Matheyo 8:3 - Emakhuwa Bible

³ Yeesu aahookola moono ni aamutava, eeraka: “Kinootthuna. Mulamihiwe!” Woowaakuveya aalamihiwa makokhwaawe.

Matheyo 8:3 Iomraidhean Croise

Epacerero 1:3

Muluku aaheera: “Okhale waara” ni waakhala.

2 Mamwene 5:11

Wa soothesene, Nahamani aapwaha oonyoonyiweene eeraka: “Miyo kuupuwela weera owo aamukhuma weera akaakhelele eemenleene iitthaneke Nsina na Yave Mulukwaawe, attikitthaka makhwattaaka ni ntatanawe, ni hiiho aamukilamiha makokho.

2 Mamwene 5:14

Vano aarowa, anavolowa muYordanu, ananeela imaara ithannapiili, ntoko mulopwana a Muluku aamulamulenlaawe, anacapeya erutthwaawe yaatteettheya ntoko ya mwaana.

Icipo 33:9

Vano Owo aahuuluma ni sootheene saapakeya; Owo aalamula ni sootheene saakhumelela.

Okhuma 4:7

Vahoolowaya aamulamulela: “Muhokoloxeretho ntatananyu vakakasani.” Aapaka yeeyo ni avenxakaru, nno naahokoleela ntoko neerenlaaya!

Matheyo 12:13

Vano Owo aamweerela mulopwana ole: “Mookole ntatananyu!” Owo aahookola ntata, ni ntata nne naalamihiwa ni naakhala nnene ntoko nikina.

Marku 1:41

Asareiyeene ni ikharari, Yeesu aahookola moono, anamutava, anamweerela: “Kinootthuna, mukhale ootteelihiwa.”

Marku 4:39

Owo aavenya, aahiiha epheyo ni aaheerela ephareiya: “Omaale ni wiikhalele.” Epheyo yaamaala, ni sootheene saakhala soomaaleleyaxa.

Marku 5:41

Aamvara ntata anamweerela: “Talita kumi!” entaphulela: “Mwaamwali, Miyo kinoolamula weera ovenye!”

Marku 7:34

anattukhula maitho, awehaka wiirimu, ni ahihimeraxaka, aamweerela mulopwana: “Efata,” entaphulela: “Muhuleiyeke!”

Marku 9:25

Yeesu awoonaka atthu ancipale ekhuveelaka, aahiiha munepa woonanara, eeraka: “Munepa woohuuluma ni woohiiwa, Miyo kinoolamula weera okhume wa yoowo, ni ohimvolowetho mwaana ola.”

Luuka 4:27

Vanonto, mweehuhuni ya Eliya, mprofeeti, yaakhala anamakokho ancipale oYixrayeli. Wa soothesene, khaawo a yaawo aarapihiwe, ahikhanle Nahamani, muSiriya.”

Luuka 5:13

Yeesu aahookola moono anamwiiyaathera, eeraka: “Kinootthuna. Mukhale oolamihiwa.” Woowaakuveya makokho yaamuhiya.

Luuka 7:14

Vano aawaattamela ni aatava edyaneesa ya muttembo, ni yaawo yaateenxe yaaheemela. Yeesu aamweerela: “Mmiravo, Miyo kinooleela: ovenye!”

Yohaane 11:43

Amalihaka ohima yeeyo, Yeesu aakhuwelaxa: “Lazaru, mukhumele vaate!”

Yohaane 15:24

Miyo kahaapaka variyariwaya miteko mukina ohitonkwaawe owera, awo saano ehikhanle ni milattu. Vanonto, awo yaahoona miteko iye ni yaakithanya Miyo nitho Atithaka.

Yohaane 5:21

Vano, mooteene yoowo Atiithi anaavenyererihaaya akhwiiye ni anaavahaaya okumi, hiihotho Mwaana onaavaha okumi yaale Owo onaatthunaawe.