Miteko 16:25 - Emakhuwa Bible

²⁵ Woophiyera ehuhu ya ohiyu eriyari, Pawulo ni Sila yeera evekelaka ni emwiipelaka icipo Muluku. Akina yaatthukiwe yaawiiwa.

Miteko 16:25 Iomraidhean Croise

Yobi 35:10

Vaheera, khawowo onkoha: ‘Ori woowi Muluku Mpattuxaaka, mwa Yoowo omvaha icipo moohiyuni

Icipo 119:55

Moohiyuni kinuupuwelela Nsinananyu Yave ni kinimwiiwelela Nlamulonanyu.

Icipo 119:62

Ohiyu eriyari kimvenya weera kootthapeleni niwoko na malamulowaanyu oororomeleya.

Icipo 22:2

Ii! Mulukwaaka, miyo kinnakhuwela othana, mene khamunaakhula – moohiyuni, nkiniitthuuwa.

Icipo 34:1

Kinoomvuwiha Yave mahuku ootheene; iyanosaka sinoomuttottopela Yoowo woohihiyerera.

Icipo 42:8

Khula othana Yave onkoonihera osivelawawe ni khula ohiyu ecipowaawe enkhala ni miyo – ti nivekelonaka wa Muluku a okumaaka.

Icipo 50:15

Mukikhuwelele nihuku na othanana – Miyo kinoowopolani ni nyuwo munookittittimiha.

Icipo 71:7

Koothatuwa ethoonyero wa ancipale, niwoko Nyuwo ti Wootthawelawaka woolipaxa.

Icipo 77:2

Kaathananaaka, kaamwaasa Yave; ohiyu kannatheteya matata woohihiyerera, mene okumaaka khawaamoona oopepesa.

Icipo 77:6

Kinuupuwelela iciposaka kiipalaaka ohiyu; murimaaka waatthokelela ni okumaaka wannakoha:

Icipo 91:15

Owo onookiitthana ni kinoomwaakhula; kinookhala ni yoowo mmakacamihoni; kinoomoopola ni kinoomuttittimiha.

Yesaya 30:29

Nyuwo munimwiipa ntoko muniipelaanyu ohiyu wa efesta yootteela; mirimasanyu sinoohakalala ntoko muloko woomwiiwa mpetta, owelaka mwaako wa Yave, Mwala wa oYixrayeli.

Zakariya 3:8

Mwiiwe Yoxuwa, mutokweene a asaserdoti*, ni anamakhaviheraanyu akilaathiye ohoolowanyu – nyuwosa ti asilopwana anthoonyera itthu sineera seereiye: Kinoomuruuha murumeiyaaka, Ephuwelo.

Luuka 22:44

Areene ni othananaxa, aatepaxa ovekela ni orettheelawawe waari ntoko mattonyo a ephome yaamorenle vatthayani.

Miteko 15:22

Arummwa ni asitokweene vamoha ni ekerexa yootheene yaalakela waathanla akina variyariwaya ni waarumiha wAntiyokiya, vamoha ni Pawulo ni Baranaba. Yaamuthanla Yudasi iitthaniwa Barsaba ni Sila, ahooleli eeli variyari wa axunna.

Miteko 16:19

Esuwelaka weera mootaaya woowina waamala, asineene a epottha yaamvara Pawulo ni Sila ni yaahaapurulela mmuttettheni mutokweene wa esidade mpaka ohoolo wa asitokweene.

Miteko 16:33

Ehuhuweene yeele ya ohiyu ole, namalipelela aahaakuxa ni aarapiha makhwattaaya. Vahoolowaya owo ni awawe ootheene yaapatisiwa.

Miteko 5:41

Arummwa yaavenya oSineedriyuni*, ehakalanleene yaaphwanelihiwa oyevihiwa niwoko na Nsina na Yeesu.

aRooma 12:12

Muhakalaleke munroromeloni, mukhale ni ovilela moothananani, mpwaherereke mmavekeloni.

aRooma 5:3

Khoohiyono mwa yeeyo paahi, mene ninnahakalalatho moohaawani, niwoko noosuwela weera ohaawa onruwera ovilela;

2 aKorinto 6:10

oothananihiwa, mene mahuku ootheene nihakalalaka, oohaawa, mene naapuhihaka ancipale, nihikhalanaka etthu, mene nikhalanaka sootheene.

awEfeso 5:19

muulumaka variyariwanyu ni masalmu ni icipo soohiyanahiyana sa Munepa, mwiipaka ni mwaattottopelaka Apwiya,

aFilipi 2:17

Wa soothesene, hata kirihiwaka ntoko yooveleela yoowura vasulu wa yooveleela ni muteko onrweela wa nroromelonanyu, koohakalala ni kootteeliwa murima ni nyuwo ootheene.

aKolosi 1:24

Vano, koohakalala moohaawanimwaka niwoko na nyuwo, niwoko yeeyo kinghaawa mweerutthunimwaka niwoko na ekerexa eri erutthu ya Kristu enkwanihera soohaawa Kristu ohaangwaawe wa yeeyo.

aHeberi 5:7

Wa mahuku ootheene a okumaawe a mweelaponi, Yeesu annamvekela ni annamdyoonttelela, akhuwelaka ni maithori Yoowo aawera omvuluxa mookhwaani, ni iiwiwe niwoko na wiiwelelawawe otokotoko.

Yakobe 1:2

Axunnaka, muupuwelele weera ti ohakalala otokotoko nyuwo mwaaviraka ngweereriwani woohiyanahiyana,

Yakobe 5:13

Ookhala mukina variyariwanyu onghaawa? Avekele. Ookhala mukina onghakalala? Iipe icipo sa ottottopela.

1 Pedru 4:14

Nyuwo mwaruwaniwa niwoko na Nsina na Kristu, munookhala ooreelihiwa, niwoko Munepa wa ovuwa, Munepa wa Muluku onkhala mwa nyuwo.