Miteko 13:15 - Emakhuwa Bible

¹⁵ Emalihaka osoma wa nlamulo ni wa maprofeeti, asitokweene a eSinagoga* yaahaarumiha atthu weera emweerele Barnaba ni Sawuli: “Axunna, mwaarino masu oolipiha murima wa muloko wa atthu, muulume.”

Miteko 13:15 Iomraidhean Croise

Marku 5:22

Vano aaphiya vaavaale muhooleli mmoha a eSinagoga* iitthaniwa Yairu. Amoonakaru Yeesu, aamukokhorela inaawosawe

Luuka 16:16

Malamulo ni maprofeeti aakhala mpaka Yohaane. Evenyero vaavaale mpaka ohoolo, masu ooreeraxa a omwene wa Muluku anoolaleiwa, ni ootheene animweerera wiilipiha ovolowa moomweneni owo.

Miteko 1:16

aweerelaka: “Axunna, waatthuneya weera ekwaniheriwe Yoolempwa* Munepa Wootteela waahimalaaya khalayi ni eyano ya Davide mwaha wa Yudasi, yoowo aahoolenle yaale yaamvanre Yeesu.

Miteko 13:27

muloko wa atthu a oYerusaleemu ni asitokweenaaya khayaamusuwenle Yeesu ntoko Mvuluxa, mene emuttaruxaka Yoowo, yaakwanihera masu a maprofeeti ansommwa iSaabadu sootheene.

Miteko 15:21

Vano, okhuma khalayi malamulo a Moisesi aalaleiwa isidade sootheene, esommwaka muSinagogani* khula eSaabadu.”

Miteko 15:7

Vahoolo wa masu mancipale, Pedru aaheemela ni aaweerela: “Axunna, nyuwo moosuwela weera okhuma khalayi, Muluku ookithanla variyariwanyu weera amalapo yiiwe mmwaanomwaka masu ooreeraxa ni weera eroromele.

Miteko 18:17

Vano ootheene yaamvara Sostene, mutokweene a eSinagoga*, ni yaammana ohoolo wa nipuro nne. Vaheera Galiyo khaapwatthenle etthu.

Miteko 18:8

Krispo, mutokweene a eSinagoga*, aahaaroromela Apwiya vamoha ni ootheene yaawo a vaatewawe. Ancipale a aKorinto yaamwiiwa yaaroromela ni yaapatisiwa.

Miteko 2:29

Axunnaka, kinoowera wooleelani ni ekhaikhai weera mutokweene Davide aahookhwa, ni aavithiwa ni nihiyenawe nri variyariwahu mpaka nihuku na olelo.

Miteko 2:37

Yiiwakaru yeeyo, awo yaahoopopiheya ni yaamukoha Pedru ni arummwa akina: “Axunna, nneereke hayi?”

Miteko 2:4

Ootheene yaasareya ni Munepa Wootteela ni yaapacera wuuluma muulumo makina ntoko Munepa waavanghaaya wuuluma.

Miteko 20:2

Aaheetteetta elapo ele alipihaka mirima sa axunna ni masu mancipale, ni ommaleloni aaphiya oGresiya,

Miteko 22:1

“Axunna ni asitiithi, mwiiwe vano wiixaakihawaka.”

Miteko 4:36

Yoseefe, muLeevi aayariwe oKipro, yoowo arummwa, yaamvanghaaya nsinanawe Barnaba (eyo tiiyo mwaana a nipempeso),

Miteko 7:2

Mwa yeeyo owo aahaakhula: “Axunna ni asitiithi, mukiiwe: Muluku oovuwaxa aahiixoonihera wa atithihu Abrahaamu awo ereene nlelo oMesopotamiya, ehinaaye omaka oHara, ni aaweerela:

aRooma 12:8

yakhala oowaalipiha mirima akina, mupake hiiho, yakhala ovaha, muvahe ni murima wootheene, yakhala ohoolela, muhoolele ni nthiti, yakhala omorela ikharari, mupakeke ni ohakalala.

1 aKorinto 14:3

Vaheera owo onthalihera otthuna wa Muluku onuuluma ni atthu weera aapuhihe, alipihere mirimasaya ni aapepese.

2 aKorinto 3:14

Vekhaikhai, soowuupuwelasaya soowaliwa, niwoko mpaka olelo ecireemba eyo enkhala waasommwaka Wiiraana wa Khalayi. Kheevenxiwe, niwoko emvenxiwa mwa Kristu paahi.

1 aTesalonika 2:3

Vano, olaleiyawahu khoonrweela mootapanyani, naari wa mikhalelo soohitteela, hata khanuupuwela weera noolokottheni.

aHeberi 13:22

Axunnaka, kinoovekelani nyuwo weera muvilele maswaaka a owoopererani. Vekhaikhai, miyo kohoolepelani masu vakhaani.