Matheyo 9:6 - Emakhuwa Bible

⁶ Weeratho musuwele weera Mwaana a mutthu ookhalano vathi ikuru soolevelela soottheka…,” vano aamweerela mutthu ooheetta: “Weemele, okuxe nrepanawo ni orowe owaani.”

Matheyo 9:6 Iomraidhean Croise

Yesaya 43:25

Miyo, aani Miyo ti Yoole ommaliha soonanarasanyu moosivelani ni nkuupuwelatho sootthekasanyu.

Mikeyasi 7:18

Ii! Muluku, khawoworu muluku mukina ntoko Nyuwo, munttiwala soottheka ni ovaanya wa yaawo anghalahala a mmulokonimwanyu! Nyuwo khamunnyoonyiwa wa mahuku ootheene, mene munghakalalela woowoonihera murima wooreera.

Matheyo 4:24

Saahuulummwa sa Yoowo ni elapo yootheene ya oSiriya. Yannangwiihera atthu ootheene yaahaawa ni iretta sincipale soonanara. Akina yaarino minepa soonanara; akina yaarino ecilecile, ni akinatho yaari ooheetta. Vano Yeesu aahaalamiha ootheene.

Matheyo 8:20

Yeesu aamwaakhula: “Akhwatte aakhalano mapuro ankonaayamo, ni ipalame sa wiirimu sookhalano ipuurusaya, mene Mwaana a mutthu khakhalanne nipuro noowiitthuuwiha muru.”

Matheyo 9:2

Atthu akina yaamuruuhela mutthu ooheetta aataleliweene munrepani. Oonaka Yeesu nroromelo yaakhalannaaya, aamweerela mutthu ooheetta: “Olipihe murimaawo mwanaka! Sootthekasawo sooleveleliwa.”

Matheyo 9:5

Eheeni yookhweya weera: ‘Sootthekasawo sooleveleliwa,’ hoye hoye ‘Weemele ni weette’?

Matheyo 9:7

Owo aaheemela ni aarowa owaani.

Marku 2:10

Vano weera musuwele weera Mwaana a mutthu ookhalano mweelaponimu ikuru weera alevelele soottheka....” Yeesu aamweerela mutthu ooheetta:

Marku 2:7

“Heeni Mulopwana Ola onuulumaawe hiiho? Owo onimveiha Muluku. Taani ongwera olevelela soottheka, ahikhanle Muluku paahi?”

Luuka 5:21

aFarisi* ni anamawera a nlamulo* yaapacera wuupuwela asineenaaya moota ola: “Taani Ola omveiha? Taani ongwera olevelela soottheka, ahikhanle Muluku paahi?”

Yohaane 10:28

Miyo kimvaha okumi woohimala ni iyo khasirwa siriheya. Khaawo aneera awere okaakha mmatatanimwaka.

Yohaane 17:2

Vano mwaamvaha Mwaana ikuru soolamula omutthu wootheene weera aavahe okumi woohimala ootheene Nyuwo mumvanghaanyu.

Yohaane 5:27

Aamvahatho ikuru weera athorihe niwoko ori Mwaana a mutthu.

Yohaane 5:8

Yeesu aamweerela: “Muvenye, mukuxe nrepananyu ni mweette!”

Miteko 5:31

Muluku aamvuwiha, amwiikaathiki moonowaawe mulopwana ntoko Mutokweene ni Mvuluxa, weera aavahe aYixrayeli orukunxa murima ni elevelelo ya soottheka.

Miteko 9:34

Pedru aamweerela: “Aneya, Yeesu Kristu onimoolamihani. Muvenye ni mureherere ebeettaanyu.” Owo aavenya woowaakuveya.

2 aKorinto 2:10

Nyuwo mwamulevelela mukina, miyotho kinoomulevelela. Waari weera yaakhala etthu yootthuneya olevelela, koolevelela ohoolo wa Kristu niwoko na woosivelaniwaka,

2 aKorinto 5:20

Tivawo nri anamitthenga a Kristu, ntoko waari weera Muluku onuuluma ni eyanowaahu. Niwoko na Kristu ninoodyoonttelelani nyuwo: mwiiraaneke ni Muluku.

awEfeso 4:32

Mureerelane murima mmorelanaka ikharari mukina ni mukhwaawe, mulevelelanaka ntoko Muluku oolevelenlaaweni mwa Kristu.

aKolosi 3:13

Muvilelaneke mukina ni mukhwaawe ni mulevelele milattu araayano akina ni akhwaaya. Mulevelele ntoko Apwiya yoolevelenlaayani.