Miteko 15:8 - Emakhuwa Bible

⁸ Muluku onsuwela murima aahoonihera weera Owo aawaakhulela amalapo, aavahaka Munepa Wootteela ntoko aanivanghaawe khalayi.

Miteko 15:8 Iomraidhean Croise

1 Mamwene 8:39

vano mwiiwe wiirimu munkhalaanyuwo ni mulevelele. Mumvahe khula mutthu yeeyo omphwanelaawe, niwoko Nyuwo munsuwela mirima sa atthu ootheene. Aani ti Nyuwo paahi munsuwela murima wa khula mutthu.

1 Nyaha 28:9

Vano weyo mwanaka Salomoni, omusuwele Muluku a atithawo, ni omurumeele ni murima wootheene, ohinyesereriwaka, niwoko Yave ongwehaweha mirima sootheene ni onsuwela wiixera wa soowuupuwela sootheene. Weyo wamwaasaasa, onoomphwanya, vaheera wamuhiya, Owo onimookhootta wa mahuku ootheene.

1 Nyaha 29:17

Ii! Mulukwaaka, koosuwela weera mumphima murima ni weera munghakalalela ekhaikhai. Sootheene kivanghaaka kipanke ni otthuna ni okwanela wa murima. Vano kohoona ni ohakalala moota weenraaya macaangero ni otthunawaya mulolokwaanyu ola ori va.

Icipo 44:21

vekhaikhai Muluku aamoona yeeyo eenre asuwela ixiiri sa murima.

Yeremiya 11:20

Ii! Yave a ikuru sootheene, Mphuki a ekhaikhai munoota murima ni soowuupuwela sa omutthu, kingweherera woona owiinlelawanyu ikukuttula niwoko mulattwaaka kingwinnyererani Nyuwo.

Yeremiya 17:10

“Miyo, ti Yave kinoota murima ni kinoona nnenesene soowuupuwelasaya weera khula mutthu kimutthuvele, kittharihaka mweettelowaawe, aani mwa soopakasawe.”

Yeremiya 20:12

Ii! Yave a ikuru sootheene, Nyuwo mungwehaweha murima wa oororomeleya ni munoota murima ni soowuupuwela, mukihiye koone owiinlelawanyu ikukuttula, niwoko kininnyerera mulattwaaka mwa Nyuwo.

Yohaane 21:17

Emaara yanaararu Yeesu aamukoha: “Simeyoni, mwaana a Yohaane, munookisivela?” Pedru aathanana niwoko na omukoha Yeesu emaara yanaararu:‘nyuwo munookisivela?’ ni aamwaakhula: “Apwiya, moosuwela itthu sootheene ni moosuwela weera kinnoosivelani.” Yeesu aamweerela: “Muciheke ikhondoolosaka.

Yohaane 5:37

Atiithi akirumihale, Awo aneenaaya yaakikhalela onamoona. Nyuwo khamunatoko wiiwa nsunaya, hata woona ekhalelowaaya.

Miteko 1:24

Vahoolowaya yaavekela: “Apwiya nyuwo munsuwela mirima sa ootheene. Munoonihere taani a eeli ala munthanlalaanyu,

Miteko 10:47

“Awo ahaakhela Munepa Wootteela ntoko hiyo! Vano, khaawo ongwera owooceeliha weera epatisiwe ni maahi.”

Miteko 14:3

Pawulo ni Barnaba yaakhalawo ehuhu yincipale, yuulumaka ni murima woolipa sa Apwiya, mwa Yaawo yaahaakhavihera epakaka ineneero ni sootikhiniha.

Miteko 15:28

Munepa Wootteela ni hiyo naahiiwanana ohoonyesererani nyuwo ni yoonyesereriha ekina, sihikhanle paahi iyo sootthuneyaxa sinttharelana:

Miteko 2:4

Ootheene yaasareya ni Munepa Wootteela ni yaapacera wuuluma muulumo makina ntoko Munepa waavanghaaya wuuluma.

Miteko 4:31

Amalihaka ovekela, naathukumela nipuru nne yaathukumannaaya. Ootheene yaasareya ni Munepa Wootteela ni yaalaleiya masu a Muluku ni murima woolipa.

aHeberi 2:4

Mulukutho ookhalela onamoona ovuluxiwa iwo mwaha wa ineneero, sootikhiniha, miteko sa ikuru soohiyanahiyana, ni samahala sa Munepa Wootteela sivahiwe ntoko otthunawaya.

aHeberi 4:13

Vamaithoni a Muluku kheewo eriwo yoowiipithiheya mweephattuweloni yootheene. Sootheene sohooneleliwa ni sohooneya vamaithoni wa Yoowo hiyo nneeraahu nimwaakhuleke.

Ethupululo 2:23

Nkiwiive anamwane a muthiyana owo. Vano, ikerexa sootheene nsisuwele weera Miyo ti Yoole onsuwela nnenesene soowuupuwela ni mirima, ni khula mutthu nkimwaakhelihe ntoko mutekwaawe omphwanelaaya.

1 Samuweli 16:7

Vano Yave aamweerela Samuweli: “Muhiwehexexe ekhalelowaawe naari orakamawawe, niwoko Miyo koomukhootta. Yave khangweha ekhove ntoko mutthu: Mutthu ongweha ekhove, vaheera Yave ongweha murima.