Matheyo 7:11 - Emakhuwa Bible

¹¹ Wakhala weera nyuwo mureene anamattheka moosuwela waavaha itthu sooreera anamwanaanyu, wootepaxa Atithinyu ari wiirimu eniyaavahe itthu sooreera yaawo anaavekela!

Matheyo 7:11 Iomraidhean Croise

Epacerero 6:5

Yave aahoona waandyeerereya wa sootakhala sa atthu mweelaponi ni weera soowuupuwela sa mirimasaya sannaasaasa mahuku ootheene seiye siri soonanara paahi.

Epacerero 8:21

Vano Yave aahoona wunkhela wooreeraxa ni aahiixeerela: “Nkirwa kilaphatho etthaya niwoko na mutthu, orookhalaru murimaawe woosareya ni soonanara okhuma oyariwawawe. Nkirwatho kiphwata itthu sootheene siri ni okumi ntoko kipankaaka emaara ela.

2 Samuweli 7:19

Ohiya toko yeeyo, Yave onlamula sootheene, mohuulumatho sa muhoolo wa ekhapira ya murumeiyaanyu. Ti hiiha Yave onlamula sootheene, mungwerihaanyu atthu?

Yobi 15:16

wootepaxa mutthu oothanyeya ni ootakhala; mutthu ongwura sootakhala ntoko angwureliwaaya maahi.

Icipo 84:11

Vano Yave Muluku ti Nsuwa ni Exikudu*; Yave onoonihera murima wooreera ni nttittimiho; khanaakhoottelaru mpuha yaale aneetta moota wookwanela.

Icipo 85:12

Vekhaikhai, Yave onoovaha yeeyo eri yooreera ni elapwaahu enooruwera soohephasaya.

Icipo 86:15

Vaheera Nyuwo, Yave, ti Muluku a ikharari ni a murima wooreeraxa, oopisa onyoonyiwa ni oosareya osivela ni ororomeleya.

Icipo 86:5

Ii! Yave, Nyuwo ti oolikaneene olevelela ni a murima wooreera. Nyuwo moosareya mahala wa ootheene angwiitthanani.

Yesaya 49:15

Weeraka ookhala maayi onimuttiwala mwaniye nlelo onaamwa ni ohinimmorela ikharari mwaana omuyanraawe? Naari amuttiwalaka, Miyo nkoottiwalani!

Yesaya 63:7

Kinimuuluma sa murima wooreera wa Yave, sa mitekosawe sootikhinihaxa – sootheene onipakenlaawe, aani itthu sooreera sincipale opakenlaawe ekhapira ya Yixrayeli niwoko na ikhararisawe ni murimaawe wooreera mutokotoko.

Yeremiya 17:9

Murima ti woolokotthaxa opwaha itthu sootheene ni erettaaya ti yoohilameya. Khaawo anaawere wiiwexexa.

Yeremiya 33:14

“‘Anoophiyera mahuku,’ onghima Yave, ‘kineeraaka kikwanihere yoororomeliha kipakenlaaka muloko wa oYixrayeli ni wa oYuda.

Hoxeya 14:2

Oreherere yoohima ni ohokoleele wa Yave. Mumvekele ha: “Mulevelele sootthekasahu sootheene ni mukhararinimwanyu munaakhulele weera noovaheeni sootthapela sa iyanosahu ntoko imombe simveleeliwa.

Mikeyasi 7:18

Ii! Muluku, khawoworu muluku mukina ntoko Nyuwo, munttiwala soottheka ni ovaanya wa yaawo anghalahala a mmulokonimwanyu! Nyuwo khamunnyoonyiwa wa mahuku ootheene, mene munghakalalela woowoonihera murima wooreera.

Malekiya 1:6

“Mwaana onaattittimiha atithawe, ni murumeiyi onimuttittimiha pwiiyaawe. Miyo kaareene Tiithi, okittittimihawanyu ori woowi? Miyo kaareene Pwiiya, okoovawanyu ori woowi? Onookohani ti Yave, a ikuru sootheene. Ti nyuwo asaserdoti* munnyoosa Nsinanaka! Vaheera nyuwosa munkoha: ‘Ninyoosale moota heeni Nsinananyu?’

Matheyo 23:9

Muhimwiitthane mukina vathi atiithi, niwoko murino Atiithi amoharu paahi – Awo ari wiirimu.

Matheyo 7:10

Hoye hoye, avekela ehopa, onoomvaha enowa?

Yohaane 3:16

Vano Muluku aasivela elapo ya vathi moota wooweera aamvahalaawe Mwanawe mmoharu weera atthu ootheene animuroromela Yoowo kheeriheya, mene anookhalano okumi woohimala.

aRooma 3:19

Noosuwela weera sootheene nlamulo ninghimaaya, ninaaleela yaale alamuliwe ni nne, weera iyano sootheene simaale, ni elapo ya vathi yootheene ekhale yoothorihiwa ni Muluku.

aRooma 3:9

Eheeni nneeraahu nimalihe? Hiyo nohaapwaha yaawo? Hoye! Noothaliha nnene weera aYuda ni aGrego anlamuliwa ni soottheka.

aRooma 8:32

Yoole ohimuurenle Mwanawe mmoharu, mene omvaherenre Yeesu wa hiyo ootheene, vekhaikhai anaanivahe vamoha ni Yoowo itthu sootheenetho.

aGalata 3:22

Yoolempwatho enghima weera elapo yootheene eri yootthukeya ni soottheka, weera yoororomelihiwa ya Muluku yaavahiwe aKristu niwoko na nroromelo mwa Yeesu Kristu.

Yakobe 1:17

Yoovahiwa yooreera yootheene ni yamahala yookwanela yootheene enrweela wa Atiithi a waara, mwa Yaawo ahinceendya ntoko irungu sooceendyaceendya.

1 Yohaane 3:1

Moone moota wa osivela aTiithi anisivenlaayano, mpaka niitthaniwaahu anamwane a Muluku! Ni nri anamwanaawe vekhaikhai. Tivawo amalapo ahinisuwenlaaya, niwoko khayaamusuwenle Muluku.

1 Yohaane 4:10

Mwa yeeyo wookhala osivela: khoohiyono weera hiyo noomusivela Muluku, mene weera Owo oonisivela ni aamurumiha Mwanawe ntoko woopola wa sootthekasahu.