Mikeyasi 5:8 - Emakhuwa Bible

⁸ Oohalahala a Yakobe anookhala eriyari ya miloko, aani, eriyari ya miloko sincipale, ntoko mwatto eriyari ya axinama a ntuphini, ntoko mwatto oolipa eriyari ya mihuwo sa ikhondoolo, mwa yoowo omvara ni onnyaanya yoovara, ahikhalakaru ongwera otapuxa.

Mikeyasi 5:8 Iomraidhean Croise

Epacerero 49:9

Yuda, weyo ti mwaaxaana a mwatto; aani mwanaka, ntoko mwatto ahokolowaka woolupatthani. Oniireherera otuphela ntoko mwatto; oniixaatalela ntoko mwatto muthiyana. Taani ongwera ongwanano?

Icipo 104:20

Nyuwo munruuha epiphi, oniila; vano axinama a ntuphini animweetteetta.

Icipo 44:5

Mwa Nyuwo ningwoomola amwiittanaahu; mwa Nsinananyu nnaanyikalasa yaawo anniwanano.

Icipo 50:22

Muupuwele sa seiya, nyuwosa munimuttiwala Muluku. Ohiyanawaya kinimoophwatani woomalela, ahikhalaka oowoopolani.

Masu a Miruku 30:30

Mwatto, ori ooweraxa eriyari ya axinama, ni khaawo onimutthawaawe;

Yesaya 5:29

Murikaaya onlikana ni wa mwatto; anoopa murika ntoko amwatto oovara; antturuma evanreene yaatthunaaya, enapurula ahikhalaka oowaakihera.

Ezekiyeli 39:10

Khootthuneya wa yaawo waasa ikhuuni ntuphini, naari othikila moothakoni, niwoko awosa anoovarela muteko ikapwitthi ntoko yoopattihera. Awosa animwaahuhula yaawo yaahuhunle, yaakuxeke yaawo yaakunxe, onghima Yave onlamula sootheene.

Hoxeya 5:14

Vano, wa Efrayimi, kinookhala ntoko mwatto, ni ntoko mwatto mutokweene wa Yuda. Miyo kinoomunyaanya kipwaheke; Miyo kinimwaakuxa, ahikhalaka oowaatapuxa.

Mikeyasi 2:12

“Ii! Yakobe, vekhaikhai kinimoothukumanyihasani ootheene nyuwo, aani, kinimwaathukumanyiha oohalahala a oYixrayeli. Miyo kinimwaathukumanyiha ntoko ikhondoolo sireene munikhoolani, aani ntoko muhuwo oreene muncihiwa; awosa animwaatta moota wooweera onookhala onyakuleleya wa nakupa owo.

Mikeyasi 4:13

“Ii! Esidade ya oSiyoni, mvenye ni mukokhole, niwoko Miyo kinimoovahani manyaka a eyuuma ni itthottopwa sa ebronze* weera munyaanyeno miloko sincipale.” Nyuwo munoomutteelihera Yave mwa Yoowo onlamula elapo yootheene, soowinasaya soohireerela ni mihakhusaya sootheene.

Mikeyasi 4:7

Ooheetta kinimwaakhaliha ephuwela, ni oowoomoliwa, muloko woolipa. Yave onimwaalamulasa vamwaako Siyoni okhuma nihuku nno woorowa ohoolo ni wa mahuku ootheene.

Mikeyasi 5:3

Tivawo aYixrayeli eneeraaya ehiiwe mpaka eneeraaya ephiye ehuhu yooyara ya yoole ongyara. Vano ephuwela ya axunna a mulamuli, enoohokolowa weera ethukumane ni aYixrayeli.

Mikeyasi 7:18

Ii! Muluku, khawoworu muluku mukina ntoko Nyuwo, munttiwala soottheka ni ovaanya wa yaawo anghalahala a mmulokonimwanyu! Nyuwo khamunnyoonyiwa wa mahuku ootheene, mene munghakalalela woowoonihera murima wooreera.

Zakariya 10:5

Awosa anoolikana asilopwana ooweraxa enyikalaka nttoko mmiseweni okhottoni. Eenre Yave akhala ni yaawosa, awosa anoowana, yaawineke anamweettiha a ikavalu*.

Zakariya 11:6

Miyo nkirwatho kaamorela ikharari amaki a elapo,” onghima Yave. “Khula mutthu kinoomwinnyerera wa mwaattamanaawe ni wa mwenaawe. Awosa anoohasula elapo ni Miyo khaawo kineeraaka kimutapuxe mmatatanimwaya.”

Zakariya 12:3

Vanihukuni nenenenno, miloko sootheene sa elapo ya vathi sithukumanneene weera siwaneno oYerusaleemu, Miyo kinootatuxa oYerusaleemu mwala woolemela wa miloko sootheene. Sootheene sineera seerere weemexa, sinoovulalaxa.

Zakariya 14:18

awExiputu yaahirowa oYerusaleemu weera yapakele mpatta, awosa khayaarupela epula. Vano Yave onimwaarumihela nihooxo mwa nenno aneeraawe ahooxere miloko sineera sikhootte orowa opakano Efesta ya Mmikotthani.

Zakariya 9:15

ni Yave a ikuru sootheene onoowaakiha. Awosa anoonyikalela ni anoophwata ni ekhwambala. Awosa anoowura ephome ya amwiittana ntoko ereene eviinyu; anookhala oosareyeene ntoko ebasiya yoovuuvihera mmaloothoni mwa altaari*.

Malekiya 4:3

Vanihukuni kineeraaka kipake itthu iyo, munimwaattikittha atakhali; anookhala ntoko ittoko munaawonimwanyu,” oneera Yave a ikuru sootheene.

Nuumeru 24:9

Awosa aniipitha ni aniixaatalela ntoko mwatto mulopwana ni muthiyana, taani anaawere waavenxa? Ereelihiwe yaawo eniyaareelihe, ni elamphwe yaawo eniyaalaphe!”

Matheyo 10:14

Mukina aahiwaakhelelani, hata aahiiwa maswaanyu, mwatathe ntthupi na inaawosanyu mwaakhumaka vaatewawe, hoye hoye esidade eyo.

Miteko 18:6

Emuvirikanyihaka ni emuruwanaka woohihiyerera, aatatha soowarasawe ni aaweerela: “Ephomaanyu emorele mmurumwanyu! Kohoonyawani. Okhuma vaanaano va mpaka ohoolo, kinkela wa amalapo.”

aHeberi 12:25

Mwiipasoope weera muhimukhootte Yoowo onuuluma. Yaawo yaakhoontte omwiiwa yoowo aawooperera mweelaponi, khayoopongwe ottaruxiwa. Woopwahaxa hiyo nnithorihiwe, namukhootta yoole onnooperera areene wiirimu.

aHeberi 2:3

Wootepaxa, nnoopowe hai hiyo nakhootta ovuluwa otokotoko ntoko wu? Ovuluwa wu waathalihiwe woopacera ni Apwiya, ni vahoolowaya woolipihiwa ni yaawo yiiwale.