Miteko 11:23 - Emakhuwa Bible

²³ Owo aphiyaka weiwo ni oonaka mahala a Muluku, aahakalala ni aahaalipihera weera ekhaleke oororomeleya wa Apwiya ni murima wootheene.

Miteko 11:23 Iomraidhean Croise

2 Mamwene 18:6

Aamutthara Yave moota woororomeleya ahimuhiyaka. Aahiiwelela malamulo Yave aamuvanghaawe Moisesi.

Icipo 17:3

Naari mootaka murimaaka ni mukiwehawehaka moohiyuni, hata mukisuwelaka nnenesene, khamuphwanya etthu yoottheka. Koolakela weera eyanowaaka kheettheka

Masu a Miruku 23:15

Mwanaka, murimaawo wakhalano miruku, murimaaka onoohakalala.

Masu a Miruku 23:28

Owo ongwiipithela ntoko anamahuhula, ni ompakiha weera asilopwana ancipale ekhale oohiroromeleya.

Daniyeli 1:8

Vaheera Daniyeli aalakelaxa ohiinanariha ni sooca ni eviinyu ya mwene, anamvekela mutokweene a arumeiyi a mwene omutthunihera weera atthare moota owo.

Matheyo 16:24

Vano Yeesu aaweerela oohuseraawe: “Akhala mukina ontthuna okitthara Miyo, iikhootte muneenaawe, akuxe muttandaawe ni akitthare.

Marku 2:5

Oonaka nroromelonaya, Yeesu aamweerela mutthu ooheetta: “Mwaana, sootthekasanyu sooleveleliwa.”

Yohaane 15:4

Mukhale mwa Miyo ni nkikhale mwa nyuwo. Khoowowo murai ongwera wiima mwaneenaayaru, ohikhanle muvideirani*. Nyuwotho khamungwera wiima, muhikhanle mwa Miyo.

Miteko 13:43

Woomwareyani wa mmuthukumanoni, aYuda ancipale ni anamarwa a murima wa omuluku antthara ediini ya aYuda, yaamutthara Pawulo ni Barnaba. Awo yaatthekula ni yaawo, yaalipiheraka weera epwaherere mwa mahala a Muluku.

Miteko 14:22

elipiheraka mirima sa oohusera ni ewoopereraka weera epwaherere munroromeloni, yeeraka: “Ontthuneya weera nivire mmahooxoni mancipale weera nivolowe moomweneni wa Muluku.”

Miteko 14:26

wAtaliya yaalapuwa munikulani ehokoleelaka wAntiyokiya, weiwo yaavahereriwaaya mwa mahala a Muluku wa orummwa yaakwanihenraaya vano.

Miteko 15:40

mene Pawulo aamuthanla Sila ni, yaavahereriwa wa mahala a Apwiya ni mavekelo a axunna, enapwaha.

Miteko 20:24

Wa soothesene, nkimpwatthela, naari nkinoonelamo okumaaka etthu yoottittimeheyaxa wa miyo mwaneenaaka. Yoohaawelaaka emoharu eri omaliha otthimakawaka ni okwanihera muteko kaakhenlaaka wa Apwiya Yeesu, eyo tiiyo okhalela onamoona sa masu ooreeraxa a mahala a Muluku.

Miteko 20:32

Vano miyo kinoovahererani wa Muluku ni wa masu a mahalaawe. Masu ala anoowera woopuhihani ni woovahani yoohiyeriwa* vamoha ni ootheene yaawo ari ootteelihiwa.

Miteko 4:36

Yoseefe, muLeevi aayariwe oKipro, yoowo arummwa, yaamvanghaaya nsinanawe Barnaba (eyo tiiyo mwaana a nipempeso),

aRooma 12:8

yakhala oowaalipiha mirima akina, mupake hiiho, yakhala ovaha, muvahe ni murima wootheene, yakhala ohoolela, muhoolele ni nthiti, yakhala omorela ikharari, mupakeke ni ohakalala.

1 aKorinto 15:58

Tivawo, axunnaka oosiveleya, mwiilipihe ni muhittikinyeye. Mahuku ootheene mupakeke miteko sa Muluku ni murima wootheene, niwoko moosuwela weera mwa Apwiya, mutekwaanyu khoohiyono wa siiyo.

2 aKorinto 1:17

Vano, kaavaanenlaaka yeeyo, weeraka miyo kipanke yeeyo ntoko namaceendyaceendya? Hoye hoye weeraka soovaanelasaka kimpaka ntoko mikhalelo sa amalapo, keeraka “aani” ni “hoye” ehuhu emoha yeeyo?

2 aKorinto 6:1

Ntoko anamiteko a Muluku, hiyo ninniwoopererani weera muhaakhele siiyo mahala a Muluku.

Deuteronomiyo 10:20

Mmoove Yave Mulukwaanyu ni munrumeeleke. Mumvarexexe Yoowo mulipelaka Nsinanaweru.

Deuteronomiyo 30:20

ni weera munsivele Yave Mulukwaanyu, mwiiwe nsunawe mumvarexexaka Yooworu. Vanonto Yave ti okumaahu ni Owo onoowaandyeererani iyaakha mweelaponi aaroromelinghaawe ni nlipelo waavaha makholowaanyu Abrahaamu, Isaki ni Yakobe.”

aKolosi 1:6

yoophwannyeni. Mwa elapo yootheene ya vathi masu ooreeraxa aniima soowiima yunnuwaka, ntoko oneereyaaya variyariwanyu okhuma ehuhu mwiiwalaanyu masu ooreeraxa, ni mwiiwexenxaanyu mahala a Muluku mwa ekhaikhai.

2 Timootheyo 3:10

Wa soothesene, weyo woosuwela nihusihonaka, mweettelowaaka, otthunawaka, nroromelonaka, opixiwaka murima, osivelawaka ni ovilelawaka;

Yoxuwa 22:5

Wa soothesene, mwiipasoope weera mwiiwelele nnenesene Nlamulo ni ikano Moisesi, murumeiyi a Yave, oovanghaaweni: Munsivele Yave Mulukwaanyu, mweette mphironimwawe, mwiiwelele malamulowaawe ootheene, mumvarexexe Yoowo ni munrumeeleke ni murimaanyu ni okumaahu wootheene.”

Yoxuwa 23:8

Ohiyanawaya, mumvarexexe paahi Yave Mulukwaanyu, ntoko mpankaanyu mpaka olelo.

1 Pedru 5:12

Kohoolepelani nyuwo ni ekhavihero ya Silvano, mwa yoowo miyo kimmoonaaka weera ori munna oororomeleya, weera koolipiheni, nitho kikhalele onamoona weera ala ti mahala a ekhaikhai a Muluku. Mwa yaawo, mupwaherere oolipeene!

1 Yohaane 2:28

Anamwane, vano mukhale mwa Yoowo weera Owo iixooniheraka, hiyo nikhalaneke nroromelo, ni weera nihuulihiwe muru vamaithoniwawe moowaanimwawe.

3 Yohaane 1:4

Ohakalalawaka otokotoko woopwaha sootheene ti wiiwa weera anamwanaaka aneetta mwa ekhaikhai.

Yuda 1:4

Vano, atthu akina, mwa yaawo nthorihelonaya naalempwale khalayi, ahiivoleiha muxiirini variyariwanyu. Awo ari atakhali, etatuxaka olavilavi mahala a Mulukwaahu ni animkhootta Yeesu Kristu, Namalamula mmoharu, Apwiyaahu.