1 Muhaathorihe akina weera nyuwo muhithorihiwe.
Mwiiwe masu a Yave, nyuwosa munthukumela woowiiwa maswaawe: “Axunninyu anoothanyani ni anookhoottani niwoko na Nsinanaka yaaheera: ‘Yave avuwihiweke weera noone ohakalalawanyu!’ Wa soothesene, awosa eneera yuulihiheye muru.
Vano, mooteene yoowo munthorihaanyu, nyuwo munoothorihiwa, ni muringo mumvarelaanyu muteko, onoovareliwatho muteko wa nyuwo.
Namwiixeera! Muvenxe toko mukhukulu muniithonimwanyu, ni vahoolowaya munimoona nnenesene weera mvenxe ekokhola eri muniithoni mwa munninyu.
Muhithorihe, ni khamurwa muthorihiwa. Muhithoriheleke mmooroni, ni khamurwa muthoriheleliwa mmooroni. Mulevelele, ni mmwileveleliwe.
Heeni munaasaanyu ekokhola eri muniithoni na munninyu, muhoonaka etthaabwa eri muniithonimwanyu?
Woonaka weera awo yannatepa omukohakoha, Yeesu aaheemela, anaweerela: “Akhala mmoha a nyuwo ohikhanleno yoottheka, akhale oopacera omvonya nluku.”
Axunnaka, muhitthune okhala ootheene nyuwo ahusiha, niwoko nyuwo moosuwela weera hiyo ninghusiha, nnithorihiwe vancipalexa.
