Miteko 19:11 - Emakhuwa Bible

¹¹ Muluku aapaka sootikhiniha sitokotoko ni matata a Pawulo,

Miteko 19:11 Iomraidhean Croise

Yohaane 14:12

Kinooleelani ekhaikhai weera yoole onkiroromela Miyo anaapaketho miteko Miyo kimpakaaka. Anaapake miteko soopwahaxa iya, niwoko Miyo kinkela wa Atiithi.

Miteko 14:3

Pawulo ni Barnaba yaakhalawo ehuhu yincipale, yuulumaka ni murima woolipa sa Apwiya, mwa Yaawo yaahaakhavihera epakaka ineneero ni sootikhiniha.

Miteko 15:12

Muthukumano wootheene waamaala omwiiwaka Pawulo ni Baranaba yuulumaka sa ineneero ni sootikhiniha sootheene Muluku aapakaawe mmatatanimwaya variyari wa amalapo.

Miteko 16:18

Owo aapwaherera opaka yeeyo mahuku mancipale. Ommaleloni Pawulo aanyoonyiwa moota wooweera aarukunuwa, ni aaheerela munepa: “Mwa Nsina na Yeesu Kristu miyo kinoolamulela weera okhume mwa yoowo!” Ehuhuweene yeeyo munepa waamuhiya.

Miteko 5:12

Arummwa yaapaka ineneero ni sootikhiniha sincipale variyari wa muloko wa atthu. Ootheene yaaroromenle, yannakhovelela othukumana muntthekoni wa Salomoni.

Miteko 8:13

Simeyoneene yoowo aaroromelatho ni aapatisiwa. Aamutthara Filipe woohimuhiyerera, awehaka ootikhinihiweene ineneero sitokotoko ni sootikhiniha saapakiwa.

aGalata 3:5

Yoowo onoovahani Munepa ni ompaka sootikhiniha variyari wa nyuwo, ompaka iyo niwoko muniiwelela malamulo, hoye hoye niwoko moororomela yeeyo mwiiwalaanyu?

aHeberi 2:4

Mulukutho ookhalela onamoona ovuluxiwa iwo mwaha wa ineneero, sootikhiniha, miteko sa ikuru soohiyanahiyana, ni samahala sa Munepa Wootteela sivahiwe ntoko otthunawaya.