Miteko 15:20 - Emakhuwa Bible

²⁰ Ohiyanawaya, ontthuneya weera hiyo naalepele, naaleelaka weera ehikhuure inama soonanarihiwa ni miluku sikina, ehiraruwe, ehikhuure inama soonyopotoliwa mmilo, naari ehiwure ephomaaya.

Miteko 15:20 Iomraidhean Croise

Epacerero 35:2

Yakobe aaweerela yaawo a vaatewawe nitho yaawo aaraaweno: “Mwiitapuxe wa miluku sa anamarwa siri variyariwanyu. Mwiitteelihe ni muceendye ikuwo.

Epacerero 9:4

Muhikhuureke enama nlelo ereene ni ephomaaya, eyo tiiyo okumaaya.

Okhuma 20:23

Muhipake miluku sa eparatha* naari eyuuma yoorikaxa weera mukilikanxerele.

Ezekiyeli 33:25

Vano ngweerelase weera Yave onlamula sootheene oneera ha: ‘Mweenre nyuwosa mukhuuraka enama ni ephomaaya, munakokhorela milukusanyu muyeehaka ephome, moota heeni muneeraanyu mukhaleno elapo?

Ezekiyeli 4:14

Vano miyo kaaheera: “Ii! Yave onlamula sootheene! Miyo nkiniivaliheru. Okhuma enamwanaaka mpaka vaanaano va, nkinakhuureru yoovettuliwa hoye hoye yoonyaanyiwa ni mwaamunama a ntuphini. Mmwaanomwaka kheenavoloweru yakhalaru etthu yoohitteela.”

Daniyeli 1:8

Vaheera Daniyeli aalakelaxa ohiinanariha ni sooca ni eviinyu ya mwene, anamvekela mutokweene a arumeiyi a mwene omutthunihera weera atthare moota owo.

Levitiku 18:6

Ahikhaleru anaamukhuveele mmusaawe weera amukoneno. Miyo ti Yave.

Levitiku 19:26

Muhikhuureru enama ni ephome. Muhaase ihako hoye hoye itthu sa okhwiri.

Levitiku 3:17

Ela ti ekano yoohimala wa ikhapira sineera sirwe, mmapuroni ootheene muneeraanyu mwakhalemo: muhikhuureru makhura naari ephome.

Nuumeru 25:2

mwa yaawo yaalattunlaaya opakano sooveleela sa milukusaya. Muloko wannaca, okokhorelaka milukusaya.

Miteko 15:29

Muhikhuure inama sooveleeliwa wa miluku sikina; muhiwure ephomaaya; muhikhuure enama ya asinama oonyopotoliwa mmilo, ni muhiraruwe. Mwasemba itthusene seiya, munoopaka nnene. Weera sootheene siweetteleni nnene!”

Miteko 21:25

Mwaha wa amalapo arukunxale murima, nohaalepela yoolakelaahu weera ehiyeke inama sooveleeliwa wa miluku sikina, ehiwure ephome ya inama sinnyopotoliwa, ni ehiraruwe.”

1 aKorinto 5:11

Menetho kinoolepelani weera muhiithukumanyihe ni yaale aneera weera ari aKristu ereene alavilavi, anamilili, anamalapela miluku sikina, anamwaapa, anamawura, naari anamwiiya. Ni atthweene yaawo, hata khoontthuneya ocano vamoha.

1 aKorinto 6:13

“Sooca sipakeliwe nipwiipwi ni nipwiipwi wa sooca,” mene Muluku anaaphwate soopiili. Vano, erutthu kheehiyono wa olavilavi, mene wa Apwiya, ni Apwiya wa erutthu.

1 aKorinto 6:18

Mutthawe wa oraruwa. Soottheka sootheene mukina opankaawe, ompakiwa omokoni wa erutthu, mene yoowo onttheka mooraruwani, onttheka mweerutthunimwawe.

1 aKorinto 6:9

Nyuwo khamusuwenle weera atakhali kheerwa yaakhela omwene wa Muluku? Muhiilokotthe! Hata alavilavi, hata anamalapela a miluku sikina, hata anamararuwa, hata yaawo ankonihana alopwanaru, hoye hoye athiyanaru, hata puuta mulopwana,

1 aKorinto 7:2

mene niwoko na oraruwa, ontthuneya weera khula mulopwana amutheleke mwaarawe, ni khula muthiyana ni iyawe.

1 aKorinto 8:1

Mwaha wa yooca yootteeliheriwa miluku soowootha, noosuwela weera ootheene hiyo nookhalano esuwelo. Vano, esuwelo enruuha wiixoona, mene osivela ompuhiha nnene.

2 aKorinto 12:21

Kinoovatho weera kooxekurakani veeli, Mulukwaaka anaakiyevihe ohoolowanyu, ni nkikhupanye niwoko na ancipale yaatthenke khalayi ni ahirukunxale mirimasaya wa ohitteela, oraruwa, ni ohuureya yaapankaaya.

aGalata 5:19

Moone, miteko sa erutthu siri soosuwanyeya: oraruwa, ohitteela, olavilavi,

awEfeso 5:3

Variyariwanyu ohikhale hata wuuluma wa oraruwa, hata wa mukhalelo mukina wa ohitteela, naari wa wiinlela mihakhu, niwoko itthu iya khasintthuneya wa ootteela.

Deuteronomiyo 12:16

Wa soothesene, muhikhuure ni ephomaaya; mwavuuvihereke vathi ntoko maahi.

Deuteronomiyo 14:21

Muhikhuureru yakhalaru enama yoowiikhwela. Mumvaheke namarwa onkhala musidadenimwanyu weera akhuure hoye hoye munthumihere mmalapo mukina. Wa soothesene, nyuwosa ti muloko wootteeliheriwa Yave Mulukwaanyu. Muhimwaapeye mwaaxaana a epuri mmukakani wa amayawe.

Deuteronomiyo 15:23

Wa soothesene, muhikhuure ephome. Mmiineleke vathi ntoko maahi.

aKolosi 3:5

Tivawo mwiive sootheene siri sa mukhalelo wa erutthu yootthekeya: oraruwa, ohitteela, soohaawela sa olavilavi, soohaawela soonanara, ni wiinlela mihakhu, ori olapa miluku sikina.

1 aTesalonika 4:3

Otthuna wa Muluku ti weera nyuwo mutteelihiwe: musembe oraruwa.

aHeberi 12:16

Ahikhale namararuwa mmoha, naari mutthu onramusa itthu sootteela, ntoko Esawu, mwa yoowo aathumihale ikurusawe sa ntthaara mwaha wa yooca emoha paahi.

aHeberi 13:4

Othelana ontthuneya weera ottittimiheyeke ni ootheene. Ororomeleya variyari wa mulopwana ni mwaariye ontthuneya weera ottittimiheyeketho, niwoko Muluku anaathorihe alavilavi ni anamararuwa.

1 Pedru 4:3

Vano ehuhu evinre, yoovira ehuhu yincipale nyuwo mpakaka yeeyo enaasiveliha amalapo, mweettaka moolavilavini, moohaawelani soonanara, moowurani, ngwiipeliwani, moowuraxani, ni moolapani miluku sikina soothanyeya.

Ethupululo 10:2

Aavarela elivuru ekhaanene yoohuleya mmatatanimwawe. Aahiikaathi mphareiyani nnaawonawe na moono mulopwana ni nnaawonawe nikina vatthayani,

Ethupululo 10:8

Vano naakuulumela veeli nsu kiiwalaaka nuulumaka wiirimu, neeraka: “Murowe, mwakuxe elivuru yoohuleya eri mmatatani mwa ndyelo eemenle mphareiyani ni vatthayani.”

Ethupululo 2:14

Wa soothesene, kookhalano soowoohimahimani sikina nyuwo: Nyuwo mookhalano iwo atthu antthara mahusiho a Balaami, mwa yoowo aamuxuttihale Balaki waareiya muraakho aYixrayeli weera ece sooca sooveleeleliwa miluku sikina, ni weera epake olavilavi.

Ethupululo 2:20

Wa soothesene, kookhalano yoowootherani ela nyuwo: Munimvilela muthiyana owo Yezabeli oniixeerela mprofeeti. Owo onaaphariha arumeiyaaka ni mahusihowaawe weera epake olavilavi ni ece yooca yooveleeleliwa miluku sikina.

Ethupululo 9:20

Yaawo yaahanle ehiiviwe ni sohooxa iye, waarookhalaru hiiho, khayaarukunxale murimaaya wa miteko sa matataaya. Awo khayaahiyale olapa minepa soonanara ni miluku sikina sa iyuuma soorikaxa soohiyanahiyana; sa maluku ni sa nyiri; seiyo sahaawera woona, wiiwa, naari weetta.

1 Samuweli 14:32

Yaakuxa soohuhulua evaraka ikhondoolo, imombe ni iputtiputthi, eniivela vaavaale, enakhuura ni ephomaaya.

1 Samuweli 14:33

Vano mmoha aamweerela Sawuli: “Moone, asilopwana animutthekela Yave ekhuuraka enama ni ephomaaya.” Sawuli aaheera: “Khamuroromeleiye! Woowaakuveya, mupirikixele va nluku ntokotoko!”