Miteko 1:9 - Emakhuwa Bible

⁹ Amalihaka ohima yeeyo, aawelihiwa osulu awosa engwehaka, ni nihutte nimoha naamukhuneela Yoowo moota wooweera khayaamoonnetho.

Miteko 1:9 Iomraidhean Croise

Icipo 68:18

Mwaawenlaanyu moowinani osulusulu weera mwakhalewo, Yave Muluku, mwaahaakuxa anamatthukiwa ancipale. Mwaawaakhela atthu ntoko yoovaha – mpakatho anamavaanya.

Okhuma 19:9

Yave aamweerela Moisesi: “Kinimoorwa wa nyuwo munihutteni nooriipihana weera muloko okiiwaka wuuluma, woororomeleni mahuku ootheene.” Vano Moisesi aamuthalihera Yave yoowaakhula ya muloko.

Okhuma 34:5

Vano Yave aakhuruwa munihutteni, anakhala vaavaale ni Moisesi, alaleiyaka Nsinanawe, eyo tiiyo, Yave.

Yesaya 19:1

Masu mwaha wa wExipitu ti ala: “Moone, Yave oneetta munihutteni noowaakuveya ninrowa wExipitu. Miluku soolokottha sa wExipitu sinthukumela ohoolowawe ni mirima sa awExipitu simporora.

Daniyeli 7:13

Mmoonelonimwaka ohiyu kaaweha ni aakhala ohoolowaka mmoha aalikana ni mwaana a mutthu arwaaka mmahutteni a wiirimu. Owo aamwaattamela Muluku Oohimala, anaronghiwa vamaithoniwawe.

Marku 16:19

Emalihakaru wuuluma ni yaawo, Apwiya Yeesu yaawelihiwa wiirimu, ni yaakilaathi moono mulopwana wa Muluku.

Luuka 21:27

Vano eniimoone Mwaana a mutthu awaaka munihutteni ni ikuru ni ovuwa otokotoko.

Yohaane 6:62

Eniyeereiye eheeni nyuwo mwamoona Mwaana a mutthu awelaka arowaka weiwo aaraawe khalayi?

Miteko 1:11

yaaweerenle: “aGalileiya, heeni nyuwo mungwehexexaanyu wiirimu? Yeesweene Yoowo owelihiwe variyariwanyu wiirimu, anaahokolowe mooteene yoowo ntoko mmoonnaanyu awelaka.”

Miteko 1:2

mpaka nihuku aawelihingwaawe wiirimu, vahoolo wa waalamulela itthu mwa Munepa Wootteela arummwa aathanlalaawe.

1 aTesalonika 4:17

Vahoolowaya hiyo nneera nikhale ni okumi nnikuxiwe ni yaawo mmahutteni weera naakumanane Apwiya osulu. Ni hiiho nnikhale ni Apwiya mahuku ootheene oohimala.

1 Timootheyo 3:16

Woohihovela weera ntikhinelo na ediinaahu ti ntokotoko: Yeesu ooniheriwe mweerutthuni, aakhuleliwe ni Muluku mMunepani, ooniwe ni andyelo, olaleiwe mmilokoni, ororomeliwe mweelaponi, ni aakheleliwe moovuwani.

Ethupululo 1:7

Moone weera Owo onimoowa mmahutteni, ni maitho ootheene eniimoone, yaaletho yaamuhomme, ni miloko sootheene sa elapo ya vathi nsilalamike niwoko na Yoowo. Hiiho onuukhale! Ame!*

Ethupululo 11:12

Vano awo yaahiiwa nsu ntokotoko na wiirimu naaweerenle: “Ngweleke, ngweeke nno.” Awo yaawela munihutteni mpaka wiirimu amwiittanaya yaawehaka.

Ethupululo 14:4

Awo ti yaawo ahiivalihale ni asithiyana, niwoko khayaakonanne asithiyana, ni antthara Eputtiputthi weiwo entthunaaya orowa. Yaathummwale variyari wa atthu ni yaavahiwa wa Muluku ni Eputtiputthi ntoko mpatta woopacera wa yaale oororomela.