Mikeyasi 4:13 - Emakhuwa Bible

¹³ “Ii! Esidade ya oSiyoni, mvenye ni mukokhole, niwoko Miyo kinimoovahani manyaka a eyuuma ni itthottopwa sa ebronze* weera munyaanyeno miloko sincipale.” Nyuwo munoomutteelihera Yave mwa Yoowo onlamula elapo yootheene, soowinasaya soohireerela ni mihakhusaya sootheene.

Mikeyasi 4:13 Iomraidhean Croise

Icipo 24:1

Elapo ya vathi ti ya Yave vamoha ni sootheene sirimo; hiihotho elapo ni ootheene ankhalamo,

Icipo 68:29

Niwoko na Empaanyu eri oYerusaleemu, mamwene animooruuhelani soovaha.

Icipo 72:10

Mamwene a oTaresisi ni a iphareiya soorakamela anoomuruuhela soovaha ni hiihotho mapwiyamwene a oXeba ni a oSeba.

Yesaya 18:7

Ehuhuweene yeeyo Yave onoovahiwa samahala ni muloko woorakamelaxa ni wa exapala yootteettheya, muloko woowooviwa ni ootheene ari vakhiviru ni ottai, muloko ontthunaxa owana, onuuluma nuulumo noovirikanaxa, mwa yoowo elapwaaya ekawanyeiye ni nyooloko. Soovahasene seiyo sinooruuhiwa omwaako Siyoni, nipuro na Nsina na Yave a ikuru sootheene.

Yesaya 21:10

Ii! Mulokwaaka woonyikaleliwa vanipuroni nimveeriwa* etrigu, miyo kinoothaliherani yeeyo kiiwalaaka wa mpatta wa Yave a ikuru sootheene, Muluku a oYixrayeli.

Yesaya 23:18

Wa soothesene, ewinelo ya othumihawawe enookhala ya Yave. Ewinelowaawe anoovahiwa yaale ankhala vamaithoni wa Yave, wa sooca soowaatta ni ikuwo sooreera.

Yesaya 5:28

Nyuupasaya siri soowiitha ni nyuura sootheene siri sootupa; mapita a ikavalusaya* ari oolipa ntoko maluku ni mareko a ikaarosaya ntoko eyuupuru.

Yeremiya 51:20

Nyuwo ti enyuttwaaka, kapwitthaaka oongwanano. Kinnyaanya miloko mwa nyuwo; kimphwata imwene mwa nyuwo.

Yeremiya 51:33

Yave a ikuru sootheene, Muluku a oYixrayeli oneera ha: “Esidade ya oBabiloniya eri ntoko waneepettheliwa; ehuhu ya ohepha enoophiyerela woowaakuveya.”

Daniyeli 2:44

Mweehuhuni ya mamwene awo, Muluku a wiirimu onookhaliha omwene oneera ohiphwatiweru hata ohilamuliwe ni miloko sikina. Omwene owo onoophwata imwene sootheene sikina iyo, vaheera owo onoopwaherera wa mahuku ootheene.

Hoxeya 10:11

wEfrayimi ori mwaamombe ooxuttihiweene, ontthunaxa onyikalasa; tivawo kineeraaka kimuthatelihe murindi woolemela vaxikwawe wooreera. Kinimweettiha wEfrayimi, oYuda ontthuneya ottipura, ni Yakobe ontthuneya opittikuxa etthaya yoohittipuriwa.

Mikeyasi 5:7

Oohalahala a oYixrayeli anookhala eriyari ya miloko sincipale, ntoko nikame na mpatta wa Yave, aani, ntoko epula yincipale enrupela munnyepuni; kheeningweherera mutthu, hata kheenkhalela omutthu.

Habakuki 3:12

Munyoonyiweene mwaavira elapo ya vathi ni musaranimwanyu mwaanyikalasa miloko.

Zakariya 12:3

Vanihukuni nenenenno, miloko sootheene sa elapo ya vathi sithukumanneene weera siwaneno oYerusaleemu, Miyo kinootatuxa oYerusaleemu mwala woolemela wa miloko sootheene. Sootheene sineera seerere weemexa, sinoovulalaxa.

Zakariya 12:6

Vanihukuni nenenenno kinoopakiha weera ahooleli a oYuda elikane ni niikho eriyari ya ikhuuni sincipale, ni ntoko muthuko ovarelaka eriyari ya ithatu. aYuda anoohisa woomalela miloko sa mukhwipimwaya sootheene, mene oYerusaleemu onookhala vanipuroniwaya woolipeene.

Zakariya 4:14

Vano aakeerela: “Iya sinthoonyera asilopwana eeli oothanliwa weera emurumeele Yave a elapo yootheene.”

Zakariya 6:5

Ndyelo aakaakhula: “Iya ti minepa mixexe sa wiirimu sivennye vaanaano okhuma onkhalaawewo Yave sirowaka wa elapo ya vathi yootheene.

1 aKorinto 16:2

Nihuku noopacera na isimana soothesene, khula mutthu a nyuwo athokororeke mpatta wa musurukhu yoowo mungweraanyu, muthokororaka yoowo weera miyo kaaphiyaka, khoontthuneya othukumanya musurukhu wa ehuhuweene yeeyo.

Deuteronomiyo 33:25

Anampattika a nselenawe eniikhale a eyuuma ni ebronze* ni ikurusawe nsipwaherere mahuku ootheene.

Yoxuwa 6:19

Eparatha* ni eyuuma yoorikaxa yootheene ni ikaruma sa ebronze* ni iyuuma sikina sitteeliheriweke Yave ni siroihiweke omuhakhuniwawe.”