Mikeyasi 1:8 - Emakhuwa Bible

⁸ Mwaha wa yeeyo, kinimwiinla ni kinoolalamika; kinimweetta woohiwararu ikwakwaatta ni pwitipwiti. Kinookhuwela ntoko khwatte kiipuleleke ntoko mwaaxaana a esiisi.

Mikeyasi 1:8 Iomraidhean Croise

2 Mamwene 18:13

Vayaakhani yanaamuloko niixexe ya olamula wa Hizekiya, Senakeribi, mwene a wAsiriya, aawanano isidade soolipihiwa sootheene sa oYuda, anakuxa.

Exteri 4:1

Mordekai asuwelaka sootheene saakhumelenle, aahaahula soowarasawe, anawara esaakho, aniihela ettuura, anakhuma musidade iinlaka ni alalamikaka vancipale.

Yobi 30:29

Koothatuwa munna a akhwatte, aani mukhwaaya a isiisi.

Icipo 102:6

Kiri ntoko esiisi ya munikareni; ntoko esiisi eriyari ya mathala.

Yesaya 13:21

Vaheera soopattuxiwa sa munikareni sinookhalawo ni impasaya anoosaramo akhwatte. Mwemmo sinoomakamo isiisi ni ikhomaci sinootuphamo.

Yesaya 13:22

aKusupa animwiipa vanipuroni noolipaxa na oBabiloniya ni akhwatte mpaanimwaya sitokotoko sooreeraxa. Ehuhuwaaya eneera emalaka ni mahukwaya khaampwahererihiwatho.

Yesaya 16:9

Vano kiniinla ntoko oniinlaaya oYazari niwoko na imatta sa iwuuva* sa oSibema. Ii! Hexeboni, Ii! wEleyali, kinoonaanihani ni maithoraaka! Okhuwela wa ohakalala niwoko na soowiimasanyu ni ohephawanyu woomala.

Yesaya 21:3

Vahoolowaya kaathananiheya; kaavoreiwa ntoko muthiyana ayaraka; kooriipiwa murima ni yeeyo kiiwalaaka; nkinono masu niwoko na yeeyo koonnaaka.

Yesaya 22:4

Tivawo keenraaka: “Mususe wa miyo, mukihiye kiixiinlele. Muheerere okipepesa niwoko na ophwatiwa wa mulokwaaka.”

Yesaya 32:11

Muthukumele nyuwosa asithiyana muri emaalelo, Owuumeeni owanoni anamwane asithiyana nyuwosa munoona weera moolipa. Muruleke ni ngware isaakho!

Yeremiya 4:19

Ii! Othananawaka, othananawaka! Kinnathukumela ni ovoreya! Ii! Exiri ya murimaaka! Murimaaka onnakitthimaka ni nkingwera omaala. Niwoko kohiiwa oruma wa nipalapatta; kohiiwa okhuweliwa wa ekhotto.

Yeremiya 9:1

Ii! Muruwaaka waari naatuuttu a maahi ni maitwaaka ehime ya maithori! Vano kaamwiinla ohiyu ni othana niwoko na okhwa wa mulokwaaka.

Yeremiya 9:10

Kinimwiinla, kinimwiikhupanyera ni kinoolalamikela nyaako niwoko na moocihamo weenre othaamiwamo ni khaawowo amviramo. Khooniiwanyeya onyakula wa mihuwo; ipalame sa wiirimu sootthawa ni axinama aalakaseya.

Yeremiya 9:19

Oruma wa olalamika wohiiwanyeya oSiyoni: ‘Moota niphwatiwaahu! Moota niyevihaxiwaahu! Nintthuneya ohiya elapwaahu niwoko impasahu sooheleya nthala.’”

Ezekiyeli 32:18

“Mwaana a mutthu, munlalamikele nakupa a wExipitu ni munkuruxele mulittini, okhuma owo mpaka anamwane asithiyana a miloko sa aweri, vamoha ni yaawo ankuruxeliwa mulittini.

Mikeyasi 2:4

Nihuku nno, nyuwosa munootthebwiwa; animootheyani ni ecipo yoothananiha ela: ‘Nooheleyaxa nthala; ettima ya mulokwaaka yookawanyeya. Owo ookaakha! Ittimasahu ohaavaha anamavariha.’ ”

1 Samuweli 19:24

Weiwo owo aarula soowarasawe, anathalihera otthuna wa Muluku vamaithoni wa Samuweli. Anamorela vathi pwitipwiti nihuku nenenne ni ohiyuweene yoole. Tivawo yeeriwaaya: “Sawulitho omphwanyaneya variyari wa maprofeeti?”