Matheyo 7:21 - Emakhuwa Bible

²¹ Khaahiyono ootheene ankeerela ‘Apwiya, Apwiya!’ eniivolowe moomweneni wa wiirimu, mene paahi yaawo ampaka otthuna wa Atithaka ari wiirimu.

Matheyo 7:21 Iomraidhean Croise

Matheyo 12:50

Vano, yoowo ompaka otthuna wa Atiithi ari wiirimu, owo munnaka, murokoraka ni amayaka.”

Matheyo 16:17

Yeesu aamwaakhula: “Ooreelihiwa ti nyuwo Simeyoni, mwaana a Yoonasi, niwoko yeeyo khamuleeliwe ni mutthu, mene ni Atithaka ari wiirimu.

Matheyo 18:10

Mwiipasoope weera muhimuramuse hata mmoha a yaala asikhaani! Miyo kinooleelani weera andyelowaaya a wiirimu annoona ekhove ya Atithaka ari wiirimu.

Matheyo 18:19

Ni kinooleelanitho weera, eeli a nyuwo yaakhulela vathi mwaha wa wakhalaru mulattu muneeraanyu muvekele, yeeyo Atithaka ari wiirimu anoowaakhulani.

Matheyo 18:3

eeraka: “Miyo kinoororomelihani weera nyuwo muhiiceendye ni muhiitatunxe ntoko anamwane, vekhaikhai khamumvolowa moomweneni wa wiirimu.

Matheyo 18:35

Hiihotho animoopakani Atithaka ari wiirimu nyuwo ootheene mwaahimulevelela munninyu ni murima wootheene.”

Matheyo 19:24

Ni kinooleelanitho: ti wookhweiya ekamelu* ovolowa vamwiitheni wa singano, ohikhanle namapuha ovolowa moomweneni wa wiirimu.”

Matheyo 25:10

Erowaka awo othuma makhura, namatthomera aaphiya. Aximwali oowiikosoopa yaari oolikaneene, yaavolowa ni yoowo mufestani ya othelana. Ni nsele naawaliwa.

Matheyo 25:21

Apwiya yaamwaakhula: ‘Ti wooreera, murumeiyi ooreera ni oororomeleya! Weyo waari oororomeleya wa vakhaani, miyo nkoororomele wa sincipale. Owe ni ovolowe moohakalalani wa Apwiyaawo.’

Matheyo 26:39

Arowaka vahoolo vakhaani, aahuuramihela ekhovaawe vathi, anavekela: “Tiithi, wawereya, mususihe wa Miyo ekoomixi ela, wa soothesene, ohikhale ntoko kintthunaaka, mene ntoko muntthunaanyu.”

Matheyo 26:42

Aavenyatho arowaka ovekela: “Atithaka, waahiwereya osusiha wa Miyo ekoomixi ela kihiwuraka, opakiwe otthunawanyu.”

Marku 3:35

Yoowo oniiwelela otthuna wa Muluku, owo ti munnaka, murokoraka ni amayaka.”

Marku 9:47

Niithonanyu nootthekihani, muzoole. Fataari ovolowa moomweneni wa Muluku ni niitho nimoha paahi, ohikhanle mureeneno maitho meeli, ovonyeriwa mmooroni,

Luuka 11:28

Owo aamwaakhula: “Ooreelihiwa oophwaha ti yaale aniiwa masu a Muluku ni aniiwelela.”

Luuka 13:25

Vano, mwaneene a vaate aavenyaka ni aawalaka mulako, nyuwo mmwikhale vaate mmanaka nsele mwaavekelaka: ‘Apwiya, munihulele nsele!’ Wa sootheene awo eniyaakhule: ‘Nkoosuwenleni, hata nkisuwenle munkhumaanyuwo.’

Luuka 18:25

Mwa yeeyo, ti wookhweya ekamelu* ovira vamwiitheni wa singano, ohikhanle namapuha ovolowa moomweneni wa Muluku.”

Luuka 6:46

Heeni munkiitthanaanyu Apwiya, Apwiya, muhipakaka yeeyo kinghimaaka?

Yohaane 14:7

Nyuwo mwaakisuwenle Miyo vekhaikhai, mwaamwaasuwelatho Atithaka. Okhuma vaanaano nyuwo mohaasuwela ni moowoona.”

Yohaane 15:23

Yoole onkithanya, onaathanyatho Atithaka.

Yohaane 3:5

Yeesu aamwaakhula: “Kinooleelani ekhaikhai: khaawo ongwera ovolowa moomweneni wa Muluku owo ahiyariwe wa maahi ni wa Munepa.

Yohaane 5:17

Yeesu aaweerela: “Atithaka annavara muteko mpaka olelo ni Miyotho kinnavara muteko.”

Yohaane 6:40

Otthuna wa Atithaka ti weera ootheene aningweha Mwaana a mutthu ni animuroromela Yoowo, ekhalane okumi woohimala. Ni Miyo nkimvenyererihe nihuku noomaliha.”

Yohaane 7:17

Akhala mukina onlakela opaka otthuna wa Muluku, owo anoonelele nihusihonaka nawa wa Muluku, hoye hoye kinuuluma ni mirukusaka muneenaaka.

Miteko 14:22

elipiheraka mirima sa oohusera ni ewoopereraka weera epwaherere munroromeloni, yeeraka: “Ontthuneya weera nivire mmahooxoni mancipale weera nivolowe moomweneni wa Muluku.”

aRooma 12:2

Muhitthareke mweettelo wa elapo ela, mene mutatuxiwe ni oreherera wa soowuupuwelasanyu. Hiiho nyuwo mmwiiwexexe ti heeni otthuna wa Muluku, eyo tiiyo, ti heeni yooreera, yoomusiveliha ni yookwanela.

aRooma 2:13

Khaahiyono yaawo aniiwa nlamulo ari oowaakhuleleya vamaithoni wa Muluku, mene yaawo aniiwelela nlamulo. Awo eniyaakhuleliwe ni Muluku.

awEfeso 6:6

Muhiwiiwelele paahi weera mwaasivelihe awo yoowehawehakani, mene, ntoko ipottha sa Kristu, mpakeke otthuna wa Muluku ni murima wootheene.

aKolosi 4:12

Epafra ori mmoha a nyuwo ni murumeiyi a Kristu Yeesu onimoovahani isalaama. Owo onnawana woohihiyerera mmavekeloni wa nyuwo weera nyuwo mupwaherere oolipeene mwa otthuna wootheene wa Muluku ntoko atthu atokweene munroromeloni ni ooviriyeliwaxa.

1 aTesalonika 4:3

Otthuna wa Muluku ti weera nyuwo mutteelihiwe: musembe oraruwa.

1 aTesalonika 5:18

Mutthapele mwa ihuhu sootheene, niwoko wu ti otthuna wa Muluku wa nyuwo mwa Kristu Yeesu.

Titu 1:16

Awo aneera weera aamusuwela Muluku, mene ni mitekosaya anoomukhootta. Ari oothanyeya, oohiiwelela, ni oohiwera opaka hata etthu emoha yooreera.

aHeberi 13:21

ookwaneliheni nyuwo mwa sooreera sootheene weera mupake otthunawawe. Owo awere mwa hiyo muteko woomusiveliha mwaha wa Yeesu Kristu, mwa Yoowo okhale ovuwa woohimala. Ame*.

aHeberi 4:6

Vano, woonaka weera yaale khalayeene yiiwale masu ooreeraxa khayaavolongwe ngwiitthuuwani mwa Muluku niwoko na ettiyamaaru, ti ekhaikhai akina ahanle ovolowa.

Yakobe 1:22

Mweetteleke masu, khoohiyono wiiwaru paahi, mwiilokotthaka mwaneenaanyu.

1 Pedru 2:15

Vano, Muluku ontthuna weera nyuwo mpake yooreera, weera hiiho mmalihe ohisuwela wa atthu oohikhalano miruku.

1 Pedru 4:2

Hiiho, ehuhu emuhaleenle mweelaponi, akhale weera apake otthuna wa Muluku, ohikhanle opaka soohaawela soonanara sa atthu.

Ethupululo 2:27

“Owo anaalamule ni ekopo ya eyuuma, ni anaapwexakase ntoko mwaapu wa oloko” –

Ethupululo 22:14

Ooreelihiwa ti yaawo ankattha soowarasaya, weera ewere ophiya vamwirini wa okumi, ni weera evolowe musidadeni, eviraka mmilakoni.

Ethupululo 3:5

Namawina anaawaretho ikuwo sootteela. Nkirwa kicipiha nsinanawe mulivuruni ya okumi, mene nkimwaakhulele vamaithoni wa Atithaka ni andyelowaaya.