Mikeyasi 6:4 - Emakhuwa Bible

⁴ Miyo kohookhumihani wExipitu, kinawoopolani mulaponi mwa opottha; kaamurumiha Moisesi, Aharoni ni Miriyami weera yoohoolelaseni.

Mikeyasi 6:4 Iomraidhean Croise

2 Samuweli 7:23

Mulokwaanyu aYixrayeli ti woohilikanxereyatho. Ti muloko mmoharu Muluku ooponlaawe weera okhale mulokwaawe. Hiiho Muluku aatatuxa Nsinanawe na epili. Aapaka sootikhiniha sitokotoko oomoloka miloko ni milukusaya ohoolo wa muloko ola ooponlaawe wExipitu.

Icipo 77:20

Mwaahoolela mulokwaanyu ntoko muhuwo mmatatani mwa Moisesi ni Aharoni.

Okhuma 12:51

Nihuku nenenenne Yave aahaakhumiha aYixrayeli wExipitu attharihaka mipatta soohiyanahiyana sa anakhottwaaya.

Okhuma 20:2

“Miyo ti Yave Mulukwaanyu, mwa Yoowo ookhumihaleni wExipitu, elapo ya okaporo.

Okhuma 3:10

Vano muroweke. Kinoorumihani wa Farawu* weera mwakhumihewo mulokwaaka aYixrayeli mwExipitu.”

Okhuma 4:10

Moisesi aamweerela Yave: “Ii! Adonai, wuulumawaka onkhala woohaawano, hata khalayeene, naari vaanaano vaava Nyuwo munuulumaanyu ni murumeiyaanyu. Nkingwera wuuluma nnenesene.”

Okhuma 4:16

Owo anuulume ni muloko wa mpattaanyu. Onuukhale ntoko ereene eyanowaanyu ni nyuwo mureene Mulukwaawe.

Okhuma 6:27

Aari Moisesi ni Aharoni yuulumme ni Farawu*, mwene a wExipitu, eerelaka waakhumiha aYixrayeli mwExipitu.

Yeremiya 32:21

Mwaakhumiha mulokwaanyu wExipitu ni ineneero ni sootikhiniha, ni ntata noowera ni moono woowookowa, mutannyeraka woova otokotoko.

Amosi 2:10

Ti yoomeene kookhumihaleni wExipitu, kinaweettihani iyaakha miloko mixexe munikareni, weera koovaheeni elapo ya awAmori.

Nuumeru 12:1

Miriyami ni Aharoni yaapacera omukhupanya Moisesi niwoko owo aamuthenle muthiyana muKuxe.

Nuumeru 33:1

Iya ti ihuhu sa mukwaha wa aYixrayeli ekhumelo wExipitu, otthariheleyaka okawanyeyawaya, ehooliwaka ni Moisesi ni Aharoni.

Miteko 7:36

Owo aahaakhumiha weiwo, apakaka sootikhiniha ni ineneero wExipitu, mphareiyani yooxeera ni munikareni wa iyaakha miloko mixexe.

Deuteronomiyo 15:15

Muupuwelele weera mwaari ipottha wExipitu ni weera Yave Mulukwaanyu oowoopolani. Tivawo kinoovahaakani malamulo ala olelo.

Deuteronomiyo 24:18

Muupuwelele weera mwaari ipottha wExipitu ni weera Yave Mulukwaanyu oowoopolaniwo. Tivawo kinoolamulelaakani opaka yeeyo.

Deuteronomiyo 4:20

Wa nyuwo, Yave aahookuxani, ookhumihakani muttukutthani enghaniwa eyuuma, eyo tiiyo wExipitu, weera mukhalase muloko wa yoohiyeraawe, ntoko onooneyaaya olelo.

Deuteronomiyo 4:34

Khoowowo muluku mukina olakenle okhumiha muloko mmoha variyari wa mukina weera okhale wawawe ovarelaka muteko woota murima, ineneero sootikhiniheya, owana, ntata nooweraxa, moono woolipa ni miteko sitokotoko ni sooweraxa. Itthu sootheene iye oopakenlaaweni Yave Mulukwaanyu wExipitu, ntoko moonnaanyu ni maithwaanyu!

Deuteronomiyo 5:6

“Miyo ti Yave Mulukwaanyu, mwa Yoowo ookhumihaleni wExipitu, elapo ya okaporo.

Deuteronomiyo 7:8

Yave ookhumihanseni ni ntata nooweraxa anawoopolani mweelaponi ya okaporo mmatatani mwa Farawu*, mwene a wExipitu, niwoko noowoosivelani Yave ni nlipelo aapakenlaawe makholowaanyu.

Deuteronomiyo 9:26

Kaamvekenle Yave keeraka: “Ii! Adonai Yave, muhiphwate mulokwaanyu; yoohiyeraanyu mooponlaanyu ni ikurusanyu sitokotoko mukhumihaka wExipitu ni ntatananyu nooweraxa.

1 Samuweli 12:6

Vano Samuweli aaheerela muloko: “Ti Yave aamuthanlale Moisesi ni Aharoni aakhumihaka makholowaanyu wExipitu.