Miteko 2:17 - Emakhuwa Bible

¹⁷ ‘Mahuku ookisera, Muluku eenre, nkihelele Munepaaka miloko sootheene. Anamwanaaya asilopwana ni asithiyana eniithalihe otthuna wa Muluku; amiravo eniyoone nyoonelo ni asitokweene eniilohe sooloha.

Miteko 2:17 Iomraidhean Croise

Epacerero 49:1

Vano Yakobe aawiitthana anamwanaawe aweerelaka: “Mukisuseerelase va weera koothalihereni yeeyo eneera yookhumelelaseni mmahukuni a muhoolo.

Epacerero 6:12

Muluku awehaka elapo ya vathi, aahoona sootakhala sincipale niwoko ootheene yaamanke elapo ya vathi, yaatthara iphiro sootapanyeya.

Icipo 65:2

Ii! Nyuwo muniiwa mavekelo, atthu ootheene anoowaattamelani.

Icipo 72:6

Owo akhaleke ntoko epula enrupela mmatta yoohemphwa; ntoko epula etokweene ennaaniha etthaya.

Masu a Miruku 1:23

Mwiiwelela ohiihawaka, Miyo kinimoovahani munepa wa miruku ni kinimoothupululelani soowuupuwelasaka.

Yesaya 2:2

Mmahukuni ookisera mwaako wa Empa ya Yave onimunnuwihiwa; onookhalihiwa mutokweene a mattumuxa ni miloko sootheene sinoorowa wa yoowo.

Yesaya 40:5

Vano ovuwa wa Yave onimooniheriwa ni omutthu wootheene onimoona. Vanonto, ohimale ti Yave.”

Yesaya 44:3

Niwoko kinooyeehera maahi mulaponi mwa ntthona ni nyooloko vatthayani yoowuumaxa. Kinooyeehera Munepaaka mukhapiranimwanyu ni mareelihowaaka mwa anamwaniinyu.

Yesaya 49:26

Kinoopakiha weera anamahasulaanyu yiikhuure; anoohapaliwa ni ephomaaya ntoko ereene eviinyu. Vanonto atthu ootheene anoosuwela weera Miyo, Yave, ti Mvuluxaanyu, Namoopolaanyu, Ooweraxa a Yakobe.”

Yesaya 66:23

Khula mweeri munyowani ni khula eSaabadu omutthu wootheene onimoowa weera okokhorele ohoolowaka,” onghima Yave.

Ezekiyeli 11:19

Kinimwaavahasa murima woohikawanyeya, kiheleke munepa munyowani mpuwamwaya; kinoovenxa mwa yaawo murima wa nluku kaavaheke murima wa ethayi.

Ezekiyeli 39:29

Nkaahuluwatho, niwoko kinooyeehera Munepaaka muloko wa oYixrayeli, onghima Yave onlamula sootheene.”

Daniyeli 10:14

Vano kirweenle woothaliherani yeeyo eneera yeereeliwe mulokwaanyu mweehuhuni mwa muhoolo, niwoko moonelo onthoonyera ehuhu ya muhoolo.”

Hoxeya 3:5

Vahoolowaya, aYixrayeli anoohokolowa, emwaaseke Yave, Mulukwaaya, ni Davide mwenaaya. Mmahukuni ookisera animoowa ethukumelaka vamaithoni wa Yave ni wa mareelihowaawe.

Mikeyasi 4:1

Mmahukuni ookisera, mwaako wa Empa ya Yave onookhalihiwa ntoko mutokweene eriyari ya nyaako; onoorakama opwaha mattumuxa, ni miloko sinootthimakelawo.

Zakariya 12:10

Kinooyeehera ekhapira ya Davide ni amaki a oYerusaleemu munepa wa oreera murima ni odyoonttelela. Awosa anookiweha – yoowo yaamuhommaaya – ni anoomwiinlela ntoko oniinlelaawe yoole okhwiiye mwaniye aari mmoharu ni ntoko onlalamikeliwaaya okhwa wa ntthaara.

Zakariya 2:13

Omutthu wootheene omaaleke vamaithoni wa Yave, niwoko oovenya vaNipuroninawe Nootteela*.”

Luuka 3:6

Atthu ootheene eniyoone ovuluxa wa Muluku.”

Yohaane 17:2

Vano mwaamvaha Mwaana ikuru soolamula omutthu wootheene weera aavahe okumi woohimala ootheene Nyuwo mumvanghaanyu.

Yohaane 7:39

Owo aahima mwaha wa Munepa yeeraaya yaakhele yaawo animuroromela Yeesu. Mpaka ehuhuweene yeele Munepa nlelo weera ohinaaye ovahiwa, niwoko Yeesu khaanaaye ovuwihiwa.

Miteko 10:45

aYuda aKristu yaarwiiye ni Pedru yaatikhina weera yamahala ya Munepa Wootteela yiittheliwe mpaka wa amalapo,

Miteko 11:27

Mahukweene yaale, maprofeeti makina yaarowa ekhumaka oYerusaleemu mpaka wAntiyokiya.

Miteko 11:28

Mmoha a yaawo iitthaniwa Agabo, aaheemela ni aahima mwa Munepa weera eniikhale etala etokoko mweelaponi yootheene ya oRooma, ni eyo yaakhumelenle ehuhu ya olamula wa Klawudiyu.

Miteko 2:16

Ohiyanawaya, ela ti yeeyo yaahimmwale ni mprofeeti Yoweli:

Miteko 2:18

Mahukweene yaawo nkaahelele Munepaaka arumeiyaaka asilopwana ni asithiyana, ni awo eniithalihe otthuna wa Muluku.

Miteko 2:33

Avuwihiweene moono mulopwana wa Muluku, Owo aahaakhela wa Atiithi Munepa Wootteela woororomelihiwa, ni ooyeeha Yoowo ntoko nyuwo vano munoonaanyu ni muniiwaanyu.

Miteko 21:9

Owo aakhalano aximwali axexe yaari maprofeeti* a Muluku.

aRooma 5:5

Ni oweherera wu khaninrowa wooceela, niwoko Muluku ooniyeehera osivelawawe mmurimanimwahu ni Munepa Wootteela Owo onivanghaawe.

1 aKorinto 12:10

Wa mukina omvahiwa ikuru sa opaka sootikhiniha, wa mukina onthaliha otthuna wa Muluku, wa mukina ongwera omwalamwaxa ekhaikhai ni yoolokottha, wa mukina muulumo oohiyanahiyana, wa mukinatho ongwera otaphulela muulumo.

1 aKorinto 12:28

Hiiho Muluku ohaakhaliha mukerexani vanipuroni noopacera arummwa, nanaaveeli maprofeeti, nanaararu ahusiha, vahoolowaya yaawo ampaka sootikhiniha nitho yaawo arino yamahala yoolamiha, vahoolowaya yaawo arino yamahala yookhavihera, yaawo arino yamahala yoolamula, ni yaawo anuuluma muulumo makina.

aHeberi 1:2

mahukutho ookisera ala uulumale ni hiyo mwa Mwaana, mwa Yoowo aamukhalinghe Namwaakhela a itthu sootheene, ni mwa Yoowo Muluku opankaawe ephattuwelo yootheene.

Yakobe 5:3

Iyuumasanyu soorikaxa soociwa murawa, ni murawaaya onuuwoothereni ni onuukhuure erutthwaanyu ntoko mooro. Nyuwo mohaattano mihakhu mahuku ookisera ala.

2 Pedru 3:3

Musuwele toko iya, weera wa mahuku oomalihera eniikhumelele anamaveiha, eveihaka ni ettharaka soohaawelasaya asineenaaya,