Miteko 12:3 - Emakhuwa Bible

³ Oonaka weera eyo yaahaasiveliha aYuda, aapwaherera amutthukakatho Pedru mweehuhuni mwa efesta ya ipaawu soohikhalano eferementu.

Miteko 12:3 Iomraidhean Croise

Icipo 76:10

Mpaka isara munaakhalelaanyu atthu sinimooruuhelani ottottopela ni eniihalahale musaranimwanyu anoohiiheya.

Okhuma 23:15

Mpake efesta ya epaawu yoohikhalano eferementu. Muceeke epaawu yoohikhalano eferementu wa mahuku mathanameeli ntoko koolamulenlaakani. Mpake yeeyo mweehuhuni yoothanliwa mmweerini wa Abibi, niwoko mweereene yoowo mwaakhumihingwaanyu wExipitu. Ahikhale anaaphiye ohoolowaka matataru.

Matheyo 26:17

Nihuku noopacera na efesta ya ipaawu soohikhalano eferementu oohusera yaamwaattamela Yeesu ni yaamukoha: “Muntthuna woowi Nyuwo weera hiyo nareherere yooca ya mPaska*?”

Yohaane 12:43

Vano yaasivela ovuwa wa atthu, ohikhanle ovuwa wa Muluku.

Yohaane 19:11

Yeesu aamwaakhula: “Nyuwo khamwaakhalano hata vakhaani ikuru ni Miyo mwahaavahiwe ikuru iyo wa wiirimu. Tivawo yoole okivaherenre wa nyuwo ookhalano nthowa na yoottheka yoowoopwahani nyuwo.”

Yohaane 21:18

Kinooleelani ekhaikhai: Mwaaraanyu mmiravo, mwaangwarela ni mwaanrowa weiwo mwaatthunaanyu, mene muuluvalaka, mmweemexe matataanyu ni mutthu mukina anoowariheni ni anookuxeeni ooronghakani weiwo muhinghaawelaanyu.”

Miteko 12:4

Amutthukaka, aangwalela okaliposo, amwinnyereraka yoowo weera awehawehiwe ni mipatta mixexe, khula mpatta anakhotto axexe. Herodi aatthuna weera amuthorihe mwaatthuni emalaka ehuhu ya mPaska*.

Miteko 2:14

Vano Pedru aaheemela vamoha ni muloko nimmoha, ni aaweerela atthu ancipale, akhuwelaka: “Atthu a oYudeiya ni ootheene ankhala oYerusaleemu, mukihiye koothalihereni yeeyo! Mwiiwe nnenesene!

Miteko 20:6

Naapwaha munikulani oFilipi vahoolo wa efesta ya ipaawu soohikhalano eferementu, ni eviraka mahuku mathanu, naathukumana ni yaawo oTrowade, naaraahuwo mahuku mathannameeli.

Miteko 24:27

Siviraka iyaakha piili, Felisi aamwaakhela Porsiyo Festo ntoko namukalambaawe. Wa soothesene, atthunaka waasiveliha aYuda, Felisi aamuhiya Pawulo okaliposo.

Miteko 25:9

Festo, atthunaka waasiveliha aYuda, aamukoha Pawulo: “Nyuwo moolikana weera murowe oYerusaleemu ni weiwo mwathorihiwe ohoolowaka mwaha wa soowoothera iya?”

Miteko 4:13

Yoonaka olipa murima wa Pedru ni Yohaane, ni esuwelaka weera khayaahiyono atthu oolepiweene, mene oohixuttihiwa, yaatikhina, ni yaasuwela weera awo yaakhala vamoha ni Yeesu.

aGalata 1:10

Apaale miyo kinaasaasa waakhuleliwa wa atthu, naari wa Muluku? Hoye hoye miyo kineerera waasiveliha atthu? Kaasaasa waasiveliha atthu, nkaakhala murumeiyi a Kristu.

1 aTesalonika 2:4

Ohiyanawaya, ninuuluma ntoko asilopwana oowaakhuleliwa ni Muluku avahereriwe masu ooreeraxa. Khannuuluma hiiho weera naasivelihe atthu, mene wa Muluku onsuwela mirimasahu.