Mikeyasi 6:16 - Emakhuwa Bible

¹⁶ Nyuwosa muniiwelela ikano sa Omeri ni soopaka sootheene sa emusi ya Ahabi, muttharaka ikhovelelosaya. Tivawo kineeraaka kooheleeni nthala ni amakaanyu anoohaawa otheiwa; nyuwosa ootheene munootthebwiwa ni miloko.”

Mikeyasi 6:16 Iomraidhean Croise

1 Mamwene 18:4

Yezebeli eera awiivaka maprofeeti a Yave. Obadiya aahaathukumanyiha maprofeeti ncira, anaavitha mmakhukuni meeli – miloko mithanu wa khula nikhuku, annaavaha yooca ni maahi.

1 Mamwene 9:8

Erookhalaru etokotoko Empa ya Yave ela vano, ootheene eniivire anootikhina ni anootheya yeeraka: ‘Opakenle heeni Yave elapo ela ni Empa ya Yave ela?’

2 Mamwene 16:3

Aatthara iphiro sa mamwene a oYixrayeli, mpaka aamuhisa mwanawe mulopwana ntoko yooveleela atakihaka hiiho ikhovelelo sa mwiikho sa miloko sikina mwa seiye Yave oomonlaawe ohoolo wa aYixrayeli.

2 Mamwene 21:3

Aatekatho mattumuxa ootteeliheriwa miluku sikina atithawe Hizekiya yaaphwantaaya; aamutekela altaari* Bahali* ni nrimbu nooteeliheriwa Axera, ntoko Ahabi, mwene a oYixrayeli aapankaawe. Aakokhorela ithenyeeri sootheene sa wiirimu, analapa.

2 Nyaha 22:4

Owo aapaka ohinaakhulelaawe Yave, ntoko saapankaaya imusi sa Ahabi, niwoko ekhwiiyeene atithawe, awosa yaathatuwa anamalakaawe wa oheleyawaya nthala.

2 Nyaha 34:25

Yeenre ekihiya, enahisera erubani* miluku sikina, etannyaka isarasaka mwa miluku sootheene sipakiwe ni matataaya, isarasaka sinoopattela nipuro nna ni khasicipihiwaru.’

Icipo 1:1

Ooreelihiwa ti yoowo ohintthara miruku sa atakhali, hata ohintakiha mweettelo wa anamattheka, naari ohinkilaathi vamoha ni anamapuhera.

Icipo 44:13

Mooniyeviha vamaithoni wa aximwaattamanaahu; nootthebwiwa ni nootheiwa ni yaale ari mukhwipimwahu.

Icipo 44:14

Moonitatuxa oopuheriwa vamaithoni wa miloko; awosa yaanoonaka, ampukunya muru.

Yesaya 25:8

Owo onoophwata khuluwi okhwa. Yave onlamula sootheene onimuukuttha maithori a ikhove sootheene; onoovenxa wuuliheya muru wa mulokwaawe mweelaponi yootheene. Ti Yave eenre.

Yesaya 9:16

Yaale anghooleliwa a muloko owo annalokottha yoowo ni yaale anghooleeliwa anoothweelelihiwa.

Yeremiya 19:8

Kinoophwata esidade ela kitatuxaka eneneero yootthebwiwa; ootheene eniiviremo onoowuuma owanoni etheyeke, niwoko na makhwattaaya ootheene.

Yeremiya 25:18

Yerusaleemu ni mittetthe sa oYuda, mamwenaaya ni ahoolelaaya, weera seiyo ehiye ttewu ni moopopihero, otthebwiwa ni nlapho ntoko eneereyaaya olelo;

Yeremiya 25:9

kinimwiitthana miloko sootheene sa ottuttuwani ni murumeiyaaka Nebukadenezari, mwene a oBabiloniya,” onghima Yave. “Kinooruuha weera siwaneno elapo ela, amakaaya ni miloko sootheene soorukureenreni. Miyo kinimoophwatani woomalela ni kinimookhalihani moopopihero, otthebwiwa, ni oheleya nthala woohimala.

Yeremiya 29:18

Miyo kinimwaattharelela ni ekhotto, etala ni nihooxo; kinimwaapaka moopopihero wa imwene sootheene sa mulaponi, nlapho, ethoonyero, otthebwa ni munyakunyaku eriyari ya miloko sootheene mwa weiwo Miyo kaamwaraxenlaaka.

Yeremiya 51:51

Nyuwosa mmweere: “Nohuulihiheya muru niwoko nooruwaniwa ni wuuliheya muru woosareya mukhovenimwahu, yeenre anamarwa ephutula mmapuroni ootteela a Empa ya Yave.

Yeremiya 7:24

Vaheera awosa khayaakiiwale hata khayaakipwantthe; ohiyanawaya yaatthara soowuupuwela soovaanya sa mirimasaya soonanara. Yaahokoleenle ottuli ohiya ohoolo.

Icipo Soolalamika 5:1

Muupuwelele Yave yeeyo enikhumelenle; ngwehe ni moone wuulihiheyawahu muru.

Ezekiyeli 39:26

Awosa anoottiwala wuulihiheya muru yaarinaaya, ni ohiroromeleya wootheene akoonihenraaya yaakhalaaya oolipeene mulaponimwaya ahikhalaka oowoopopiha.

Daniyeli 9:16

Ii! Yave, muhapuxe isarasanyu ni onyoonyeriwawanyu oYerusaleemu, esidadaanyu, mwaakwaanyu wootteela, muttharaka soopakasanyu sootheene sa ekhaikhai. Sootthekasahu ni miteko sootakhala sa makholowaahu sootannyera otthebwiwa wa oYerusaleemu ni mulokwaanyu wootheene ni ootheene anirukureenre.

Hoxeya 12:14

wEfrayimi waatannyaxa isara sa Yave; tivawo Yave aneeraawe amoroxele nthowa na ephome wEfrayimi oyeehalaaya, ni onoohokoloxera onyoosawaya.

Hoxeya 5:11

Efrayimi oohasuliwa, oottikitthiwa munthoriheloni, niwoko na olakela otthara miluku sikina.

Mikeyasi 2:6

“Muhilaleiye moota hiiho,” aneera maprofeetaaya. “Muhilaleiye mwaha wa itthusene seiya; erisa kheeniphwanya.”

Mikeyasi 6:13

Tivawo Miyo kineeraaka koohasuleni, ni kooheleeni nthala niwoko na sootthekasanyu.

Ethupululo 2:20

Wa soothesene, kookhalano yoowootherani ela nyuwo: Munimvilela muthiyana owo Yezabeli oniixeerela mprofeeti. Owo onaaphariha arumeiyaaka ni mahusihowaawe weera epake olavilavi ni ece yooca yooveleeleliwa miluku sikina.