Mikeyasi 7:18 - Emakhuwa Bible

¹⁸ Ii! Muluku, khawoworu muluku mukina ntoko Nyuwo, munttiwala soottheka ni ovaanya wa yaawo anghalahala a mmulokonimwanyu! Nyuwo khamunnyoonyiwa wa mahuku ootheene, mene munghakalalela woowoonihera murima wooreera.

Mikeyasi 7:18 Iomraidhean Croise

Epacerero 4:7

Mwapaka yeeyo eri yooreera, munimwaakhuleliwa. Mwaahipaka yeeyo eri yooreera, vano yoottheka yoohiireherera wootuphelani vamulako. Eyo enghaawela woowinani, mene ontthuneya weera nyuwo muhiihiyerere ni yeeyo.

1 Mamwene 8:23

anavekela: “Ii! Yave, Muluku a aYixrayeli, khoowowo muluku mukina onlikana ni Nyuwo wiirmu hata elapo ya vathi. Nyuwo mookwanihera wiiraanawanyu wa osivela ni arumeiyaanyu, mwa yaawo anoorumeelani ni murima wootheene.

2 Nyaha 30:9

Nyuwosa mwahokoleela wa Yave, yaawo yaavanre axunninyu ni anamwaniinyu, animwaamorelasa ikharari, ni awosa anoohokoleela elapo ela, niwoko Yave, Mulukwaanyu, ti ooreera murima, ni oosareya ikharari. Owo khookhoottani nyuwosa mwahokoleelasa wa Yoowo.”

2 Nyaha 6:21

Mwiiwe wiidyoonttelela wa murumeiyaanyu ni wa aYixrayeli, mulokwaanyu, yaavekelaka yuuramenleene nipuro nna. Mureene woomakawanyu wiirimu, mwiiwe, ni mwiiwaleene, mwaalevelele.

Nehemiya 9:17

Yaakhootta owiiwani ni yaattiwala sootikhiniha mwaapakenlaanyu. Yaahuumiha mirima moovaanyanimwaya, emuthanlaka mutokweene weera ehokoleele mpotthanimwaya. Wa soothesene, Nyuwo ti Muluku onlevelela; moosareya mahala ni ikharari; oopisa onyoonyiwa ni oosareya osivela. Tivawo mwahaahingyaanyu,

Icipo 103:13

Yave onaamorela ikharari yaale ammoova ntoko tiithi onaamorelaawe ikharari anamwanaawe.

Icipo 130:4

Vaheera mwa Nyuwo yookhala elevelelo weera mooviwe.

Icipo 35:10

Kinoolaleiya ni okumaaka wootheene: “Khawowo onlikana ni Nyuwo, Yave. Nyuwo mungwoopola oohaawa wa yaale oolipaxa waapwaha yaawo; aani mungwoopola oohaawa ni oohooxiwa wa yaale angwiiyera.”

Icipo 65:3

Sinilemelaka sootthekasahu, Nyuwo muneenaanyu moolevelela.

Icipo 65:4

Ooreelihiwa yaale Nyuwo mwaathanlalaanyu, mwiiruuhelaka weera ekhale mmapuwanimwanyu. Hiyo noosareya mareeliho a vaatewanyu ni a Empaanyu Yootteela.

Icipo 71:19

Ororomeleyawanyu omphiya wiirimu; Ii! Muluku moopaka itthu sootikhiniheya. Khaawo onlikana ni Nyuwo.

Icipo 86:15

Vaheera Nyuwo, Yave, ti Muluku a ikharari ni a murima wooreeraxa, oopisa onyoonyiwa ni oosareya osivela ni ororomeleya.

Icipo 86:5

Ii! Yave, Nyuwo ti oolikaneene olevelela ni a murima wooreera. Nyuwo moosareya mahala wa ootheene angwiitthanani.

Icipo 89:6

Vano taani a wiirimu iwo oomulikanxera Yave? Taani a ikhalelo sa wiirimu onlikana ni Yoowo?

Icipo 89:8

Ii! Yave Muluku a ikuru sootheene, khawowo onlikana ni Nyuwo. Ii! Yave, Nyuwo ti a ikuruxa ni ororomeleyawanyu wohoorukureerani.

Okhuma 15:11

Taani a miluku sikina ori ntoko Nyuwo, Yave? Taani onlikana Nyuwo? Mutokweene mootteelanimwanyu; ooweraxa mmutekoni woovuwa, Muneene a sootikhiniha.

Okhuma 34:9

amweerelaka: “Yave, mwatthuna okoonihera murima wooreera, munihoole. Orimweeraru muloko owo oreene woottiyamaaru, mulevelele sootakhalasahu ni sootthekasahu ni munaakhele ntoko yoohiyeraanyu.”

Yesaya 1:18

Yave oneera: “Ngwe, nuulume mulattu ola. Naari sootthekasanyu siriipaleene phii, nsikhale sootteela ntoko ephepa; naari sixeeraleene zuu, sinootteela ntoko etthabwe.

Yesaya 33:24

Khawoworu mmaki a oSiyoni aneera eere: “Kinoovoreiwa” ni soottheka sa yaale amankewo sinooleveleliwa.

Yesaya 38:17

Vekhaikhai kaahaawela onnenaaka paahi. Moosivelanimwanyu mookokhorela mwa nlitti na ophwata. Moovonyera ottaiwanyu sootthekasaka sootheene.

Yesaya 40:18

Muninlikanxera eheeni Muluku? Mummoona hai?

Yesaya 40:25

“Munkilikanxera taani? Taani onlikana ni Miyo?” onkoha Ootteela.

Yesaya 43:25

Miyo, aani Miyo ti Yoole ommaliha soonanarasanyu moosivelani ni nkuupuwelatho sootthekasanyu.

Yesaya 44:22

Kookwesera ottaiwene soonanarasanyu ntoko nihutte, sootthekasanyu ntoko nikame na oxeexelo. Muhokoleele wa Miyo niwoko Miyo koowoopolani.”

Yesaya 55:7

Mutakhali ahiyeke ephirowaawe ni mutthu oonanara soowuupuwelasawe. Owo ahokoleele wa Yave ni Owo onoommorela ikharari, arukunuwele wa Muluku ni Owo onoomulevelela ni murima wooreera.

Yesaya 57:10

Mwaathatuwa ookhulumuweene ni iphirosanyu sootheene, mene khamutthunne weera: ‘Seiyo siri soohimuteko!’ sohoorweelani ikuru sinyowani, tivawo muhitteengungwaanyu.

Yesaya 57:16

Nkinoothera wa mahuku ootheene naari nkimpwaherera onyoonyiwa. Ovirikanawaya, munepa wa omutthu saano okhulumungweene ohoolowaka nitho ngwiya wa mutthu kimpattunxaaka.

Yesaya 62:5

Mooteene yoowo mmiravo onthelanaawe ni yoowo omutthomenraawe, hiihotho anamwaniinyu asilopwana anoothelana ni nyuwo; mooteene yoowo namatthomera onimuhakalalelaawe omutthomenraawe, hiihotho Mulukwaanyu onimoohakalalelani.

Yesaya 64:9

Ii! Yave, muhininyoonyeraxiwe; muhuupuwelelaxe sootthekasahu wa mahuku ootheene. Ii! Nimvekela weera muniwehe, niwoko hiyo ootheene nri mulokwaanyu.

Yesaya 65:19

Kinoohakalalela oYerusaleemu ni amakaaya anookisiveliha. Okhuwela wa wiinla ni olalamika khawiiwiwamotho.

Yeremiya 3:12

Murowe ni mwalaleiye masu ala mpatta wa ottuttuwani: ‘Ii! aYixrayeli oohiroromeleya, muhokolowe,’ onghima Yave, ‘kinimoomorelani ikharari ni nkinoonyoonyeriwani, aani nkinoonyoonyeriwani mahuku ootheene,’ onghima Yave.

Yeremiya 3:5

munoonyoonyiwa mahuku ootheene? Ohimorelawanyu ikharari onoopwaherera mpaka ommaleloni?’ Ti hiiho nyuwo munuulumaanyu, mene mumpaka soonanara sootheene mungwerelaanyu.”

Yeremiya 31:20

Khahiyono Efrayimi oosiveleyaaka? Mwaana kinimutthunaxaaka? Imaara sootheene Miyo kinuulumaaka sa Efrayimi, kimmuupuwelelaxa yoowo. Tivawo, kinimuhelaxaaka vamurimani; kinimmorelaaka ikharari,” onghima Yave.

Yeremiya 31:34

Khakhalaru mukina anaamuxuttihe mwaattamanaawe hata munneiye, eeraka: ‘Munsuwele Yave,’ niwoko ootheenaawo anookisuwela, okhuma mukhaani mpaka mutokweene,” onghima Yave. “Niwoko Miyo kinimwaalevelela soonanara ni nkuupuwelelatho sootthekasaya.”

Yeremiya 32:41

Kinoohakalalela waapakelawaka nnene, ni kinimwaakhaliha oolipeene mulaponimu ni murimaaka wootheene ni okumaaka wootheene.

Yeremiya 33:8

Miyo kinimwaatteeliha mwa soottheka sootheene akipakenlaaya ni kinoolevelela soottheka sootheene sa okivaanyawaya.

Yeremiya 38:8

Ebedi-Meleki aavenya empa ya emwene, anarowa omweerela:

Yeremiya 50:20

Mmahukuni awo ni mweehuhuni eyo,” onghima Yave, “sinimwaasaasiwa sootakhala sa oYixrayeli, mene khasiphwanyiwaru; mwa soottheka sa oYuda, mene khasiphwanyiwaru, niwoko kinimwaalevelela ahalahanle kineeraaka kiwuurele.

Yeremiya 9:24

Hoye, yoowo ontthuna ovuwiha, avuwiheke ha: mookiiwexexani ni mookisuwelani, niwoko Miyo ti Yave onoonihera murima wooreera, oororomeleya ni a ekhaikhai mweelaponi yootheene. Vano ti mwa itthusene seiya Miyo kinghakalalelaaka,” onghima Yave.

Ezekiyeli 18:23

Weeraka kinoohakalalela okhwa wa mutakhali? onghima Yave onlamula sootheene. Ohiyanawaya, kinghakalalela woomoona ahapuwaka iphirosawe ni akhalaka ni okumi.

Ezekiyeli 33:11

Mwaaleelase: ‘Kinlipela mwa okumaaka,’ onghima Yave onlamula sootheene, ‘khoonkisivelaru okhwa wa atakhali, kimpacera toko ohaawela weera awosa ehapuwe mphironimwaya ni ekhale ni okumi. Muhokolowase! Muhokolowase mphironimwanyu moonanara! Ii! Muloko wa oYixrayeli, muntthunela heeni okhwa?’

Ezekiyeli 33:16

Kheekhalaru yoottheka opankaawe eneera yuupuweleliwe. Owo oopaka yeeyo eri yoororomeleya ni yoowookoleleya; vekhaikhai owo anaakhale ni okumi.

Daniyeli 9:9

Yave Mulukwaahu ti a ikharari ni oolikaneene olevelela, nrimoovaanyaniru.

Hoxeya 14:2

Oreherere yoohima ni ohokoleele wa Yave. Mumvekele ha: “Mulevelele sootthekasahu sootheene ni mukhararinimwanyu munaakhulele weera noovaheeni sootthapela sa iyanosahu ntoko imombe simveleeliwa.

Hoxeya 14:5

Miyo kinookhalela oYixrayeli ntoko nikame; iwo onoottuva ntoko ethutu. Aani, ntoko esidari* ya oLebanoni, sinoorakamelaxa mikwankhwaarisaya;

Yoweli 2:32

Ootheene eneera yiitthane Nsina na Yave eniivuluxiwe, niwoko vamwaako Siyoni ni oYerusaleemu onuukhale woopoliwa, ntoko Yave aaroromelinghaawe wa yaawo eniihale ni okumi ni wa yaawo aneeraawe awiitthane.”

Amosi 1:11

Yave oneera ha: “Niwoko na sootakhala sincipale seereiye wEdomi, nkirwa kihiya ottaruxa. Vano owo oomuttharatthara munneiye, ni ohooceeliha ikharari, amunyoonyeraxiwaka ni apwahererihaka isarasawe.

Amosi 7:8

Yave aakikoha: “Amosi, munoonani?” Miyo kaamwaakhula: “Kinoona efiiyu yoowookolelano.” Vano Yave aaheera: “Moone! Kiniikaathi efiiyu yoowookolelano eriyari ya mulokwaaka aYixrayeli; muloko owo nkuurelatho.

Amosi 8:2

Owo aakeerela: “Amosi munoonani?” Vano miyo kaamwaakhula: “Kinoona mpapara wa ifiigu soowiitthwa.” Vano Owo aakeerela: “Woophiya ommaleloni wa aYixrayeli, mulokwaaka; nkuurelatho.”

Yoonasi 4:2

Owo aamvekela Yave: “Yave, kheehiyono yeela miyo kaahimalaaka nlelo kaaraka owaani? Ti yeeyo miyo kaatthawenlaka oTaresisi. Kaasuwela weera Nyuwo muri Muluku a ikharari, a murima wooreera, oopixa murima, oosareya osivela ni munroromeliha ottaruxa, mene vahoolowaya munooceendya.

Mikeyasi 2:12

“Ii! Yakobe, vekhaikhai kinimoothukumanyihasani ootheene nyuwo, aani, kinimwaathukumanyiha oohalahala a oYixrayeli. Miyo kinimwaathukumanyiha ntoko ikhondoolo sireene munikhoolani, aani ntoko muhuwo oreene muncihiwa; awosa animwaatta moota wooweera onookhala onyakuleleya wa nakupa owo.

Mikeyasi 4:7

Ooheetta kinimwaakhaliha ephuwela, ni oowoomoliwa, muloko woolipa. Yave onimwaalamulasa vamwaako Siyoni okhuma nihuku nno woorowa ohoolo ni wa mahuku ootheene.

Mikeyasi 5:3

Tivawo aYixrayeli eneeraaya ehiiwe mpaka eneeraaya ephiye ehuhu yooyara ya yoole ongyara. Vano ephuwela ya axunna a mulamuli, enoohokolowa weera ethukumane ni aYixrayeli.

Mikeyasi 7:14

Mukukhule mulokwaanyu ni ekopwaanyu, muhuwo wa yoohiyeriwaanyu onkhala mpattaaya moothakoni, moocihamo moopomba. Muhiye ocaaka oBaxani ni oGiliyade, ntoko khalayi.

Zefaniya 3:17

Yave, Mulukwaanyu, ori ni nyuwo, oolikaneene ovuluxa. Owo onootthapa mwa nyuwo; moosivelanimwawe onimoorehererani, Owo onimoohakalalelani mookhuwelani wa ohakalala.”

Nuumeru 23:21

Kheewoworu erisa enooneya wa Yakobe, khoowoworu ohaawa oYixrayeli. Yave, Mulukwaaya, ori ni yaawosa; oruma wa okhuwela wa Mwene ori ni yaawosa.

Luuka 15:32

Ontthuneyatho weera hiyo nimutthapeleke ni nimuhakalaleleke, niwoko munneiyo ole aahookhwa ni oovenyerera; aariheya ni vano oophwanyeya.’”

Luuka 24:47

nitho weera mwa Nsinanawe waatthuneya olaleiwa orukunxa murima wa miloko sootheene, okhuma oYerusaleemu, weera yaakhele elevelelo ya soottheka.

aRooma 11:4

Vano, yaari yoowaakhula heeni ya wiirimu? “Kohiisungera atthu macira miloko mathannameeli ahimulampe Bahali*.”

Deuteronomiyo 33:26

Khawowo onlikana ni Muluku a Yexuruni oneetta wiirimu weera ookhavihereni, aani oneetta moovuwani mmahutteni.

Yakobe 2:13

niwoko yoowo ohimmorela ikharari anaathorihiwe woohimoreliwa ikharari. Ikharari singwina othoriha!

Ahooleli 10:16

Vano yaarihela okerekhere miluku sa anamarwa yaaraayano, enamulapa Yave. Vanonto Yave khaatthuna woonatho ohooxiwa wa aYixrayeli.