Miteko 15:18 - Emakhuwa Bible

¹⁸ soosuwanyeya okhuma khalayi.’

Miteko 15:18 Iomraidhean Croise

Yesaya 44:7

Taani onlikana ni Miyo? Owo alaleiyeke yeeyo. Owo ahime ni athalihe ohoolowaka yeeyo yeereiye okhuma ehuhuweene yeele kaakhalinghaaka mulokwaaka wa khalayi ni seiyo nlelo sineera sikhumelele – aani owo atthomeke seiyo sineera seereye.

Yesaya 45:21

Muhime yeeyo eneera yeereiye, moonihere yoowaakhuleleya. Awosa ethukumane elakane. Taani aahimale yeeyo khalayi? Taani aalaleiye mweehuhuni evinre? Kaari Miyo, Yave. Khoowowo muluku mukina kihikhanle Miyo, Muluku Oororomeleya ni Mvuluxa. Khoowowo muluku mukina kihikhanle Miyo.

Amosi 9:12

weera mulokwaaka omukuxe ohalahanle a wEdomi ni miloko sootheene siri sawaka,” onghima Yave, aneera apake itthu iya.

Zakariya 14:7

Nnikhale nihuku noohilikanxereya, nihikhalanaka othana naari ohiyu – nihuku noosuweliwa ni Yave paahi. Naari wiilaleene onoomwaleeleya.

Nuumeru 23:19

Muluku khanootha ntoko atthu; khanceendya soowuupuwelasawe ntoko ompakaaya omutthu. Yeeyo onghimaawe enookhumelela, ni yeeyo onroromelihaawe enookwanihereya.

Matheyo 13:35

akwaniheraka hiiho yeeyo aaleeliwaawe ni mprofeeti: “Nkuulume ni soolikanyiha, nkihime itthu saavithiwe okhuma ephattuwelo ya elapo ya vathi.”

Matheyo 25:34

Vano Mwene anaaweerele yaawo a moono mulopwana: ‘Ngwe, ootteelihiwa a Atithaka. Mwaakhele ntoko yoohiyeriwa* omwene mureherereliwaanyu okhuma ompacereroni wa elapo ya vathi.

Miteko 17:26

Muluku aampanke mutthu mmoha paahi, ni wa yoowo sookhumelela miloko sootheene sa atthu sinkhala mweelaponi yootheene. Aari Yoowo akhalihale ihuhu ni mapuro miloko saatthuneyaaya omaka.

awEfeso 1:11

Mwa Yoowo nithanliwe ehinaaye ehuhu mwaha wa soovaanela sa Yoowo ompaka itthu sootheene ntoko otthuna wa murimaawe

awEfeso 1:4

Muluku onithanlale mwa Kristu ehinaaye ephattuwelo ya elapo ya vathi, weera nikhale ootteela ni oohootheriwa vamaithoniwawe. Moosivelanimwawe,

awEfeso 3:9

ni waathalihera ootheene mutekwaaya wa ntikhinelo nna, mwa nenno okhuma khalayi naahiipithihiwa mwa Muluku, mwa Yoowo opanke itthu sootheene.

2 aTesalonika 2:13

Vano, ontthuneya hiyo omtthapela Muluku mahuku ootheene wa nyuwo, axunna oosiveliwa ni Apwiya, niwoko okhuma ompacereroni Muluku aahoothanlani weera muvuluxiwe mmutekoni wootteeliha wa Munepa Wootteela ni munroromeloni mwa ekhaikhai.

1 Pedru 1:20

Owo aathanliwe ehinaaye opattuxiwa elapo ya vathi, ni ohooniheriwa ehuhuweene yeela yoomalihera wa mpuhaanyu.

Ethupululo 13:8

Atthu ootheene ankhala elapo ya vathi eniilape enama ele, ootheene yaawo masinaaya khaalempwale okhuma ephattuwelo ya elapo mulivuruni ya okumi ya Eputtiputthi yiiviwe.

Ethupululo 17:8

Enama ele moonnaanyu yaari, vanotho kheehiyono, ni ehanle vakhaani okhuruwela ngwiixerani, erooke wooriheyani. Atthu a elapo ya vathi, mwa yaawo masinaaya ahilempwale mulivuruni ya okumi okhuma ephattuwelo ya elapo, eniitikhine yoonaka enama, niwoko eyo yaari, kheehiyono, nitho ehanle orwa.