Miteko 14:17 - Emakhuwa Bible

¹⁷ Wa soothesene, Owo khaakhanle woohikhala onamoona: ohoonihera oreerawawe oovahakani epula, soohepha wa ehuhu yootthuneya, oovahakanitho yooca yoowaatta ni mirima soosareya ohakalala.”

Miteko 14:17 Iomraidhean Croise

1 Mamwene 18:1

Eviraleene ehuhu yincipale, vayaakhani yanaararu ehirupaka epula Yave aamweerela Eliya: “Murowe, mwiixoonihere wa Ahabi ni Miyo kinoorupiha epula mweelaponi.”

Nehemiya 9:25

Yaawina isidade soolipaxa ni ilapo sa ethaadyira; yaakuxa impa soosareya sooreela; ihime soothimpwa; imatta sa iwuuva* ni sooliveira* ni nyiri soowiima sincipale. Yaahooca mpaka yaavona, enacihiwa, nnenesene epuhasaka wa onnenaanyu otokotoko.

Yobi 36:31

Ti hiiho Owo onlamulaawe miloko, aruwerihaka yooca yincipale.

Yobi 37:6

Owo oneerela etthapwe: ‘Mmorele vathi,’ ni epula: ‘Mukhale mirupi.’

Yobi 5:10

Onrupihela epula etthaya, ni onrumihela maahi mmatta.

Icipo 145:9

Yave ongwoonihera murimaawe wooreera ootheene; ommorela ikharari soopattuxasawe sootheene.

Icipo 4:7

Moosariha murimaaka ni ohakalala opwaha wa yaale anghakalalela waatta wa etrigwaaya ni eviinyuwaaya.

Icipo 52:1

Ecipo ela yaalempwale ehuhuweene yeele Doweki, ngwEdomi, aarongwaawe wa Sawuli, anamuthalihera: “Davide oorowa vaate wa Ahimeleki.” Nyuwosa asilopwana ooweraxa, heeni mumvuwihaanyu soonanara? Murima wooreera wa Muluku ompwaherera nihuku ti nihuku.

Yesaya 22:13

Mene ovirikanawaya, waakhala ohakalala ni ococopolana; wiiviwa wa imombe ni ikhondoolo; okhuura wa enama ni owura wa soowura! Nyuwosa mweera: “Niceeke ni niwureke niwoko omaalo nnimookhwa!”

Yesaya 40:21

Khamusuwenle? Khamwiiwale? Khamuthaliheringwe okhuma ompacereroni? Khamwiiwexenxe okhuma ephattuwelo ya elapo ya vathi?

Yesaya 5:6

Kinootatuxa nthala; khaniseekeliwa naari khoolimmwamo; onimunnuwamo rupulula ni nyiiwa. Kinoolamulela mahutte weera ehirupihelemo epula.”

Yeremiya 14:22

Khoowowo hata mmoha wa miluku soohimuteko sa miloko ongwera orupiha epula. Erimu muneenaaya kheengwera orupiha epula. Ti Nyuwo paahi, Yave Mulukwaahu mungwera. Tivawo owehererawahu oraaya mwa Nyuwo, niwoko ti Nyuwo mumpaka sootheehe seiyo.

Yeremiya 5:24

Awosa khaaniixeerela: ‘Nrowe, nimooveke Yave Mulukwaahu, mwa Yoowo onrupiha epula mutthulo ni ya mulaala mweehuhunimwaya ni onnivaha isimana sa ohepha mweehuhunimwaya.’

Ezekiyeli 34:26

Miyo kinooreeliha seiyo vamoha ni mapuro arukureenre nttumuxanaka. Kinoorupiha epula mweehuhunimwaya; enookhala epula ya mareeliho.

Yoweli 2:23

Muhakalale atthu a oSiyoni! Munghakalalele Yave Mulukwaanyu, niwoko ohoovahani epula mutthulo moororomeleyanimwawe. Owo ohoovahani epula mutthulo ni ya mulaala, ntoko aapakaawe khalayi.

Levitiku 26:4

kinimoorupihelani epula mweehuhunimwaya ni imatta sinooruwera soohephasaya ni nyiri sa ntuphini soowiimasaya.

Matheyo 5:45

weera nyuwo mukhale anamwane a Atithinyu ari wiirimu. Vano, Yaawo anaariha nsuwanaya nnaamwaleela oonanara murima ni ooreera murima, ni animwaarupihela epula oororomela ni oohiroromela.

Luuka 6:35

Mwaasivele amwiittanaanyu, mwaapakele yooreera ni ngwoolihe yaawo muhiwehereraka waakhela naari etthu yoohokoloxeriwa. Vano, ntthuvelonanyu nnikhale ntokotoko, ni mmwikhale anamwane a Musulusulu niwoko Owo ti ooreera murima wa yaale oohitthapela ni oonanara.

Miteko 14:18

Yaari mweeraru ehimaleene masu ala, arummwa waahaarika owooceeliha atthu ancipale weera ehaavahe sooveleela yaawo.

Miteko 17:26

Muluku aampanke mutthu mmoha paahi, ni wa yoowo sookhumelela miloko sootheene sa atthu sinkhala mweelaponi yootheene. Aari Yoowo akhalihale ihuhu ni mapuro miloko saatthuneyaaya omaka.

Deuteronomiyo 11:14

vano, kinoorumihela epula elapwaanyu ehuhu yootthuneya; epula mutthulo ni epula ya mulaala, weera muhephe etrigwaanyu ni mukhaleno eviinyu enyowani ni makhura.

Deuteronomiyo 28:12

Yave onoohula erimu, woothokororawo muhakhwaawe weera arumihele epula elapwaanyu mweehuhuni yootthuneya ni weera areelihe mitekosanyu sootheene. Nyuwosa munookoongoriha miloko sincipale ni kheewo muneeraanyu moolihase.

1 Timootheyo 6:17

Waaleele yaawo ari oopuha ehuhu ela weera ehikhale oowiixoona, naari ehiroromele mihakhu soohilekela, mene emuroromele Muluku onnivaha sootheene woowaatta weera nihakalale.