Mikeyasi 6:8 - Emakhuwa Bible

⁸ Ii! Mutthu, Owo oowooniherani yeeyo eri yooreera ni yeeyo Yave onnyesererihaawe: Mpake ekhaikhai, musivele ororomeleya ni mweette oowiiyeviheene ni Mulukwaanyu.

Mikeyasi 6:8 Iomraidhean Croise

Epacerero 18:19

Vano Miyo kimuthanlenle weera aweettihe anamwanaawe ootheene ni ikhapirasawe sootheene weera etthare ephiro ya Yave, epakaka yeeyo eri yoororomeleya ni yoowookowa. Hiiho Yave onoomukwaniherela Abrahaamu yeeyo aamuroromelinghaawe.”

Epacerero 5:22

Amuyanreene Metusalemu, Enokhi anneetta ni Muluku iyaakha macira mararu ni aahaayara anamwane asilopwana ni asithiyana akina.

2 Nyaha 30:11

Vanonto, asilopwana akina akina a wAxeri, a oManaxe ni a oZebulomi, yaahiiyevihasa, enarowasa oYerusaleemu.

2 Nyaha 32:26

Vano Hezekiya aahiiyeviha, oonelelaka wiixoonawawe, mpakatho muloko wa oYerusaleemu; tivawo isara sa Yave sahaamorenlaaya wa muloko, moolamulani wa Hezekiya.

2 Nyaha 33:19

Mmavekelonimwawe ni waakhula wa Muluku, mpaka sootthekasawe ni ohiroromeleyawawe, ohiya mmapuroni aatenkaawe altaari* a miluku soowootha ni nyiri soothipeleliwa sa Axera ni miluku sikina, ahinaaye wiiyeviha, sootheene iyo, silempwale munamalepelani a nyaha sa anamoonihera*.

2 Nyaha 33:23

Vaheera ovirikanawawe ni atithawe Manaxe, khiiyevinghe ohoolo wa Yave, mene aahaandyeerera nthowanawe.

2 Nyaha 34:27

Weenre murimaanyu ohuleya, muniiyeviha ohoolo wa Muluku, mwiiwakaru yeeyo Owo uulumenlaawe nipuro nna ni amakaaya, ni mweenre nyuwo mwiiyeviha ohoolowaka, mwaahulaka soowarasanyu, muniinla vamaithoniwaka, Miyo koowiiwani, onghima Yave.

Nehemiya 9:13

Mwaakhuruwela vamwaakoni Sinayi. Mwaawuulumano muri wiirimu. Mwaahaavaha miruku sooreera, malamulo a ekhaikhai, ikano ni soonyesereriwa sooreerela.

Icipo 101:1

Kiniipa sa osivelawanyu ni ororomeleyawanyu; wa Nyuwo, Yave, kiniipa icipo soottottopela.

Icipo 112:4

Hata mpiphini, waara onaamwaleela oororomeleya; yoole ori a murima wooreera, a ikharari ni a ekhaikhai.

Icipo 112:9

Owo ohaakawela soovaha sincipale oohaawa; ororomeleyawawe ompwaherera wa mahuku ootheene; owerawawe onoohakalaleliwa munttittimihoni.

Icipo 37:26

Mahuku ootheene kimmoona oomaaleleyeene, oolihihaka ni murima wootheene; anamwanaawe anooreelihiwa.

Icipo 73:28

Vaheera wa miyo ti wooreera okhala vakhiviru wa Muluku. Koomuthanla Yave onlamula sootheene ntoko Wootthawelawaka; kinoolaleiya mitekosanyu sootheene.

Masu a Miruku 21:3

Opaka ya ekhaikhai ni ya ettiitthu ti yoowaakhuleleya wa Yave opwaha opaka sooveleela.

Namalaleiya 12:13

Vano, seenre siiwiwa sootheene, emaliherowaaka ti ela: Mmoove Muluku ni mwiiwelele malamulowaawe, niwoko eyo ti yootthuneyaxa wa mutthu.

Yesaya 56:1

Yave oneera ha: “Muthokorore ekhaikhai ni mpake yeeyo eri yookwanela, niwoko ovuluxawaka ori vakhiviru ni ororomeleyawaka onimoonihereya woowaakuveya.

Yesaya 57:15

Vano Oosulusuluxa, Yoowo onkhala ni okumi wa mahuku ootheene, Nsinanawe Ootteela, oneera ha: “Miyo kinkhala vanipuroni noosuluxa ni nootteela, menetho ni yoowo orino murima woothananaxa ni wooyevihiwa mmunepani weera kikakamuxe munepa wa oowiiyeviha ni opepesa murima wa oothanana.

Yesaya 66:2

Vekhaikhai, Ntatanaka noopaka itthu sootheene iya ni hiiho sookhala,” onghima Yave. Mutthu Miyo kinimuttittimihaaka ti ola: yoole ori oowiiyeviha ni a munepa woosareya omoova Muluku ni onthukumela woowiiwa maswaaka.

Yeremiya 22:16

Awo yaahaakiha nthowa na oohaawa ni ootthoiwa, tivawo sootheene saaweettelaaya nnene. Eyo ti eneero ya okisuwela Miyo,” onghima Yave.

Yeremiya 22:3

Yave oneera ha: Mpake yeeyo eri ya ekhaikhai ni yoororomeleya. Mmoopole mmatatani mwa namahasula yoole ohuhuliwe. Muhimupakeleru yoonanara hata nihasu namarwa, akhwaasuni naari asinaamukhweli ni muhimwiiveleru oohinthowa vanipuroni nna.

Yeremiya 9:23

Yave oneera ha: “Namiruku ahiivuwiheno mirukusawe hata nakuru mukurunimwawe naari namapuha moopuhanimwawe.

Icipo Soolalamika 3:26

ti wooreera oweherera oomaaleleyeene wa ovuluxa wa Yave.

Ezekiyeli 16:63

Vano Miyo kaarehereraka wiiraana mwaha wa nyuwo niwoko na sootheene mpankaanyu, nyuwo munimuupuwelela ni munimuulihiheya muru ni khamuhularutho eyano niwoko na oyeviheyawanyu, onghima Yave onlamula sootheene.’”

Ezekiyeli 33:14

Miyo kamweerela mutakhali: ‘Vekhaikhai nyuwo mmwikhwe,’ vaheera owo ahiya yootthekaawe, anapaka yeeyo eri yoororomeleya ni yoowookoleleya,

Daniyeli 4:37

Vano miyo, Nebukadenezari, kinimuttottopela, kinimuttittimiha ni kinimvuwiha Mwene a wiirimu, niwoko sootheene ompakaawe ti sa ekhaikhai ni iphirosawe sootheene ti sookwanela. Owo ongwera wayeviha ootheene aneetta moota woowiixoona.

Hoxeya 12:6

Vanonto, muhokoleele wa Mulukwaanyu, ni mweettele ororomeleya ni ekhaikhai; mahuku ootheene mungweherere Mulukwaanyu.

Hoxeya 6:6

Vano, kinghaawela ororomeleya ohikhanle sooveleela; omusuwela Muluku ohikhanle sooveleela soohisa.

Levitiku 26:41

mwa seiyo sikitannyenre owiitta moota wooweera mpaka owoomolela mweelaponi mwa amwiittanaaya. Vano mirimasaya soottiyamaaru siiyeviha ni awosa yaakhulela ottaruxeliwa sootthekasaya,

Amosi 5:24

Ohiya yeeyo, wookoleleya otthimake ntoko mooloko, ekhaikhai ntoko nxaapwa nihingwelelaru!

Mikeyasi 6:9

Nsu na Yave nniitthana esidade; woova Nsinananyu ti miruku! “Ngwiriyane ekopo yoottaruxela ni Yoowo okhalihale.

Zefaniya 2:3

Mmwaase Yave, ootheene nyuwo oowiiyeviha a mulaponi, nyuwosa mumpaka yeeyo Owo olamulenlaawe. Mwaasaase ekhaikhai; mwaasaase wiiyeviha; apaale nyuwosa mmwikhaleno wootthawela vanihukuni na isara sa Yave.

Zakariya 7:9

“Yave a ikuru sootheene oneera ha: ‘Mpake ekhaikhai moota woororomeleya, mmorelaneke ikharari, mooniheranaka murima wooreera.

Matheyo 5:3

“Ooreelihiwa ti yaale ansuwela omuhaawelawaya Muluku, niwoko omwene wa wiirimu ti wawaya.

Matheyo 5:7

Ooreelihiwa ti yaale ammorela ikharari, niwoko eniimoreliwe ikharari.

Luuka 10:42

Vanonto, entthuneya etthu emoha paahi. Mariya oothanla mpatta wooreera, ni owo khoowa ovenxiwa wa yoowo.”

Luuka 11:42

Ii! Munoohaawa, nyuwo aFarisi*! Niwoko munimvaha Muluku anaamuloko a sooreerela sooreeraxa, aruda* ni a makukhu oohiyanahiyana a maphuwa ootheene a mutuphini, mene khamumpwatthela ekhaikhai ni osivela wa Muluku. Ontthuneya weera nyuwo mukwanihereke yeeyo, muhaahiyaka anaamuloko.

Luuka 12:14

Yeesu aamwaakhula: “Mulopwana, taani okithanlale okhala Mphukaanyu, hoye hoye Namakawaanyu?”

Luuka 6:36

Mmoriwe ikharari ntoko Atithinyu ammoriwaaya ikharari.

aRooma 7:16

Miyo kaapakaka yeeyo kihintthunaaka, miyo kinaakhulela weera nlamulo ti nooreera.

aRooma 9:20

Mutthu, weyo taani oomukohakoha Muluku? Apaale yeeyo epakiwe enoowera omweerela yoowo opanke: “Heeni mukipankaanyu hiiha?”

1 aKorinto 7:16

Nyuwo mwaara, taani ansuwela – apaale mmwimvuluxe iyinyu? Hoye hoye nyuwo iya, taani ansuwela – apaale mmwimvuluxe mwaarinyu?

awEfeso 4:32

Mureerelane murima mmorelanaka ikharari mukina ni mukhwaawe, mulevelelanaka ntoko Muluku oolevelenlaaweni mwa Kristu.

Deuteronomiyo 27:10

Mmwiiwelele Yave Mulukwaanyu ni mutthareke malamulowaawe ni ikanosawe kinoovahaakani olelo.”

Deuteronomiyo 30:15

Moone, kinghela olelo ohoolowanyu okumi ni weetteleya nnene, ni mpatta mukina okhwa ni ophwatiwa.

aKolosi 3:12

Tivawo, ntoko muloko woothanliwa ni Muluku, wootteela ni woosiveleya, mwiiwarihe murima wa ikhararixa, murima wooreera, wiiyeviha, murima woomaala ni moopixani murima.

2 aTesalonika 2:16

Apwiya Yeesu Kristu aneenaaya ni Mulukwaahu Atiithi, mwa Yoowo onisivenle ni onivanghe opepesa woohimala ni ororomela wooreera niwoko na mahala,

Yakobe 2:20

Nyuwo oohikhalano miruku! Muntthuna woona weera nroromelo noohikhalano miteko khaninkhavihera?

Yoxuwa 24:14

Vanonto, mmoove Yave ni munrumeele ni murima woororomeleya. Mvonyere okhwipi miluku yaalapaaya makholowaanyu okhopela wEfrates ni wExipitu ni munrumeele Yave.

1 Pedru 3:8

Vano, nyuwo ootheene mukhale ni murima mmoharu. Mukhalelaneke murima wooreera, musivelaneke ntoko axunna; mukhale a ikharari ni oowiiyeviha.

1 Samuweli 12:23

Wa miyo, nkiweherenre omutthekela Yave kihiyaka woovekelelasani! Kinimooxuttihasanitho ephiro yooreera ni ya ekhaikhai.

1 Samuweli 15:22

Vanonto Samuweli aamwaakhula: “Weeraka Yave onsiveliwa ni sooveleela soohisa ni sa inama opwaha wiiwelela maswaawe? Fataari omwiiwelela Yave ohikhanle opaka sooveleela; aani fataari omwiiwa ohikhanle inama sooneneva.