Mikeyasi 3:7 - Emakhuwa Bible

⁷ Anamoonihera* anooyevihiwa ni anamatthoma animuulihiheya muru. Ootheene awo anookuttelela ekhove, niwoko Muluku khawaakhula.”

Mikeyasi 3:7 Iomraidhean Croise

Icipo 74:9

Khanivahiwatho ineneero sootikhiniheya; khaawoworu maprofeeti ni khaawo a hiyo osuwenle omalawaya.

Okhuma 9:11

Khaawo a anamacitta aawera ophwanyaneya aaraawewo Moisesi, niwoko yaasareya makhwatta ntoko awExipitu ancipale akina.

Yesaya 44:25

Ti Miyo kimvirikanyiha ineneero sa maprofeeti oolokottha ni kinaatatuxa anamatthoma alolo; kimvonyera vatthayani miruku sa anamiruku kitatuxaka seiyo sa siiyo.

Yeremiya 18:18

Awosa yaaheera: “Nrowe, nimvaanelele Yeremiya; niwoko khanimala nihusiho na Nlamulo na musaserdoti*, hata olaka wa namiruku, naari masu a maprofeeti. Vano, nrowe namoothere weera nihiiwe onghimaawe.”

Ezekiyeli 24:17

Muhitthunihereru wiiwiwa wiipulelawanyu; muhiikhupanyere mwaha wa anamakhwa. Mulipihe eturbantaanyu* ni ngware ikwakwaattaanyu; muhikuttelele ekhove hata muhice yooca ekhoveleliwe ociwa ni anamalalamika.”

Ezekiyeli 24:22

Nyuwosa mmwipakase yeeyo miyo kipankaaka. Khamukuttelelasa ekhove hata khamuca yooca ekhoveleliwe ociwa ni anamalalamika.

Levitiku 13:45

Yoowo aneera akhaliwe makokho sooneyakawo sakhalaru ineneero sa makokho, awareke ikuwo soothaala, eettakano mputu; owo akutteeleleke eyano akhuwelaka: “Ohitteela! Ohitteela!”

Amosi 8:11

Eneera ephiyaka mahuku,” onghima Yave onlamula sootheene, “kineeraaka kirumihele etala elapo yootheene ela – ehikhanle etala ya yooca naari ya ntthona, mene etala ni ntthona na wiiwa masu a Yave.

Mikeyasi 3:4

Muhoolommo anoomwiitthana Yave, mene Owo khawaakhula. Ehuhu eyo Owo onimwaahuluwa niwoko na yootakhala apankaaya.

Mikeyasi 7:16

Miloko sinimoona yeeyo, suulihiheyeke muru, sihuhuleliweene owerawaya wootheene. Sinoophuta iyano, sittiyeyeke maaru.

Zakariya 13:4

Vanihukuni nenenenno maprofeeti ootheene animuulihiheya muru niwoko na nyoonelosaya sa oprofeeti. Awosa kheewara mukaandyo wa eprofeeti woopakiwa ni exapala weera elokotthe.

1 Samuweli 14:37

Sawuli aamukoha Muluku: “Naatthareleleke aFilisti? Nyuwo munimwaavaherera mmatatani mwa aYixrayeli?” Mene nihuku nne Muluku khamwaakhunle.

1 Samuweli 28:15

Samuweli aamukoha Sawuli: “Munkixupelani mukivenxaka kaaraaka?” Sawuli aamwaakhula: “Miyo koovalavelihiwa niwoko aFilisti anookiwanano ni Muluku ookihiya. Owo khankaakhula – hata ni maprofeeti naari moolohani. Tivawo kiwiitthannaakani okileela yooweera.”

1 Samuweli 28:6

Aamukohakoha Yave, mene Yave khaamwaakhunle – naari moolohani, hata ni Urimi* hoye hoye ni maprofeeti.

1 Samuweli 9:9

Khalayi oYixrayeli, mukina aarowaawe waasaasa otthuna wa Muluku, eera: “Nrowe, namukohe namoonihera*, niwoko khalayi mprofeeti iitthaniwa ‘namoonihera*’.”