Mikeyasi 7:14 - Emakhuwa Bible

¹⁴ Mukukhule mulokwaanyu ni ekopwaanyu, muhuwo wa yoohiyeriwaanyu onkhala mpattaaya moothakoni, moocihamo moopomba. Muhiye ocaaka oBaxani ni oGiliyade, ntoko khalayi.

Mikeyasi 7:14 Iomraidhean Croise

Icipo 100:3

Musuwele weera Yave ti Mulukwaahu. Owo aanipattuxa ni hiyo nri a Yoowo. Nri mulokwaawe ni muhuwo wa nipuronaya na oca.

Icipo 143:5

Kinuupuwelela mahuku a khalayi; kintthokelela mitekosanyu sootheene kuupuwelelaka seiye matataanyu apankaaya.

Icipo 28:9

Moopole mulokwaanyu ni mureelihe yoohiyeraanyu; mukhaleke Mukukhulaaya ni muhoolele mahuku ootheene.

Icipo 95:7

niwoko Owo ti Mulukwaahu ni hiyo nri muloko wa nikhoolanawe; muhuwo Owo onkosoopaawe. Olelo, mwiiwaka nsunawe,

Okhuma 33:16

Ngwisuwanyeye hai weera miyo ni mulokwaanyu munnanihakalalela Nyuwo mwaahinihoola? Onuuhiyaneye hai hiyo ntoko mulokwaanyu ni miloko sikina sootheene sa elapo ya vathi?”

Ecipo Yooreeraxa 4:1

Moota mureenraanyu oosiveleyaaka! Ii, moota mureenraanyu! Maithwaanyu, wiithela eluttu, ari ntoko ekhunda. Mayihaanyu ari ntoko muhuwo wa ipuri singwa sikhuruwaka vamwaako Giliyade.

Yesaya 27:13

Nihuku nenenennotho ninooruma nipalapatta ntokotoko. Yaale yaariheenle wAsiriya ni yaale yaatthukingwe, eronghiwaka wExipitu animoowa weera emulape Yave vamwaako wootteela oYerusaleemu.

Yesaya 35:2

Sinoottuva ithutu; sinoohakalala vancipale sikhuwelaka ni murima wootteela. Nnoovahiwa ovuwa wa oLibanu ni mpaka waara wa oKaremeli ni oXaroni. Weiwo Yave onimoonihera ovuwawawe ni waara wa Mulukwaahu.

Yesaya 37:24

Aani, moomuruwana Yave mwa anamitthengaanyu. Mweenre: ‘Koowela mmattumuxani a nyaako ni ikaarosaka sincipale sa ikavalu*; aani mmattumuxani osulusulu a oLibanu. Kohuuha nyirisaya sa esedari* soorakamaxa; sooreerela sa nyirisaya. Koovolowa mweelaponimwanyu moorakamelaxa ni moothakoni wootikanela.

Yesaya 40:11

Owo onkosoopa muhuwaawe ntoko Mukukhuli; Owo onthukumanyiha iputtiputthi ni moonowaawe anaakanda. Owo onghoolela nnenesene ikhondoolo sinaamwiwa.

Yesaya 49:10

Awosa kheevoliwa etala naari ntthona, hata oviha wa nsuwa na munikareni khanaahisa. Owo ongwoonihera ikharari onimwaahoolela ni onimwaaphiiha omaahini.

Yesaya 65:10

Wa mulokwaaka onkaasa Miyo, oXaroni onoothatuwa woociha ikhondoolo ni nreyareya na Akori nipuro noowiitthuuwa imombe.

Yeremiya 49:31

Mwiireherere ni ngwanane elapo enkhala yoomaaleleya ni yoowiiroromela,” onghima Yave, “elapo ehinono masele naari anampattika, enkhala meekhaaya.

Icipo Soolalamika 1:7

Mmahukuni mwa makacamiho ni othanana, oYerusaleemu onuupuwelela itthu sooreerela sincipale waarinaaya mmahukuni avinre. Vano amakaaya amorenlaaya mmatatani mwa amwiittanaaya, khaakhanleru ookhavihera. Amwittanaaya annoona ni anootheya ohaawawaya.

Icipo Soolalamika 5:21

Munironghe wa Nyuwo Yave, weera nihokolowe; mureherere mahukwaahu ntoko a khalayi,

Ezekiyeli 36:11

Kinoowaattiha atthu ni axinama, ni awosa anooyaranasa yaatteke. Kinimwaatekiha ntoko khalayi, ni kinooweettiherelani nnene opwaha khalayi. Hiiho, nyuwosa munoosuwela weera Miyo ti Yave.

Levitiku 27:32

Mpatta wanaamuloko wootheene wa mihuwo sootheene – khula mwaamunama anaamuloko amvira vathi wa ekopo ya mukukhuli – onookhala ootteela wa Yave.

Amosi 9:11

“Nihuku nno kinooreherera eheema ya Davide emonre. Kinooreherera yeeyo mipattasaya soonanara, ni kinoorasela milepesaya. Miyo kinimweemexa ntoko yaaraaya khalayi,

Obadiya 1:19

Atthu a oNegeba anookuxa mmanyaakoni sa Esawu ni atthu a muxerexere wa mmanyaakoni anookuxa elapo ya aFilisti. Awosa anookuxasa imatta sa wEfrayimi ni oSamariya ni aBenyamini anookuxa oGiliyade.

Mikeyasi 5:4

Owo onimweemela ni onookukhula muhuwaawe mukuruni sa Yave, mootokweeneni wa Nsina na Yave, Mulukwaawe. Hiiho awosa anookhala oolipeene niwoko wunnuwawawe onoophiyera elapo yootheene.

Zefaniya 3:13

Oohalahala a oYixrayeli kheepaka yoohiroromeleya; awosa khayootha, hata kheephwanyaniwa mmwaanomwaya yoolokottha. Awosa animooca yiitthuuweke, ahikhalaka anaawoopopihe.”

Zakariya 10:10

Miyo kinimwaahokoloxa wExipitu ni kinimwaathukumanyiha wAsiriya. Kinimwaarongha oGileyade ni oLebanoni, ni vano elapo kheekhalano nipuro nowaakwanelela.

Zakariya 11:7

Vano kaakukhula muhuwo waalakeliwe wiiviwa – oohasulaxiwa a muhuwo. Vanonto kaakuxa ikopo piili, emoha kinatteha Weerela ni ekina Wiiwanana, kinakukhulelano muhuwo.

Malekiya 3:4

Vano sooveleela sa oYuda ni oYerusaleemu sinoomusiveliha Yave, ntoko mmahukuni avinre, aani ntoko mweehuhuni ya khalayi.

Nuumeru 23:9

Miyo kingwoona kireene vasulu wa nyaako soosareya nyala; kinoona kireene osuluxa. Kinnoona muloko onkhala yooworu ni ohiniixoonaru ntoko wakhalaru muloko.

Nuumeru 32:1

Ipuumba sa aRubeni ni aGadi saakhalano mihuwo sincipale. Yoonaka weera elapo ya oYazeri ni oGileyade yaari yooreera ohuwawo mihuwo,

Nuumeru 32:4

owinnaawe Yave eerelaka muloko wa aYixrayeli, ti ilapo sooreerela wa muhuwo. Vano hiyo arumeiyaanyu nookhalano axinama ancipale.

Matheyo 2:6

‘Weyotho, Betelehemu, wa elapo ya oYudeiya, vekhaikhai khoohiyono mukhaani variyari wa ibooma sa oYudeiya, niwoko mwa weyo anaakhumelele Muhooleli anaakhale Mukukhuli a atthwaaka, aYixrayeli.’”

Yohaane 17:16

Awo khaahiyono a mweelaponi ntoko Miyo kihikhanlaakatho.

Deuteronomiyo 33:28

Hiiho aYixrayeli anookhala oomaaleleya; naattuuttu a Yakobe ori oolipeene mweelaponi ya etrigu ni eviinyu enyowani mwa mwemmo ninttonyeraayamo nikame na wiirimu.