Miteko 13:2 - Emakhuwa Bible

² Yaalapaka Apwiya ni etthukaka, Munepa Wootteela waaweerela: “Mukimwalamwalihere Barnaba ni Sawuli wa muteko Miyo kiwiitthanenlaaka.”

Miteko 13:2 Iomraidhean Croise

1 Nyaha 16:4

Davide aahaathanla aLeevi akina akina weera erumeele ohoolo wa Arka* a Yave, evekelaka, etthapelaka ni emvuwihaka Yave, Muluku a oYixrayeli.

Daniyeli 9:3

Vano kaamwaattamela Yave Muluku kimudyoonttelelaka ni mavekelo, soodyoonttelela ni kitthukaka, kiwanreene isaakho ni kiihenleene ettuura.

Matheyo 6:16

Mwaatthukaka, muhikhale ni ekhalelo yoothanana ntoko anamwiixeera, niwoko awo anooceendya ekhovaaya weera atthu akina ewoone weera aatthuka. Miyo kinooleelani vekhaikhai weera ahaakhelela ntthuvelonaya nootheene.

Matheyo 9:38

Mumvekele muneene a soohepha weera aarumihele atthu akina soohephasawe.

Luuka 10:1

Vahoolowaya, Yeesu aahaathanla oohusera miloko mithannamiili neeli ni aahaarumiha eeli-eeli vahoolowawe wa isidade sootheene ni mapuro ootheene Owo aatthunaawe orowa,

Luuka 2:37

ni vahoolowaya aakhala naamukhweli mpaka iyaakha miloko mithannamiraru niixexe. Khanatoko ohiya Empa ya Muluku. Annamulapa Muluku, atthukaka ni avekelaka ohiyu ni othana.

Miteko 10:19

Pedru nlelo atthokelelaka sa moonelo, Munepa waamweerela: “Simeyoni, asilopwana araru anoowaasani nyuwo.

Miteko 10:30

Korneliyu aamwaakhula: “Wa mahuku maxexe avirale, miyo kaari owaani kivekelaka ehuhuweene yeela ya oxekuwa. Woowaakuveya aakhala ohoolowaka mulopwana mmoha awanreene ikuwo soowaara,

Miteko 13:3

Hiiho, emalihaka otthuka ni ovekela, yaawiikaathera matata ni yaahaarumiha.

Miteko 13:4

Erumihiweene ni Munepa Wootteela, awo yaarowa oSeleusiya, ni evenyaka vaavaale, yaalapuwa munikulani erowaka oKipro.

Miteko 14:26

wAtaliya yaalapuwa munikulani ehokoleelaka wAntiyokiya, weiwo yaavahereriwaaya mwa mahala a Muluku wa orummwa yaakwanihenraaya vano.

Miteko 20:28

Mwiipasoope nyuwo asineenaanyu ni muhuwo mwa yoowo Munepa Wootteela owiikaathenraayani ntoko asitokweene ankosoopa*, weera mukukhulele ekerexa ya Muluku Owo othumalaawe ni ephomaawe muneenaawe.

Miteko 22:21

Vano Apwiya yaakeerela: ‘Murowe, Miyo nkoorumiheni ottaiwene, wa amalapo.’”

Miteko 4:36

Yoseefe, muLeevi aayariwe oKipro, yoowo arummwa, yaamvanghaaya nsinanawe Barnaba (eyo tiiyo mwaana a nipempeso),

Miteko 6:4

ni hiyo nniivaherera ni nthiti mmavekeloni ni mmutekoni wa masu.”

Miteko 8:29

Munepa waamweerela Filipe: “Mwaattamele ekaaro ele ni mweette ni yeeyo.”

Miteko 9:15

Apwiyatho yaamweerela Ananiya: “Muroweke, mulopwana owo ti exaavaaka yoothanliwa weera ekuxe Nsinanaka wa amalapo, mamwenaaya ni wa muloko wa aYixrayeli.

aRooma 1:1

Wa Pawulo, murumeiyi a Kristu Yeesu, iitthaniwe weera akhale murummwa, aathanliwe weera alaleiye masu ooreeraxa.

aRooma 10:15

Ni eniilaleiye hai ehirumihiwe? Ntoko elempwalaaya: “Ti sooreeraxa inaawo sa yaale anlaleiya masu ooreeraxa!”

aRooma 15:16

okhala murummwa a Kristu Yeesu wa amalapo, eyo tiiyo kookhalano muteko wa musaserdoti* olaleiya masu ooreeraxa a Muluku weera amalapo ethatuwe yooveleela yoowaakhuleleya wa Muluku, atteelihiwe ni Munepa Wootteela.

1 aKorinto 12:11

Itthusene seiya sootheene simpakiwa ni Munepeene Yoowo mmoharu. Ni Owo onkawa samahalasaya wa mutthu ti mutthu, ntoko ontthunaaya.

1 aKorinto 7:5

Muhikhoottelane okona vamoha, ohikhanle wa ehuhu vakhaani ni mwiiwanane, weera ehuhuweene yeeyo muvilele mmavekeloni. Vahoolowaya, mupwaherere okona vamoha weera ahiweerereni Satana niwoko na ohiisuumaalihawanyu.

2 aKorinto 11:27

Kannavara miteko soovihaxa, imaara sincipale woohikona, kannavoliwa etala ni ntthona, imaara sincipale nkaakhalanne sooca, kannavilela oriira ni pwitipwiti.

2 aKorinto 6:5

moowaxuliwani, mootthukiwani, moovanyihanani atthu ancipale, mmitekoni sooviha, moohiyuni woohikona, ni mootthukani.

aGalata 1:15

Waamusivenlaaya Muluku okimwalanyinghe okhuma mweerutthuni ya amayaka ni okiitthanne ni mahalaawe, weera

awEfeso 3:7

Koothatuwa murumeiyi a masu ooreeraxa ala niwoko na mahala a Muluku kivahiwaaka, ni owera wa ikurusawe.

Deuteronomiyo 10:8

Ehuhuweene yeele Yave aathanla epuumba ya aLeevi weera yaateexe Arka* a wiiraana a Yave; yeemele vamaithoni wa Muluku erumeelaka ni weera elaleiyeke mareeliho mwa Nsinanawe, ntoko empakeyaaya olelo.

aKolosi 4:17

Mwamuleele Arkipo: “Mwiipasoope okwanihera muteko mwaakhenlaanyu mwa Apwiya.”

1 Timootheyo 2:7

Wa yeeyo kookhalihiwa namalaleiya ni murummwa, muhusiha a nroromelo na ekhaikhai wa amalapo. Kinghima ekhaikhai – nkinootha.

2 Timootheyo 1:11

Miyo kookhalihiwa namalaleiya, murummwa, ni muhusiha a masu ooreeraxa ala.

2 Timootheyo 2:2

Ni masu okiiwalaawo kihimaka variyari wa anamoona ancipale, waavaherera atthu oororomeleya weera ekhaletho oowera waaxuttiha akina.

2 Timootheyo 4:11

Ti Luuka paahi ori ni miyo. Omurwaane Marku, niwoko owo onoowera okikhavihera mmutekoni.

2 Timootheyo 4:5

Wa soothesene, weyo wiipasoope mwa soothesene, ovilele soohaawa, ovare muteko wa namalaleiya a masu ooreeraxa, ni okwaniheraxe mutekwaawo.

aHeberi 5:4

Khaawo omvara nttittimiho nna mwaneenaawe, mene ontthuneya wiitthaniwa ni Muluku ntoko iitthaniwaawetho Aharoni.

1 Samuweli 2:11

Vahoolowaya Elikana aarowa owaani, vaheera mwaana ole aapacera omurumeela Yave vamaithoni wa musaserdoti* Eli.