Miteko 11:26 - Emakhuwa Bible

²⁶ ni amphwanyaka, aamukuxa amuronghaka wAntiyokiya. Hiiho Barnaba ni Sawuli yannathukumana ni ekerexa ya wAntiyokiya, woomalaka eyaakha emoha ni yaahaaxuttiha atthu ancipale. Ti wAntiyokiya oohusera yaapacenraayawo wiitthaniwa aKristu.

Miteko 11:26 Iomraidhean Croise

Yesaya 65:15

Munimwaahiyera oothanliwaaka nsinananyu ntoko nlapho; Yave onlamula sootheene onoowiivasani, mene onimwaavaha arumeiyaawe nsina nikina.

Matheyo 28:19

Tivawo, murowe ni mwaakhalihe oohusera a amalapo ootheene, mwaapatisaka mwa Nsina na Atiithi, na Mwaana ni na Munepa Wootteela,

Yohaane 2:2

Yeesu ni oohuseraawe yaalattuliwatho wookwattini ole.

Miteko 1:15

Mahukweene yaale, Pedru aaheemela variyari wa axunna yaari wookwanaka atthu ncira ni miloko miili,

Miteko 11:20

Wa soothesene, akina a yaawo, yaari atthu a oKipro ni a oKireene, yaarowa wAntiyokiya ni yaapacera wuuluma ni aGregotho, yaathaliheraka masu ooreeraxa mwaha wa Apwiya Yeesu.

Miteko 11:22

Ihaali sa etthweene yeeyo saahiiwanyeiya ni ekerexa ya oYerusaleemu, ni atthu a ekerexa ele yaamurumiha Barnaba wAntiyokiya.

Miteko 11:27

Mahukweene yaale, maprofeeti makina yaarowa ekhumaka oYerusaleemu mpaka wAntiyokiya.

Miteko 11:29

Oohusera yaalakela waakhavihera axunna yaakhala oYudeiya, mutthu ti mutthu yeeyo owo aaweraawe.

Miteko 14:20

Oohuseratho yaamurukurenraaya mukhwipimwawe, owo aavenya ni aahokoleela musidadeni. Oxaawaya, owo ni Barnaba yaapwaha erowaka oDerbe.

Miteko 14:22

elipiheraka mirima sa oohusera ni ewoopereraka weera epwaherere munroromeloni, yeeraka: “Ontthuneya weera nivire mmahooxoni mancipale weera nivolowe moomweneni wa Muluku.”

Miteko 14:23

Pawulo ni Barnaba yaahaathanla asitokweenaaya khula ekerexa. Emalihaka otthuka ni ovekela, yaahaavaherera mookosoopani wa Apwiya, mwa Yaawo awo yaaroromelaaya.

Miteko 14:27

Ephiyaka weiwo, yaathukumana vamoha ni ekerexa, ni yaahaathalihera sootheene Muluku aapakaawe mmatatanimwaya, ni moota aahulenlaawe amalapo mulako wa nroromelo.

Miteko 14:28

Vano, yaakhala weiwo ehuhu yincipale ni oohusera.

Miteko 18:27

Atthunaka orowa wAkhaya, axunna yaamulipihera ni yaahaalepela oohusera weera emwaakhelele. Aphiyakaru, aahaakhavihera vancipale yaawo yaaroromenle niwoko na mahala a Muluku,

Miteko 19:9

Akinatho a yaawo yaahuumiha mirimasaya, enakhootta ororomela, enapacera wuuluma soonanara sa Ephiro mwaatthuni. Vano Pawulo aasusa wa yaawo. Aakuxaka oohusera, annaaxuttiha khula nihuku muxikolani ya Tiranu.

Miteko 20:1

Omalaka onyakulihana, Pawulo aarumiha owiithana oohusera, ni vahoolo wa olipiha mirimasaya, aahaalaxera ni aarowa mpaka oMasedoniya.

Miteko 20:30

Variyariwanyu eniikhumelele alopwana eneera ekhune ekhaikhai weera yaalokotthe oohusera ni yaatthare yaawo.

Miteko 21:4

Naaphwanyaka oohusera weiwo, naakhala ni yaawo mahuku mathannameeli. Awo, mMunepani, yaamooperera Pawulo weera ahirowe oYerusaleemu.

Miteko 26:28

Vano Agripa aamweerela Pawulo:“Nyuwo munuupuwela weera mwa ehuhu ekhaani munoowera okiviriyela othatuwa muKristu?”

Miteko 6:1

Mahukweene yaale, waandyeerereyaka waatta wa oohusera, aYuda yuulumale vaGrego variyariwaya yaahaattaandawula yaale yuulumale vaHeberi, niwoko asinaamukhwelaaya yannattiwaliwa mwa sookhaviherana sa khula nihuku.

Miteko 6:5

Vano maswaaya yaahaasiveliha atthu ootheene, ni yaamuthanla Stefano, mulopwana oosareya nroromelo ni Munepa Wootteela, ni Filipe, Prokoro, Nikanori, Timoni, Parmena ni Nikolawu, oohusera mmoha a ediini ya aYuda arweelaka wAntiyokiya.

Miteko 9:19

ni acaakaru, aalipa mmakhuvani. Sawuli aalekela mahuku makina ni oohusera a oDamasku.

Miteko 9:38

Esidade ya oLida yaari vakhiviru wa oYope, ni oohusera yiiwalaaya yeeriwaka weera Pedru aari oLida, yaamurumihela asilopwana eeli weera emweerele: “Muhipise orwa wa hiyo.”

1 aKorinto 11:18

Woopacera kiniiwa weera, mwaathukumanaka ntoko ekerexa, wookhala ohiiwanana variyariwanyu, ni vano miyo kinroromela yeeyo vakhaani.

1 aKorinto 12:12

Vano, hiiho ntoko erutthu eraaya emoha, eri okhalanaru mipatta sincipale, ni mipatta sootheene siri mwaattaru simpaka erutthu emoha, hiihotho ni Kristu.

1 aKorinto 14:23

Hiiho, ekerexa yootheene yathukumana ni ootheene yuuluma ni muulumo makina, enavolowa akina oohisuwela, naari oohiroromela, awo kheerwa yeera weera muri ni anepa?

1 aKorinto 4:17

Niwoko nenenenna kinoorumihelani Timootheyo, mwanaka oosiveleya ni oororomeleya mwa Apwiya. Owo anaawuupuxereni mweettelowaaka mwa Kristu, ntoko miyo kinxuttihaaka wa ilapo ni ikerexa sootheene.

awEfeso 3:15

mwa Yaawo emusi yootheene eri wiirimu ni vathi enimwaakhela Nsinanaya.

Yakobe 2:7

Khaahiyono yaawo amveiha nsina nooreera na Yoowo nyuwo muraanyu awawe?

1 Pedru 4:14

Nyuwo mwaruwaniwa niwoko na Nsina na Kristu, munookhala ooreelihiwa, niwoko Munepa wa ovuwa, Munepa wa Muluku onkhala mwa nyuwo.

1 Pedru 4:16

Wa soothesene, mwaahaawaka ntoko muKristu, muhuuliwe muru, mene mumvuhiwe Muluku niwoko na Nsina nna.

1 Yohaane 2:27

Vano, mwaha wa nyuwo, yoottikittheliwa mwaakhenlaanyu wa Munepa Wootteela enkhala mwa nyuwo, ni khoontthuneya weera ooxuttiheni mukina. Ntoko yoottikitthela ela ya ekhaikhai ni yoohilokottha enooxuttihani mwaha wa itthu sootheene, mukhale mwa Muluku, ntoko eyo yooxuttinghaayani.

Ethupululo 3:18

Miyo kinoolakani weera muthume wa Miyo eyuuma yoorikaxa yoowiitthwihaxiwa mmooroni, weera muthatuwe namuhakhu, ni ikuwo sootteela soowara weera muttiyeleele ohiwarawanyu woowuuliha muru, ni murette wa maitho, weera muttikitthele maithwaanyu ni moone.