelakaru, yaakawana ikuwosawe epakaka macitta.

Marku 15:24

Vano yaamukhomela. Yaakawana ikuwosawe, epakaka macitta weera esuwele ni mpatta heeni wa ikuwo khula mutthu eeraawe akhaleno.

Luuka 22:22

Mwaana a mutthu onoorowa ntoko olamuliwaawe, mene Ii! Onoohaawa yoole anaamvarihe.”

Luuka 22:37

Yoolempwa: ‘Aahaalikeleliwa vamoha ni atakhali.’ Miyo kinooleelani weera eyo entthuneya okwaniheriwa mwa Miyo. Aani, yeeyo elempwale mwaha wa Miyo ehanle vakhaani okhwaniheriwa.”

Luuka 23:33

Yaaphiyalaaya vanipuroni niitthaniwa Nikarakasa, yaamuthomeya vamoha ni atakhali ale – mmoha moono mulopwana ni mukina muthiyana.

Luuka 24:20

Ahooleli a asaserdoti* ni asitokweenaahu anlamula yaamvaherera weera athoriheliwe okhwa, ni yaamuthomeya.

Yohaane 19:18

Vaavaale yaamukhomela ni vamoha ni Yoowo eeli akina, mmoha moono mulopwana, mukina muthiyana, ni Yeesu eriyari.

Yohaane 19:24

Awo yaaheerelana: “Nihaahule. Nrowe nipake macitta weera nimoone mutthu taani onrowa ovahiwa.” Eyo yeereenle weera ekwaniheriwe yoolempwa eneera: ‘Yaakawana ikuwosaka yaaworu ni yaapakela macitta wa soowarasaka.’ Eyo anakhotto ti yaapanke.

Miteko 13:27

muloko wa atthu a oYerusaleemu ni asitokweenaaya khayaamusuwenle Yeesu ntoko Mvuluxa, mene emuttaruxaka Yoowo, yaakwanihera masu a maprofeeti ansommwa iSaabadu sootheene.

Miteko 15:18

soosuwanyeya okhuma khalayi.’

Miteko 2:36

Tivawo aYixrayeli ootheene esuwele nnenesene yeeyo: Yeesu Owo nyuwo mwaamuthomeiyaanyu, Muluku oompaka Apwiya ni Kristu.”

Miteko 3:18

Waaritho hiiho Muluku okwanihenraawe yeeyo aahimalaawe khalayi ni iyano sa maprofeeti ootheene, yeeraka weera Kristwaawe eera ahaawe.

Miteko 4:28

Awo yaapaka yeeyo Nyuwo mwaalakenlaanyu mwa ikurusanyu ni otthunawanyu khalayi weera ekhumelele.

Miteko 5:28

mwa yoowo aaweerenle: “Nohoolamulelani nnenesene weera muhixuttihe mwa Nsina nne. Wa soothesene, nyuwo moosariha oYerusaleemu ni nihusihonanyu, ni muntthuna onoothera ephome ya Mulopwana Owo.”

Miteko 5:30

Muluku a makholowaahu aamuvenyereriha Yeesu, mwa Yoowo nyuwo mwaamwiivalaanyu, munthomeyaka vamuttandani.

Miteko 7:52

Mprofeeti heeni makholowaanyu ahimusoondalaaya? Yaawiiva yaale yaahima sa orwa wa Oororomeleya, mwa Yoowo nyuwo vano mootatuxiwa anamavarihaawe ni anamwiivaawe.

aRooma 2:12

Khula mutthu onttheka ahikhalanaka nlamulo, anaariheyetho oohikhalano nlamulo, ni khula mutthu onttheka asuwelaka nlamulo, anaathorihiwe ni nlamulo.

aRooma 4:17

Ntoko elempwalaaya: “Miyo koohookhaliha tiithi a miloko sincipale,” aani, vamaithoni wa Muluku mwa Yoowo aamuroromenlaawe, Muluku owo omvaha okumi wa akhwiiye ni onkhaliha itthu sahaakhanle weera sikhale.

1 aTesalonika 2:15

mwa yaawo yaawiivale Apwiya Yeesu ni maprofeeti, nitho yaanisoondale hiyo. Awo khaanimusiveliha Muluku ni ari amwiittana a ootheene,

1 Pedru 1:2

mwa yaawo Muluku Atiithi aathanlale mootthunanimwawe woohimala, avarelaka muteko Munepa Wootteela ontteeliha, weera emwiiwelele Yeesu Kristu ni emisiwe ni ephomaawe. Mahala ni murettele muvahiwe woowaatta.

1 Pedru 1:20

Owo aathanliwe ehinaaye opattuxiwa elapo ya vathi, ni ohooniheriwa ehuhuweene yeela yoomalihera wa mpuhaanyu.

1 Pedru 2:8

ni “Nluku nookwattula ni mwala woowuuwiha.” Yaawo ahinroromela, anookwattuliwa, niwoko khaaniiwelela mutthenga, ni awo athanleliwe yeeyo.

Yuda 1:4

Vano, atthu akina, mwa yaawo nthorihelonaya naalempwale khalayi, ahiivoleiha muxiirini variyariwanyu. Awo ari atakhali, etatuxaka olavilavi mahala a Mulukwaahu ni animkhootta Yeesu Kristu, Namalamula mmoharu, Apwiyaahu.

Ethupululo 13:8

Atthu ootheene ankhala elapo ya vathi eniilape enama ele, ootheene yaawo masinaaya khaalempwale okhuma ephattuwelo ya elapo mulivuruni ya okumi ya Eputtiputthi yiiviwe.