Miteko 18:18 - Emakhuwa Bible

¹⁸ Pawulo aakhala oKorinto ehuhu ekina, ni vahoolowaya, aahaalaxera axunna ni aalapuwa munikulani arowaka oSiriya ahooliwaka ni Prisila ni Akila. Ahinaaye ovolowa munikulani, aamettha toko mayihaawe oKenkhreya niwoko na nlipelo aapankaawe.

Miteko 18:18 Iomraidhean Croise

Nuumeru 6:18

Woottharelana, muNaziri* amettheleke mayihi otteelihalaawe vamulako wa Eheema ya Muthukumano* ni avonyereke vamooroni ori vathi wa yooveleelela murettele.

Nuumeru 6:2

“Mwaaleele ha aYixrayeli: “Mulopwana hoye hoye muthiyana atthuna omuroromeliha etthu yooreera, aani yoororomeliha ya omwalanyiha wa Yave ntoko muNaziri*,

Matheyo 4:24

Saahuulummwa sa Yoowo ni elapo yootheene ya oSiriya. Yannangwiihera atthu ootheene yaahaawa ni iretta sincipale soonanara. Akina yaarino minepa soonanara; akina yaarino ecilecile, ni akinatho yaari ooheetta. Vano Yeesu aahaalamiha ootheene.

Marku 6:46

Aalaxenreene, Yeesu aawela vamwaakoni weera avekele.

Miteko 1:15

Mahukweene yaale, Pedru aaheemela variyari wa axunna yaari wookwanaka atthu ncira ni miloko miili,

Miteko 15:23

Ni yaawo yaarumiha ekaratta enttharelana: ‘Ya axunninyu, arummwa ni asitokweene a ekerexa, wa aKristu amalapo ari wAntiyokiya, oSiriya ni oSilisiya: Salaama.

Miteko 15:41

Vano yaavira oSiriya ni oSilisiya elipiheraka ikerexa.

Miteko 18:2

Weiwo aamukumanano muYuda mmoha iitthaniwa Akila, aayariwe oPonto, aaphiyale vaanaanoru akhumaka wItaliya ni amwaarawe Prisila, niwoko Klawudiyu aalamula weera aYuda ootheene evenye oRooma. Pawulo aarowa

Miteko 18:26

Aapacera wuuluma muSinagogani* ni murima woolipa. Prisila ni Akila emwiiwakaru, yaamulattula weera arowe owannyaya, ni yaamuthalihera ephiro ya Muluku moota wooreerela.

Miteko 18:27

Atthunaka orowa wAkhaya, axunna yaamulipihera ni yaahaalepela oohusera weera emwaakhelele. Aphiyakaru, aahaakhavihera vancipale yaawo yaaroromenle niwoko na mahala a Muluku,

Miteko 21:23

tivawo mupake yeeyo hiyo nnooleelaahuni. Ari ni hiyo asilopwana axexe yaalipenle.

Miteko 21:24

Mwaakuxe asilopwana ala ni mwiirapihe vamoha ni yaawo ni mwaalivele weera emetthe mayihi. Hiiho ootheene anoosuwela weera kheehiyono ekhaikhai yeeyo enghimmwa ya nyuwo, mene weera mumpwaherera wiiwelela nlamulo.

Miteko 21:3

Noonakaru oKipro ni niviraka mpattaaya ohitto, naalapuwela oSiriya. Naakhuruwa oTiro, weiwo nikulanahu neeraaya nakuruxe murindaaya.

aRooma 16:1

Kinoolangherani Febe, murokorihu, murumeiyi a ekerexa eri oKhenkreya.

1 aKorinto 9:20

Variyari wa aYuda kohiipaka ntoko muYuda weera kaawine aYuda. Kiri mweeraru miyo kihikhanle vathi wa nlamulo, wa yaawo ari vathi wa nlamulo kohiipaka ntoko kaakhanle vathitho, weera kaawine yaawo ari vathi wa nlamulo.

aGalata 1:21

Vahoolowaya kaarowa wa ilapo sa oSiriya ni oSilisiya.