Matheyo 9:13 - Emakhuwa Bible

¹³ Murowe ni muupuwele etaphulelowaaya ela: ‘Kintthuna ikharari, sihikhanle sooveleela.’ Miyo nkaaweenle owiitthana atthu oororomeleya, mene anamattheka.”

Matheyo 9:13 Iomraidhean Croise

Masu a Miruku 21:3

Opaka ya ekhaikhai ni ya ettiitthu ti yoowaakhuleleya wa Yave opwaha opaka sooveleela.

Hoxeya 6:6

Vano, kinghaawela ororomeleya ohikhanle sooveleela; omusuwela Muluku ohikhanle sooveleela soohisa.

Matheyo 12:3

Yeesu aawaakhula: “Nyuwo khamusomme yeeyo aapankaawe Davide ole ni asikhwaawe yaavoliwaaya?

Matheyo 12:5

Nyuwo khamusomme munlamuloni weera, munihukuni na eSaabadu Mpaani mwa Muluku, asaserdoti* yaaveiha eSaabadu, mene yaari oohikhalano nthowa?

Matheyo 12:7

Nyuwo mwaasuwenle etaphulelo ya masu ala: ‘Kintthuna ikharari, sihikhanle sooveleela,’ khamwaathoriha atthu oohikhalano milattu.

Matheyo 19:4

Owo aawaakhula: “Nyuwo khamusomme weera ompacereroni, Mpattuxa aampaka mulopwana ni muthiyana?

Matheyo 21:42

Yeesu aaweerela: “Khamunasome Yoolempwa*: ‘Nluku anamateka yaakhoonttaaya, naathatuwa nluku noottittimiheyaxa. Apwiya yaapanke yeeyo ni ti yootikhinihaxa mmaithonimwahu?’

Matheyo 3:2

“Murukunxe mirima, niwoko omwene wa wiirimu wookhuveela.”

Matheyo 3:8

Muruwere soowiima sinoonihera orukunxa murima!

Matheyo 4:17

Vahoolowaya Yeesu aapacera olaleiya: “Murukunxe mirima, niwoko omwene wa wiirimu wookhuveela.”

Marku 12:26

Mwaha wa ovenyerera akhwiiye, nyuwo khamusomme elivuru ya Moisesi, mwaandiisini a niphuwa, moota Muluku aamweerenlaawe Moisesi: ‘Miyo ti Muluku a Abrahaamu, Isaaki ni Yakobe’?

Marku 12:33

Omusivela Muluku ni murimaanyu wootheene, wuupuwelawanyu wootheene ni ikurusanyu sootheene, ni omusivela mukhwiinyu ntoko muniisivelaanyu, ti wootthuneyaxa oopwaha sooveleela soohisiwa ni soovaha sootheene.”

Marku 2:17

Iiwaka yeeyo, Yeesu aaweerela: “Khaahiyono yaale ari ni okumi animuhaawela meediku, mene aani aretta. Miyo nkaaweenle owiitthana oororomeleya, mene anamattheka.”

Luuka 10:26

Yeesu aamwaakhula: “Eheeni elempwale munlamuloni? Munsoma hai?”

Luuka 19:10

Vano, Mwaana a mutthu aaweenle owaasaasa ni waavuluxa yaale yaariheiye.”

Luuka 24:47

nitho weera mwa Nsinanawe waatthuneya olaleiwa orukunxa murima wa miloko sootheene, okhuma oYerusaleemu, weera yaakhele elevelelo ya soottheka.

Luuka 5:31

Yeesu aawaakhula: “Khaahiyono yaale arino okumi animuhaawela meediku, mene aani oovoreiwa.

Luuka 5:32

Miyo nkaaweenle owiitthana oororomeleya, mene aani anamattheka weera erukunxe murima.”

Yohaane 10:34

Yeesu aawaakhula: “Kheelempwe munlamulonimwanyu: ‘Miyo keenre weera nyuwo muri miluku’?

Miteko 11:18

Yiiwaka yeeyo, yaahiya omukohakoha, ni yaamvuwiha Muluku yeeraka: “Vano Muluku ohaavaha orukunxa murima wa okumi mpaka amalapo asineenaaya!”

Miteko 2:38

Pedru aawaakhula: “Murukunxeke mirimasanyu, ni mutthu ti mutthi a nyuwo apatisiweke mwa Nsina na Yeesu Kristu wa elevelelo ya sootthekasanyu, ni mmwaakhele mahala a Munepa Wootteela.

Miteko 20:21

Kaahaakhalela onamoona aYuda nitho aGrego weera ontthuneya awo erukunxele murimaaya wa Muluku ni eroromele mwa Apwiyaahu Yeesu.

Miteko 3:19

Vano, murukunxe mirimasanyu ni muhokoleele wa Muluku weera sootthekasanyu sikhale soomalihiwa,

Miteko 5:31

Muluku aamvuwiha, amwiikaathiki moonowaawe mulopwana ntoko Mutokweene ni Mvuluxa, weera aavahe aYixrayeli orukunxa murima ni elevelelo ya soottheka.

2 Pedru 3:9

Apwiya khaampisa okwanihera yeeyo yaaroromelinghaaya, ntoko anuupuwelaaya akina. Ohiyanawaya, Awo anoonihera opixa murima, ehitthunaka weera naari mutthu mmoha ariheye, mene weera ootheene erukunxe murima.