Mikeyasi 6:6 - Emakhuwa Bible

⁶ Kaahikhuveele ni eheeni ohoolo wa Yave, ni kahiikokhorele moota heeni ohoolo wa Muluku oovuwihiwa? Kimpakeleke sooveleela soohisa, ni aximombe a eyaakha emoha?

Mikeyasi 6:6 Iomraidhean Croise

2 Samuweli 21:3

Davide aahaakoha aGibiyoni: “Koopakelekeni eheeni? Moota heeni kineeraka kireherere seiye sipakiwe weera mureelihe yoohiyeriwa ya Yave?”

Icipo 116:12

Khoongwereya omuliva Yave onnene wootheene onkipakelaawe.

Icipo 22:29

Anamapuha ootheene a mulaponi animooca ni anoottottopela. Ootheene eneera ehokoleele muntthupini anoomukokhorela – yaawo avithingwe.

Icipo 95:2

Nrowe vamaithoniwawe ni otthapela nimvuwihaka ni icipo soottottopela,

Icipo 95:6

Nrowe, nilape ekokhorelo ohoolo wa Yave Mpattuxaahu,

Okhuma 12:5

Mwaamunama oothanliwa akhaleke mulopwana a eyaakha emoha oohirakala hata ekhalaka eputtiputthi naari epuri.

Okhuma 23:15

Mpake efesta ya epaawu yoohikhalano eferementu. Muceeke epaawu yoohikhalano eferementu wa mahuku mathanameeli ntoko koolamulenlaakani. Mpake yeeyo mweehuhuni yoothanliwa mmweerini wa Abibi, niwoko mweereene yoowo mwaakhumihingwaanyu wExipitu. Ahikhale anaaphiye ohoolowaka matataru.

Masu a Miruku 15:8

Yave onthanya sooveleela sa atakhali, vaheera nivekelo na oororomeleya ninnamusiveliha.

Masu a Miruku 21:3

Opaka ya ekhaikhai ni ya ettiitthu ti yoowaakhuleleya wa Yave opwaha opaka sooveleela.

Yesaya 40:16

Othako wa oLibanu khoonkwana okukhela mooro vaaltaariniwawe*, naari axinamaaya khaankwana ntoko sooveleela soohisa.

Yeremiya 6:20

Nkimpwattharu erubani* ya oXeba hoye hoye etthu yoowunkhelaxa enruuhiwa ilapo sa ottai. Sooveleelasanyu soohisa khasinaakhuleleya; sooveleelasanyu khasinkisiveliha.”

Ezekiyeli 46:9

Muloko wa mulaponi waarwaaka vamaithoni wa Yave, mfestani soothanliwa, khula mutthu anaavoleele mulako wa ottuttuwani weera amulape, akhumeleke mulako wa ohitto, ni khula mutthu anaavoleele mulako wa ohitto, akhumeleke mulako wa ottuttuwani. Ahikhaleru anaakhumele mulako mwa yoowo ovoleenlaawe, mene ootheene ekhumeleke mulako owehannaayano.

Daniyeli 3:26

Nebukadenezari aahaattamela mulako wa niikho noovihaxa, anakhuwela: “Xadraki, Mixaki ni Abedneku, arumeiyi a Muluku a Osulusulu, mukhumeke, ngweeke wenno!” Vano Xadraki, Mixaki ni Abedneku yaakhuma mmooroni.

Daniyeli 4:9

Keenre: “Beltexazari, mutokweene a anamacitta, koosuwela weera munepa wa miluku sootteela onkhala mwa nyuwo, ni mungwera othupulula nakhalaru ntikhinelo. Vano mukitaphuleleleke yoolohaaka.

Daniyeli 5:18

Ii! Amwene, Muluku a Musulusulu aahaavaha atithinyu, Nebukadenezari, olamulaxa, otokweenexa, ovuwa ni waara.

Daniyeli 5:21

Aahoomoleliwa ottai wa atthu ni muupuwelowaawe waari ntoko mwaamunama. Aakhala vamoha ni abuuru a ntuphini, anaca malaxi ntoko imombe ni erutthwaawe yaahiimeliwa nikame na wiirimu mpaka aakhulenlaawe weera Muluku a Musulusulu onlamulaxa omwene wa atthu ni onimukhaliha mulamuli yoowo onimutthunaawe.

Hoxeya 5:6

Awosa yaarowasaka omwaasa Yave vamoha ni ikhondoolo ni mihuwosaya sootheene, kheemphwanya; Owo ohaarakamelasa yaawo.

Amosi 5:22

Naari nyuwosa mukiruuhelaka sooveleela soohisa ni sa irooro, iyo khasinkisiveliha. Naari mukiruuhelaka sooveleela sooreerela sa murettele, nkimpwatthelaru seiyo.

Nuumeru 7:51

mwaamombe mmoha, napunci ni eputtiputthi elopwana ya eyaakha emoha ntoko yooveleela yoohisa;

Matheyo 19:16

Vano mukina aamwaattamela Yeesu ni aamukoha: “Muhusiha, kipake eheeni yooreera weera kiphwanye okumi woohimala?”

Marku 12:33

Omusivela Muluku ni murimaanyu wootheene, wuupuwelawanyu wootheene ni ikurusanyu sootheene, ni omusivela mukhwiinyu ntoko muniisivelaanyu, ti wootthuneyaxa oopwaha sooveleela soohisiwa ni soovaha sootheene.”

Marku 5:7

anakhuwela vancipale: “Nyuwo ni miyo muntthuna eheeni, Yeesu, Mwaana a Muluku musulusulu? Kinoodyoonttelelani ni Muluku weera muhikittaruxe.”

Luuka 10:25

Emaara emoha namawera a nlamulo* aaheemela weera amweerere Yeesu, ni aamukoha: “Muhusiha, kipake eheeni weera kiphwanye okumi woohimala?”

Yohaane 6:26

Yeesu aawaakhula: “Vekhaikhai, nyuwo munkaasaasa khoohiyono niwoko moonnaanyu ineneero sootikhiniheya, mene niwoko mwaahooca ipaawu ni mwaavona.

Miteko 16:17

Muthiyana owo annamutthara Pawulo ni hiyo, akhuwelaka: “Asilopwana ala ti arumeiyi a Muluku musulusulu ni anoolaleerani ephiro yoovuluxa.”

Miteko 16:30

Vano aahaakhumihera vaate ni aahaakoha: “Asitokweene, ontthuneya opaka eheeni weera kivuluxiwe?”

Miteko 2:37

Yiiwakaru yeeyo, awo yaahoopopiheya ni yaamukoha Pedru ni arummwa akina: “Axunna, nneereke hayi?”

awEfeso 3:14

Tivawo kinnakokhorela ohoolo wa Atiithi,

aHeberi 10:11

Nihuku ti nihuku asaserdoti* ootheene aneemela ni ampaka mitekosaya sa ediini, evahaka mahuku ootheene sooveleelasene seiyo sihingwera ovenxa soottheka.

1 Samuweli 15:22

Vanonto Samuweli aamwaakhula: “Weeraka Yave onsiveliwa ni sooveleela soohisa ni sa inama opwaha wiiwelela maswaawe? Fataari omwiiwelela Yave ohikhanle opaka sooveleela; aani fataari omwiiwa ohikhanle inama sooneneva.