Miteko 18:5 - Emakhuwa Bible

⁵ Aaphiyalaawe Sila ni Timootheyo oMasedoniya, Pawulo aahiixinnyerera ni nthiti weera alaleiye, aakhalelaka onamoona aYuda weera Yeesu aari Kristu.

Miteko 18:5 Iomraidhean Croise

Yeremiya 20:9

Vaheera miyo keera: “Nkimuromolatho hata nkuuluma mwa Nsinananyu,” maswaanyu anlikana mooro ovarelaka mmurimanimwaka; mooro mpuwa mwa makhuvaaka. Miyo kookhulumuwa niwoko na yeeyo; nkingwera opwaherera moota hiiho.

Yeremiya 6:11

Mene miyo koosareya isara sa Yave ni nkingweraru okhalano.” Mwaayeehere seiyo anamwane mmiseweni ni amiravo anthukumana mikuttula mikuttula; asiiya ni axaaraaya anoophwanyiwa ni seiyo ni hiihotho anamuuluvala – yaawosa arino iyaakha sincipale.

Ezekiyeli 3:14

Vano Munepa waakittukhula onakivenxawo, munepaaka othanananxeene ni owaawanxeene musarani, ntata noolipaxa na Yave nreene mwa miyo.

Mikeyasi 3:8

Vaheera wa miyo, koosareya ni ikuru, ni Munepa wa Yave, ekhaikhai ni owera, weera kimuleele Yakobe opahulawawe, ni wa aYixrayeli otthekawaya.

Luuka 12:50

Ontthuneyatho weera kipatisiwe, ni moota kihooxiwaaka murimaaka mpaka owo oneeraaya okwaniheriwe!

Luuka 16:28

niwoko kookhalanowo axunna athanu. Munrume weera owo awooperere axunnaka, weera awo ehiwetho vanipuroni nna na ohaawaxa.’

Yohaane 1:41

Oopacera aamphwannyaawe aari Simeyoni, munneiye ni aamweerela: “Noomphwanya Mesiya (eyo tiiyo Kristu).”

Yohaane 10:24

aYuda yaathukumana emurukureenreene emweerelaka: “Mpaka yaakhani hiyo nneeraahu niweherere yoowaakhulaanyu? Nyuwo mwaari Kristu, munileele mwaatthuni.”

Yohaane 15:27

Ni nyuwotho mmwikhalele onamoona niwoko okhuma ompacereroni mpaka vano muri ni Miyo.

Yohaane 3:28

Nyuwo asineenaanyu muri anamoona a yeeyo kaahimmaaka: ‘Miyo nkihiyono Kristu, mene aani kiri yoole orumihiwe vahoolowawe.’

Miteko 10:42

Owo aanirumihale olaleera muloko wa atthu ni okhalela onamoona weera Owo ti Yoowo Muluku aamukhalihalaawe Mphuki a akumi ni akhwiiye.

Miteko 15:22

Arummwa ni asitokweene vamoha ni ekerexa yootheene yaalakela waathanla akina variyariwaya ni waarumiha wAntiyokiya, vamoha ni Pawulo ni Baranaba. Yaamuthanla Yudasi iitthaniwa Barsaba ni Sila, ahooleli eeli variyari wa axunna.

Miteko 16:1

Yaaphiya oDerbe ni vahoolowaya oListra, weiwo aakhalaawewo oohusera iitthaniwa Timootheyo, mwa yoowo amayawe yaari muYuda muKristu ni atithawe yaari muGrego.

Miteko 16:12

Wa vaavaale naapwaha nirowaka oFilipi, eri esidade etokweene ya elapo ya oMasedoniya yaari yoolamuliwa ni aRooma. Iwe naakhala mahuku makina.

Miteko 16:9

Ehuhu ya ohiyu Pawulo aamoona mmooneloni mulopwana mmoha a oMasedoniya eemenleene, amudyoonttelelaka: “Ngwe oMasedoniya ni munikhavihere.”

Miteko 17:3

aathaliheraka ni awooniheraka weera waatthuneya Kristu ohaawa ni ovenyerera mookhwaani, eeraka: “Yeesweene Yoowo kinoolaleeraakani, ti Kristu.”

Miteko 18:28

niwoko aahaavirikanyiha nnenesene aYuda mwaatthuni, ooniheraxaka ni Yoolempwa* weera Yeesu ti Kristu.

Miteko 2:36

Tivawo aYixrayeli ootheene esuwele nnenesene yeeyo: Yeesu Owo nyuwo mwaamuthomeiyaanyu, Muluku oompaka Apwiya ni Kristu.”

Miteko 20:21

Kaahaakhalela onamoona aYuda nitho aGrego weera ontthuneya awo erukunxele murimaaya wa Muluku ni eroromele mwa Apwiyaahu Yeesu.

Miteko 20:23

ohikhanle paahi weera musidadeni sootheene, Munepa Wootteela onnakooperera weera otthukiwa ni soohooxa sinookiweherera.

Miteko 20:24

Wa soothesene, nkimpwatthela, naari nkinoonelamo okumaaka etthu yoottittimeheyaxa wa miyo mwaneenaaka. Yoohaawelaaka emoharu eri omaliha otthimakawaka ni okwanihera muteko kaakhenlaaka wa Apwiya Yeesu, eyo tiiyo okhalela onamoona sa masu ooreeraxa a mahala a Muluku.

Miteko 4:20

Khaningwera ohiya wuuluma sa seiyo noonnaahu ni niiwalaahu.”

Miteko 9:22

Wa soothesene, Sawuli annatepa wiilipihera, ni annaavaanya aYuda yaakhala oDamasku, awooniheraka weera Yeesu ti Kristu.

2 aKorinto 1:19

niwoko Mwaana a Muluku, Yeesu Kristu, Owo onlaleiwa variyariwanyu ni miyo, Silvano ni Timootheyo, khaahiyono “aani” ni “hoye,” mene mwa Yoowo mahuku ootheene wookhala “aani.”

2 aKorinto 11:9

Kaaraaka variyariwanyu kihaawelaka etthu, khaawo kaamulemenlaaka, niwoko axunna yaawiiyaaya ekhumaka oMasedoniya yaakivaha yeeyo kaahaawelaaka. Kaapaka yeeyo weera kihoolemeleni nyuwo, ni nkipwaherere moota ola.

2 aKorinto 5:14

Vano osivela wa Muluku onninyesereriha, niwoko nooviriyeliwa weera mmoha okhwiiye wa ootheene, tivawo ootheene ahookhwa.

aFilipi 1:23

Nlelo kiri vamarekhano: Kinghaawela opwaha weera kikhale ni Kristu, yeeyo eri yootepaxa ooreera.

1 aTesalonika 3:2

ni hiiho naamurumiha Timootheyo, munnihu ni namuteko a Muluku mwa masu ooreeraxa a Kristu, weera oolipihereni mirimasanyu ni oohakalaliheni munroromeloni,

1 aTesalonika 3:6

Wa soothesene, Timootheyo oophiya wa nyuwo, anileelaka ihaali sooreera mwaha wa nroromelonanyu ni osivelawanyu, eeraka weera mahuku ootheene nyuwo munninuupuwelelaxa nnenesene, mutthunaka onoona hiyo, ntoko hiyotho nintthunaahu owoonani.

1 Pedru 5:12

Kohoolepelani nyuwo ni ekhavihero ya Silvano, mwa yoowo miyo kimmoonaaka weera ori munna oororomeleya, weera koolipiheni, nitho kikhalele onamoona weera ala ti mahala a ekhaikhai a Muluku. Mwa yaawo, mupwaherere oolipeene!