Miteko 1:24 - Emakhuwa Bible

²⁴ Vahoolowaya yaavekela: “Apwiya nyuwo munsuwela mirima sa ootheene. Munoonihere taani a eeli ala munthanlalaanyu,

Miteko 1:24 Iomraidhean Croise

1 Mamwene 8:39

vano mwiiwe wiirimu munkhalaanyuwo ni mulevelele. Mumvahe khula mutthu yeeyo omphwanelaawe, niwoko Nyuwo munsuwela mirima sa atthu ootheene. Aani ti Nyuwo paahi munsuwela murima wa khula mutthu.

1 Nyaha 28:9

Vano weyo mwanaka Salomoni, omusuwele Muluku a atithawo, ni omurumeele ni murima wootheene, ohinyesereriwaka, niwoko Yave ongwehaweha mirima sootheene ni onsuwela wiixera wa soowuupuwela sootheene. Weyo wamwaasaasa, onoomphwanya, vaheera wamuhiya, Owo onimookhootta wa mahuku ootheene.

1 Nyaha 29:17

Ii! Mulukwaaka, koosuwela weera mumphima murima ni weera munghakalalela ekhaikhai. Sootheene kivanghaaka kipanke ni otthuna ni okwanela wa murima. Vano kohoona ni ohakalala moota weenraaya macaangero ni otthunawaya mulolokwaanyu ola ori va.

Icipo 44:21

vekhaikhai Muluku aamoona yeeyo eenre asuwela ixiiri sa murima.

Icipo 7:9

Ii! Yave a ekhaikhai, Nyuwo munoona soowuupuwela ni mirima sa atthu ootheene, mmalihe nipuhero na atakhali ni mwaalipihe oororomeleya.

Masu a Miruku 15:11

Nihiye ni ophwata soohuleya ohoolo wa Yave; wootepaxa mirima sa atthu!

Yeremiya 11:20

Ii! Yave a ikuru sootheene, Mphuki a ekhaikhai munoota murima ni soowuupuwela sa omutthu, kingweherera woona owiinlelawanyu ikukuttula niwoko mulattwaaka kingwinnyererani Nyuwo.

Yeremiya 17:10

“Miyo, ti Yave kinoota murima ni kinoona nnenesene soowuupuwelasaya weera khula mutthu kimutthuvele, kittharihaka mweettelowaawe, aani mwa soopakasawe.”

Yeremiya 20:12

Ii! Yave a ikuru sootheene, Nyuwo mungwehaweha murima wa oororomeleya ni munoota murima ni soowuupuwela, mukihiye koone owiinlelawanyu ikukuttula, niwoko kininnyerera mulattwaaka mwa Nyuwo.

Nuumeru 27:16

“Ii! Dyoontte, Yave Muluku onaavaha okumi akumi ootheene athanlele mutokweene muloko ola,

Luuka 16:15

Owo aaweerela: “Nyuwo ti yaale aniitaphula asineenaaya vamaithoni wa atthu, mene Muluku oosuwela mirimasanyu. Yeeyo eri yoottittimiheyaxa wa atthu, ti yoothanyeya vamaithoni wa Muluku.

Yohaane 21:17

Emaara yanaararu Yeesu aamukoha: “Simeyoni, mwaana a Yohaane, munookisivela?” Pedru aathanana niwoko na omukoha Yeesu emaara yanaararu:‘nyuwo munookisivela?’ ni aamwaakhula: “Apwiya, moosuwela itthu sootheene ni moosuwela weera kinnoosivelani.” Yeesu aamweerela: “Muciheke ikhondoolosaka.

Miteko 14:23

Pawulo ni Barnaba yaahaathanla asitokweenaaya khula ekerexa. Emalihaka otthuka ni ovekela, yaahaavaherera mookosoopani wa Apwiya, mwa Yaawo awo yaaroromelaaya.

Miteko 15:8

Muluku onsuwela murima aahoonihera weera Owo aawaakhulela amalapo, aavahaka Munepa Wootteela ntoko aanivanghaawe khalayi.

Miteko 6:6

Yaawoonihera asilopwana ale arummwa, mwa yaawo yaahaavekelela ni yaawiikaathera matata.

aRooma 8:27

Ni Muluku onoona mpaka mpuwa mwa mirima, onsuwela yeeyo Munepa onghaawelaaya, niwoko Munepa onnaavekelela ootteela ntoko Muluku ontthunaawe.

aHeberi 4:13

Vamaithoni a Muluku kheewo eriwo yoowiipithiheya mweephattuweloni yootheene. Sootheene sohooneleliwa ni sohooneya vamaithoni wa Yoowo hiyo nneeraahu nimwaakhuleke.

Ethupululo 2:23

Nkiwiive anamwane a muthiyana owo. Vano, ikerexa sootheene nsisuwele weera Miyo ti Yoole onsuwela nnenesene soowuupuwela ni mirima, ni khula mutthu nkimwaakhelihe ntoko mutekwaawe omphwanelaaya.

1 Samuweli 14:41

Vano Sawuli aamvekela Yave, Muluku a aYixrayeli: “Dyoontte, mukoonihere nanthowa.” Vanonto, aathanlenleiye ti Yonatani ni Sawuli vahoolowaya asilopwana akinaawo yaari ootaphuweene.

1 Samuweli 16:7

Vano Yave aamweerela Samuweli: “Muhiwehexexe ekhalelowaawe naari orakamawawe, niwoko Miyo koomukhootta. Yave khangweha ekhove ntoko mutthu: Mutthu ongweha ekhove, vaheera Yave ongweha murima.