Miteko 13:39 - Emakhuwa Bible

³⁹ Niwoko na Yoowo, khula mutthu onroromela, ohooniwa weera khanono nthowa wa sootheene seiyo nlamulo na Moisesi nahaaweraaya onilevelela.

Miteko 13:39 Iomraidhean Croise

Yobi 25:4

Mutthu khangwera ohikhalano nthowa vamaithoni wa Muluku, mutthu onkhwa paahi khangwera okhala ootteela.

Yobi 9:20

Naari kihikhanleno nthowa, eyanowaaka yaamukithoriha; kaari ookwanela, eyo yaamukeerela kookhalano nthowa.

Icipo 143:2

Muhimuronghe murumeiyaanyu onthoriheloni, niwoko khawoworu ori oohikhalano nthowa vamaithoniwanyu.

Yesaya 53:11

Vahoolo wa ohaawa wa munepaawe, Owo onimoona waara wa okumi ni onookhala oomaaleleya; ni mweesuweloni eyo, Murumeiyaaka oororomeleya onoopakiha weera ancipale yaakhuleliwe ni Muluku, akuxaka sootthekasaya.

Yeremiya 31:32

Khookhala ntoko wiiraana kaapankaaka ni makholowaanyu kaavarenlaaka ni ntata weera kaakhumihe wExipitu; niwoko aananariha wiiraanawaka, kaarookhalaru Iyaya,” onghima Yave.

Habakuki 2:4

Mmoone, owo ti oowiixoona; soohaawelasawe khasireenre; vaheera oororomeleya onookhala niwoko na nroromelonawe.

Luuka 10:25

Emaara emoha namawera a nlamulo* aaheemela weera amweerere Yeesu, ni aamukoha: “Muhusiha, kipake eheeni weera kiphwanye okumi woohimala?”

Luuka 10:28

Yeesu aamwaakhula: “Mohaakhula nnene. Mpake yeeyo, ni munookhala ni okumi.”

Luuka 18:14

Miyo kinooleelani weera mulopwana ola, omuhiya muFarisi*, aarowa owaani aakhuleliweene ni Muluku. Vano, ootheene aniivuwiha, eniikhale ooyevihiwa, ni ootheene aniiyeviha, eniikhale oovuwihiwa.

Yohaane 1:17

Vano, nlamulo nivahiwe ni Moisesi, mahala ni ekhakhai erwiiye ni Yeesu Kristu.

Yohaane 5:24

Miyo kinoororomelihani: Yoowo oniiwa maswaaka ni anaaroromela Yaawo aakirumihale, ookhalano okumi woohimala ni kharwa athorihiwa, mene oolapuwa mookhwaani aphiyaka mpaka mookumini.

Miteko 10:43

Maprofeeti ootheene animukhalela onamoona Yoowo weera ootheene animuroromela Yoowo, animwaakhela elevelelo ya soottheka mwa Nsinanawe.”

aRooma 10:10

niwoko ni murima munroromela weera mwaakhuleliwe ni Muluku, nitho ni eyano munlapa weera mvuluxiwe.

aRooma 10:4

Moone, Kristu ti ommaleloni wa nlamulo, akwaniheraka waakhuleliwa ni Muluku wa ootheene anroromela.

aRooma 3:19

Noosuwela weera sootheene nlamulo ninghimaaya, ninaaleela yaale alamuliwe ni nne, weera iyano sootheene simaale, ni elapo ya vathi yootheene ekhale yoothorihiwa ni Muluku.

aRooma 3:20

Tivawo khaawo anaakheleliwe ni Muluku niwoko na wiiwelela nlamulo, weenre okhalaka mwaha wa nlamulo hiyo noosuwela nnenesene soottheka.

aRooma 4:15

Nlamulo ninruwera isara, ni weiwo nihikhanlaayawo nlamulo, khoowowo otakhaliwa.

aRooma 4:24

menetho wa hiyo Muluku aneeraawe anaakhulele, wa hiyo ninroromela mwa Yoowo omvenyererihale mookhwaani Yeesu, Apwiyaahu.

aRooma 5:1

Vano, naakhuleliweene ni Muluku niwoko na nroromelo, nookhalano murettele ni Yoowo mwa Apwiyaahu Yeesu Kristu.

aRooma 5:20

Nlamulo nivaheriwe weera yoottheka yaandyeerereye. Weiwotho yaattiyaayawo yoottheka, ahaattatho mahala,

aRooma 5:9

Woonaka weera vaanaano hiyo naakhuleliwe ni ephomaawe, wootepaxa nnikhale oovuluxiwa wa isara sa Muluku niwoko na Yeesu!

aRooma 8:1

Tivawo, khaniwowo nttaruxo wa yaawo ari mwa Kristu Yeesu.

aRooma 8:3

Yeeyo nlamulo nahaaweraaya opaka niwoko naaraaya nookhulumuliweene ni erutthu, Muluku oopaka, amurumihaka Mwanawe muneenaawe ntoko yooveleelela yoottheka alikanaka ni namattheka. Ni hiiho aathoriha yoottheka mweerutthuni,

aRooma 9:31

aYixrayelitho yaasaasa nlamulo weera yaakhuleliwe ni Muluku, khayaawenre.

1 aKorinto 6:11

Hiiho yaari akina a nyuwo. Mene nyuwo moorapihiwa, mootteelihiwa, mohaakhuleliwa ni Muluku mwa Nsina na Apwiya Yeesu Kristu ni mwa Munepa wa Mulukwaahu.

aGalata 2:16

noosuwela weera mutthu khanaakhuleliwa ni Muluku niwoko na miteko sa nlamulo, mene ni nroromelo mwa Yeesu Kristu. Hiihaawo hiyotho noororomela mwa Kristu Yeesu weera nikhale oowaakhuleliwa ni Muluku niwoko na nroromelonahu mwa Kristu. Khanaakhuleliwe niwoko na miteko sa nlamulo. Mwa yeeyo ni miteko sa nlamulo khaawo anaakhuleliwe ni Muluku.

aGalata 2:19

Niwoko na nlamulo kohookhwa wa nlamulo weera kimukhalele Muluku.

aGalata 3:8

Yoolempwa* ya khalayi, yoonaka ehinaaye weera Muluku onoowaakhulela amalapo niwoko na nroromelonaya mwa Kristu, yaalaleiya toko wa Abrahaamu masu ooreeraxa: “Niwoko na nyuwo miloko sootheene nsireelihiwe.”

aGalata 5:3

Kinghimatho wa ootheene yaawo aniihiya yiineliwaka, weera awo annyesereriwa okwanihera malamulo ootheene.

aHeberi 10:11

Nihuku ti nihuku asaserdoti* ootheene aneemela ni ampaka mitekosaya sa ediini, evahaka mahuku ootheene sooveleelasene seiyo sihingwera ovenxa soottheka.

aHeberi 10:4

niwoko khoongwereya weera ephome ya imombe ni ipuri evenxe soottheka.

aHeberi 7:19

woonaka weera malamulo ale khayaawenre yookwanela. Woovoleihiwa wa hiyo oweherera woopwahaxa, mwa yoowo hiyo nimmwaattamelaahuno Muluku.