Mikeyasi 7:1 - Emakhuwa Bible

¹ Moota kinghaawaaka! Kinlikana ni yoole onrukula soowiima mweelimweni singhalahala mmatta mwa iwuuva*; kheewoworu ekhuce ya iwuuva* weera kilawihe, kheewoworu efiigu* enyowani kinghaawelaxaaka.

Mikeyasi 7:1 Iomraidhean Croise

Icipo 120:5

Ii! Wa miyo niwoko na okhala ntoko namarwa oMexeki; niwoko na okhala variyari wa iheema sa oKedari!

Masu a Miruku 20:6

Ancipale aniixeerela asinthamwene oopwaneya, vaheera taani anaawere omphwanya mutthu oororomeleya?

Yesaya 17:6

Wa soothesene, anoohala makala mamoha mamoha ntoko simpukunyiwaaya ifiigu, sinoohala soowiima piili hoye hoye tthaaru osuluxa wa mwiiri, ni soowiima ixexe naari ithanu mphandini moowiimaxa,” onghima Yave Muluku a oYixrayeli.

Yesaya 24:13

Onuukhale hiiho mweelaponi eriyari miloko ntoko emvareliwaaya muteko ekopo omaniwaka mwiri wa sooliveira*, hoye hoye sinaasiwaaya soohalahala sa iwuuva* vahoolo wa ohepha.

Yesaya 24:16

Okhuma ekotenle elapo ningwiiwa atthu yiipaka: “Ovuwa okhale wa Muluku a Ekhaikhai.” Vaheera kineera: “Maayi miyo, maayi miyo! Ii! Wa miyo! Anamavariha amvariha; awosa aneetta moovarihani!”

Yesaya 28:4

Ophwaneliwawaya ori ophattuwelani wa nreyareya na ethaadyira vanonto ethutu ennyaala. Onookhala ntoko efiigu* yoowaakuva wiitthwa sikina sihinaaye. Anooneru, onoorukula aceeke.

Yesaya 6:5

Kaakhuwela: “Maayi miyo! Miyo kooriheya! Niwoko kiri mutthu a eyano yoohitteela ni kinkhala variyari wa muloko wa iyano soohitteela, ni vano maithwaaka aamoona Mwene, Yave a ikuru sootheene!”

Yeremiya 15:10

Ii! Wa nyuwo, maayi, mukiyanre, niwoko koothanyiwa ni kooramusiwa ni atthu ootheene a elapo yootheene. Miyo nkinoolihihe naari nkinoolihe, hata hiiho ootheene anookilapha.

Yeremiya 24:2

Mpapara mmoha waakhalano ifiigu sooreeraxa, ntoko seiye siniitthwa mweehuhuni ya ohepha; ifiigu sa mpapara mukinoowo saari soonanara ni soohiceya.

Yeremiya 4:31

Kiniiwa okhuweliwa ntoko wa muthiyana ahaleelaka oyara, ntoko muthiyana ahaleelaka oyara muxutto – okhuwela wa mwaana muthiyana a oSiyoni iilipiheraka omumula ni atheteyaka matata, eeraka: “Ii! Wa miyo, kihanle vakhaani okomoka; okumaaka ori mmatatani mwa anamwiiva!”

Yeremiya 45:3

Nyuwo muneera: ‘Maayi miyo! Yave ohaandyeerera othanana wa ohaawawaka. Kookhulumuwa wiipulelaxa, nkiniitthuuwa.’

Yeremiya 5:1

“Muviravire mmiseweni sa oYerusaleemu, ngwehawehe ni moone; mwaasaase mmapuwanimwaya. Mwamphanya hata mutthu mmoha ni mweettelowaawe woororomeleya, aasaasaka ekhaikhai, kinoolevelela esidade ela.

Hoxeya 9:10

“Kaaphwanyaaka aYixrayeli, waari ntoko ophwanya iwuuva* munikareni; koonaaka makholowaanyu, waari ntoko woona soowiima soopacera sa ifiigu. Vaheera awosa yaaphiyaaya oBahali-Peyori, yaahiitteeliherasa muluku owo oowuulihaxa muru, enathatuwa oohiira ntoko yeele yaasivelaaya.

Nuumeru 18:13

Soowiima soopacera sootheene sa mulaponi eneeraaya emuruuhele Yave, ti sawinyu. Ootheene a emusaanyu eneera ekhale ootteeleene, eceeke.