Miteko 17:4 - Emakhuwa Bible

⁴ Akina a aYuda yaaviriyeliwa ni yaamutthara Pawulo ni Sila. Ancipale a aGrego yaamoova Muluku nitho athiyana atokweene ancipale yaamuttharatho.

Miteko 17:4 Iomraidhean Croise

Masu a Miruku 13:20

Yoowo oneetta ni asuweli ompwaherera okhala musuweli, vaheera mukhwaaya alolo ommalela moonanarani.

Masu a Miruku 9:6

Muhiye iphirosanyu soohuupuwela, ni nyuwosa munookhalano okumi; mukuxere ephiro ya wiiwexexa.

Ecipo Yooreeraxa 6:1

Okenle woowi oosiveleyaanyu, nyuwo ooreeraxa a asithiyana? Munileele okenlaawewo oosiveleyaanyu ni hiyo nnoomwaasa vamoha ni nyuwo.

Zakariya 2:11

“Miloko sincipale sinoothukumanyihiwa nihuku nenenenno ni Yave, sithatuwaka mulokwaaka. Miyo kinookhala variyariwanyu ni munoosuwela weera Yave a ikuru sootheene ti okiruminghe wa nyuwo.

Yohaane 7:35

aYuda yaaheerelana: “Ontthuna orowa woowi Mulopwana Ola, hiyo nihingweraahu omuphwanya? Apaale weiwo onkhalaayawo muloko wa atthwaahu omwaramwareiye variyari wa aGrego weera axuttihewo?

Miteko 13:43

Woomwareyani wa mmuthukumanoni, aYuda ancipale ni anamarwa a murima wa omuluku antthara ediini ya aYuda, yaamutthara Pawulo ni Barnaba. Awo yaatthekula ni yaawo, yaalipiheraka weera epwaherere mwa mahala a Muluku.

Miteko 13:50

aYudatho yaahaasesera asithiyana oosuwanyeya oomoova Muluku ni asitokweene a esidade. Etannyeraka omttharatthara Pawulo ni Barnaba, awo yaawoomola mweelaponimwaya.

Miteko 14:1

wIkoniyo yaaheereiyatho etthu emoharu. Pawulo ni Barnaba yaarowa oSinagogani*. Weiwo yaahuuluma moota wooweera atthu ancipale a aYuda ni a amalapo yaaroromela.

Miteko 14:4

Muloko wa esidade waakawanyeya: akina yaawaakhulela aYuda ni akinatho arummwa.

Miteko 15:22

Arummwa ni asitokweene vamoha ni ekerexa yootheene yaalakela waathanla akina variyariwaya ni waarumiha wAntiyokiya, vamoha ni Pawulo ni Baranaba. Yaamuthanla Yudasi iitthaniwa Barsaba ni Sila, ahooleli eeli variyari wa axunna.

Miteko 15:27

Tivawo, nnimurumihaahutho Yudasi ni Sila weera yaakhulele ni iyaanosaya yeeyo hiyo ninlepaahu.

Miteko 15:32

Yudasi ni Sila, yaaritho maprofeeti, yaalipihera mirimasaya ni yaahaahakalaliha axunna ni masu mancipale.

Miteko 15:40

mene Pawulo aamuthanla Sila ni, yaavahereriwa wa mahala a Apwiya ni mavekelo a axunna, enapwaha.

Miteko 16:3

Pawulo atthunaka omurowano, aamwiinela niwoko na aYuda yaakhala elapo ele, woonaka weera ootheene yaasuwela weera atithawe yaari muGrego.

Miteko 17:10

Moohiyuni, axunna yaamurumiha Pawulo ni Sila oBereya. Ephiyaka iwe, yaarowa muSinagogani* mwa aYuda.

Miteko 17:12

Vano, ancipale variyari wa aYuda, athiyana aGrego atokweene ni alopwana, yaaroromela.

Miteko 17:14

Woowaakuveya axunna yaamurumiha Pawulo wa elapo ya ephareiya, mene Sila ni Timootheyo yaahala oBereya.

Miteko 17:17

Tivawo mahuku ootheene annuuluma muSinagogani* ni aYuda, ni ni aGrego yaamoova Muluku, nitho aahuuluma mmuttettheni mutokweene wa esidade ni yaale yaaphwanyaneya weiwe.

Miteko 17:34

Alopwana akina yaathukumana ni yoowo ni yaaroromela. Variyariwaya aari Diyonisiyo, a wAreyopagu*, nitho muthiyana mmoha iitthaniwa Damari, ni akina vamoha ni yaawo.

Miteko 18:4

eSaabadu ti eSaabadu owo annaavaanyiha muSinagogani* ni annaaviriyela aYuda ni aGrego.

Miteko 19:10

Eyo yaapwaherera wa iyaakha piili, moota wooweera aYuda ni aGrego ootheene yaamanke elapo ya wAsiya yaahiiwa masu a Apwiya.

Miteko 2:44

Ootheene yaawo yaaroromela yanniiwanana, ni yaarino sootheene vamoha.

Miteko 21:28

ekhuwelaka: “aYixrayeli, munikhavihere! Ola ti mulopwana onaaxuttiha ootheene a ilapo sootheene itthu siniittana ni mulokwaahu, nlamulonahu ni nipuro nna. Ohiya toko yeeyo, owo aahaavoleiha aGrego Mpaani mwa Muluku ni aananariha Nipuro Nootteela* nna.”

Miteko 28:24

Akina yaaviriyeliwa ni yeeyo owo aahimmaawe, mene akinatho khayaaroromenle.

Miteko 4:23

Ataphuliwakaru, Pedru ni Yohaane yaahokoleela wa asikhwaaya ni yaahaathalihera sootheene ahooleli a asaserdoti* ni asitokweene yaaleenlaaya.

2 aKorinto 8:5

Ni khayaapanke paahi yeeyo naaweherenraahu, mene yaahiixinnyerera toko wa Apwiya, ni vahoolowaya wa hiyotho ntoko Muluku ontthunaawe.