Matheyo 7:13 - Emakhuwa Bible

¹³ Muvolowe mulako woophureya, niwoko mulako woothanuwa ni ephiro yoothanuwa enrowa omooroni, ni ancipale ti yaawo amvolowa mwa yoowo.

Matheyo 7:13 Iomraidhean Croise

Epacerero 6:12

Muluku awehaka elapo ya vathi, aahoona sootakhala sincipale niwoko ootheene yaamanke elapo ya vathi, yaatthara iphiro sootapanyeya.

Epacerero 6:5

Yave aahoona waandyeerereya wa sootakhala sa atthu mweelaponi ni weera soowuupuwela sa mirimasaya sannaasaasa mahuku ootheene seiye siri soonanara paahi.

Masu a Miruku 16:25

Yookhala ephiro enkhala ntoko yooreera wa mutthu, vaheera ommaleloniwaya enrongha wookhwaani.

Masu a Miruku 7:27

Empaawe ti ephiro enrowa woovithiwani, eronghaka wookhwaani.

Masu a Miruku 9:6

Muhiye iphirosanyu soohuupuwela, ni nyuwosa munookhalano okumi; mukuxere ephiro ya wiiwexexa.

Yesaya 1:9

Yave a ikuru sootheene ahaawuurenle akina akina a hiyo, saano nipakeiyeene ntoko oSodoma ni oGomora.

Yesaya 35:8

Ni musewe mutokotoko onookhalawo; onimwiitthaniwa Musewe Wootteela. Yaale oohitteela kheeviramo; onookhala wa yaale paahi aneettamo; alolo kheeviramo.

Yesaya 55:7

Mutakhali ahiyeke ephirowaawe ni mutthu oonanara soowuupuwelasawe. Owo ahokoleele wa Yave ni Owo onoommorela ikharari, arukunuwele wa Muluku ni Owo onoomulevelela ni murima wooreera.

Matheyo 23:13

Ii! Munoohaawa nyuwo, anamawera a nlamulo*, aFarisi*, anamwiixeera! Nyuwo mungwala nsele na omwene wa wiirimu ohoolo wa atthu. Nyuwo muneenaanyu khamumvolowa, hata khamunaahiya evolowaka yaawo antthuna.

Matheyo 25:41

Vano Owo anaaweerele yaawo a moono muthiyana: ‘Oolaphiwa! Mususeke wa Miyo mpaka mmooroni woohimala oreherereliwaawe Satana ni andyelowaawe.

Matheyo 25:46

Ni awo eniirowe moottaruxiwani woohimala, oororomeleyatho mookumini woohimala.”

Matheyo 3:2

“Murukunxe mirima, niwoko omwene wa wiirimu wookhuveela.”

Matheyo 3:8

Muruwere soowiima sinoonihera orukunxa murima!

Matheyo 7:14

Mulakotho woophureya ni ephiro yoophureya enrowa wa okumi! Yaawo amphwanya, ari vakhaani.

Luuka 14:33

Mooteene yoowo, akhalaru a nyuwo ohinghiya sootheene orinaawe, khangwera okhala oohuseraaka.

Luuka 9:33

Atthu eeli ale yeeraka epwahe, Pedru aamweerela Yeesu: “Muhusiha, ti wooreera okhala vaava hiyo. Nrowe nipake mikottha miraru: mmoha wa Nyuwo, mukina wa Moisesi ni mukina wa Eliya.” Owo khaasuwenle yeeyo aahimmaawe.

Yohaane 10:9

Miyo ti mulako. Yoowo omvolowa wa Miyo anaavuluxiwe. Anaavolowe, anaakhume ni anaaphwanye sooca.

Yohaane 14:6

Yeesu aamwaakhula: “Miyo ti Ephiro, Ekhaikhai ni Okumi. Khaawo ongwa wa Atiithi, ohikhanle aviraka mwa Miyo.

Miteko 3:19

Vano, murukunxe mirimasanyu ni muhokoleele wa Muluku weera sootthekasanyu sikhale soomalihiwa,

aRooma 9:22

Nnihime eheeni hiyo, Muluku atthuna woonihera isarasawe ni asuweliha ikurusawe? Owo oovilela ni oweherera otokotoko nyaapu sa isarasawe sipakeliwe ophwata.

2 aKorinto 4:4

Muluku a ehuhu ela ohuumiha sowiiwexexa sa atthu oohiroromela, weera ehoone waara wa masu ooreeraxa a ovuwa wa Kristu, mwa Yoowo ori mukhalelo wa Muluku.

2 aKorinto 6:17

Tivawo: “muvenye wa yaawo ni mususeke,” aneera Apwiya. “Muhitave itthu soohitteela, ni Miyo nkiwaakheleni.

aGalata 5:24

Yaale ari a Kristu Yeesu aathomeya soohaawela ni soowiinlela sa erutthu.

aFilipi 3:19

Mwaha wa yaawo, ommaleloniwaya ti oriheya; mulukwaaya ti nipwiipwi, ni ovuwawaya ori mwa yeeyo eri yoowuuliha muru; awo anuupuwela paahi itthu sa elapo ya vathi.

1 Yohaane 5:19

Noosuwela weera hiyo nri a Muluku, ni weera elapo ya vathi yootheene eri yoolamuliwa ni namatakhala.

Ethupululo 12:9

Edrakoni* etokotoko yaavonyeriwa vaate, enoweene yeele ya khalayi yiitthaniwa Diyabu*, hoye hoye Satana enlokottha elapo yootheene. Eyo vamoha ni andyelowaaya yaavonyeriwa elapo ya vathi.

Ethupululo 13:8

Atthu ootheene ankhala elapo ya vathi eniilape enama ele, ootheene yaawo masinaaya khaalempwale okhuma ephattuwelo ya elapo mulivuruni ya okumi ya Eputtiputthi yiiviwe.

Ethupululo 20:15

Nsina na mukina nahaaphwanyiwe mulivuruni ya okumi, owo aavonyeriwa vantthiyani na mooro.

Ethupululo 20:3

Aamvonyera moowiixera, aawala ni aahiikaathi ewalelo* vasuluwaya, weera hiiho amooceelihe olokottha ilapo mpaka simale iyaakha macira muloko. Vahoolowaya ontthuneya weera owo ataphuliwe wa ehuhu vakhaani.