Miteko 13:23 - Emakhuwa Bible

²³ Muluku aahaaruuhela aYixrayeli Mvuluxa Yeesu, akhumaka ekhapira ya Davide, ntoko aaroromelihalaawe.

Miteko 13:23 Iomraidhean Croise

2 Samuweli 7:12

Waamalaka okumaanyu, muniitthuuwa vamoha ni makholowaanyu, kinoomukhaliha mmoha a ekhapiraanyu weera oorandeleni. Owo onookhala a ekhapiraanyu ni Miyo kinookhaliha omwenaawe.

Icipo 132:11

Yave aamuroromeliha murumeiyaawe Davide – nlipelo na ekhaikhai noohiceendyeya: “Kinoomukhaliha vahiceniwanyu ya emwene mmoha a ekhapiraanyu xaxaxa.

Yesaya 11:1

Niphuwa nnoophuwa munikottoni mwa Yixai; mukwankhwaarinimwawe enoophuwa ephandi enyowani.

Yesaya 11:10

Vanihukuni nenenenno Mukwankhwaari wa Yixai onuukhale ntoko eneneero wa miloko; iyo sinoomwaattamela ni nipuronawe noowiitthuuwa nnikhale noovuwa.

Yesaya 43:11

Miyo muneenaaka ti Yave ni khawoworu mvuluxa kihikhanle Miyo.

Yesaya 45:21

Muhime yeeyo eneera yeereiye, moonihere yoowaakhuleleya. Awosa ethukumane elakane. Taani aahimale yeeyo khalayi? Taani aalaleiye mweehuhuni evinre? Kaari Miyo, Yave. Khoowowo muluku mukina kihikhanle Miyo, Muluku Oororomeleya ni Mvuluxa. Khoowowo muluku mukina kihikhanle Miyo.

Yesaya 7:13

Vanonto, Yesaya aaheera: “Hear Mwiiwe, nyuwo emusi ya Davide. Khawookwanneni waakhulumula atthu? Munimootatho opixa murima wa Mulukwaaka?

Yeremiya 30:9

Anoomurumeela Yave, Mulukwaaya, ni Davide, mwenaaya, kineeraaka kaavahe.

Amosi 9:11

“Nihuku nno kinooreherera eheema ya Davide emonre. Kinooreherera yeeyo mipattasaya soonanara, ni kinoorasela milepesaya. Miyo kinimweemexa ntoko yaaraaya khalayi,

Zakariya 9:9

Muhakakalaxe mwaana muthiyana a oSiyoni; mukhuwele mwaana muthiyana a oYerusaleemu! Moone, mwenaanyu ongwaattamelani, oororomeleya ni oowineene, a murima woomaaleleya ni angwenleene buuru, aani mwaaxaana a buuru muthiyana.

Matheyo 1:1

Ela elivuru ya ikhapira sa Yeesu Kristu, Mwaana a Davide, mwaana a Abrahaamu:

Matheyo 1:21

Owo anaamuyare Mwaana Mulopwana, ni nyuwo mmunttehe Nsinanawe Yeesu, niwoko anaavuluxe mulokwaawe mwa sootthekasaya.”

Matheyo 21:9

Atthu yaari ohoolowawe ni ottuliwawe yaahiipa ni ohakalalaxa yeeraka: “Hosana* wa Mwaana a Davide! Ooreelihiwa ti Yoowo ongwa mwa Nsina na Apwiya! Hosana* musulusulu!”

Matheyo 22:42

“Munuupuwela hai mwaha wa Kristu? Mwaana awani”? Awo yaamwaakhula: “Mwaana a Davide.”

Luuka 1:69

Awo aaniwerela hiyo ovuluxiwa otokotoko mwa muloko wa murimeiyaaya Davide,

Yohaane 4:42

Yaamweerela muthiyana: “Vano hiyo khaninroromela niwoko na maswaanyu paahi, mene niwoko noomwiiwa asineenaahu ni noosuwela weera Owo ti Mvuluxa a ekhaikhai a elapo ya vathi.”

Yohaane 7:42

Yoolempwa* enghima nnenesene weera Kristu anaawe wa ekhapira ya Davide, wa esidade ya oBetelehemu weiwo Davide aakhalaawewo!”

Miteko 13:32

Hiyo ninoolaleerani nyuwo masu ooreeraxa ala: yeeyo Muluku aaroromelihalaawe makholowaahu,

Miteko 2:30

Vano owo aari mprofeeti ni aasuwela weera Muluku aamuroromeliha ni nlipelo weera eera aamwiikaathi mmoha a ekhapiraawe vahiceniwawe.

Miteko 3:26

Muluku amvenyererihaleene murumeiyaawe, ohoorumihelani toko nyuwo weera ooreeliheni oorukunxakani nyuwo ootheene wa sootakhalasanyu.”

Miteko 4:12

Khoowowo ovuluxiwa mwa mukina. Khaniwowo nsina nikina nivahiwe wa atthu mwa nenno ontthuneya weera ninivuluxe.”

aRooma 1:3

ni ala yaari mwaha wa Mwanawe, aari ntoko erutthwaawe a ekhapira ya Davide.

aRooma 11:26

Ni hiihaawo aYixrayeli ootheene eniivuluxiwe, ntoko elempwalaaya: “Anaarweele oSiyoni Mvuluxa anaasusihe soonanara sa ekhapira ya Yakobe.

Titu 1:4

Wa Titu, mwanaka a ekhaikhai munroromelonimwahu: Mahala ni murettele wa Muluku Atiithi ni wa Kristu Yeesu Mvuluxaahu.

2 Pedru 1:1

Ya Simeyoni Pedru, murumeiyi ni murummwa a Yeesu Kristu, wa yaale yaakhenle, ntoko hiyo, nroromelo noottittimiheyaxa niwoko na waakhuleliwa wa Mulukwaahu ni Mvuluxa Yeesu Kristu:

2 Pedru 1:11

Hiiho nyuwo mmwaakheliwe nnenesene mwaavolowaka moomweneni woohimala wa Apwiyaahu ni Mvuluxaahu Yeesu Kristu.

2 Pedru 2:20

Atthu yoopowa soonanara sa elapo ya vathi woowaasuwela Apwiyaahu Yeesu Kristu Mvuluxa, ni vahoolowaya enavitikeleliwatho elamuliwaka ni seiyo, awo anootepa onanaraxa opwaha woopacera.

2 Pedru 3:18

Wa soothesene, munnuwe mmahalani ni moosuwelani mwa Apwiyaahu ni Mvuluxa Yeesu Kristu. Wa Awo okhale ovuwa wa vaanaano ni woohimala. Ame*.

2 Pedru 3:2

nyuwo muupuwelele masu yuulummwale khalayi ni maprofeeti ootteela ni malamulo a Apwiyaahu ni Mvuluxa arummwaanyu yooxuttihalaayani.

1 Yohaane 4:14

Nohoona ni ninkhalela onamoona weera Atiithi yaamurumiha Mwaana weera akhale Mvuluxa a elapo ya vathi.

Yuda 1:25

wa Muluku mmoharu, Mvuluxaahu okhale ovuwa, otokweene, ikuru ni olamula niwoko na Yeesu Kristu Apwiyaahu, okhuma ehinaaye ehuhu yootheene, vaanaano vaava ni wa mahuku ootheene. Ame*.

Ethupululo 22:16

Miyo, Yeesu, koomurumiha ndyelowaaka weera oovaheeni onamoona ola wa ikerexa. Miyo ti Mukwankhwaari ni Ekhapira ya Davide, ni Tthanda oowaaraxa.”