Matheyo 6:9 - Emakhuwa Bible

⁹ Vanonto nyuwo muvekeleke ha: ‘Atithihu ari wiirimu, Nsinananyu ntteelihiwe,

Matheyo 6:9 Iomraidhean Croise

2 Samuweli 7:26

weera Nsinananyu nivuwihiwe mahuku ootheene. Hiiho atthu eniyeere: ‘Yave a ikuru sootheene ti Muluku a aYixrayeli!’ Ni ekhapira ya murumeiyaanyu Davide eniikhale yoolipeene vamaithoniwanyu.

1 Mamwene 8:43

vano mwiiwe wiirimu munkhalaanyuwo ni mukwanihere yeeyo namarwa aneeraawe oovekeleni weera miloko sootheene sa elapo ya vathi sisuwele Nsinananyu ni siwooveeni, ntoko mulokwaanyu aYixrayeli, ni weera sisuwele weera Empaanyu ela kootekenlaakani yookhalano Nsinananyu.

1 Nyaha 17:24

weera sikhalihiwe sootheene, ni weera Nsinananyu nunnuwihiwe wa mahuku ootheene. Vano, atthu eniyeere: ‘Yave a ikuru sootheene, Muluku a aYixrayeli, ti Mulukwaaya aYixrayeli!’ Hiiho, ekhapira ya murumeiyaanyu Davide, enoopwaherera yoolipeene ohoolowanyu.

2 Nyaha 20:6

anavekela: “Ii! Yave, Muluku a makholowaahu, ti Nyuwo Muluku muri wiirimu. Nyuwo munlamula omwene wootheene wa mulaponi. Ikuru ni owera ori mmatatanimwanyu, ni khaawo ongwera woowananani.

Nehemiya 9:5

aLeevi Yexuwa, Kademiyeli, Haxabiniya, Xerebeya, Hodiya, Xibaniya ni Petahiya yaaheera: “Mweemele muntthapeleke Yave Mulukwaanyu ori oohimala.” Nsinananyu noovuwaxa nreelihiwe. Nivuwihiweke woopwahaxa mareeliho ni otthapela wootheene.

Icipo 111:9

Owo ooruuhela ovuluwa mulokwaawe; Owo ookhaliha wiiraanawawe wa mahuku ootheene – Nsinanawe ti nootteela ni noowooveya.

Icipo 115:3

Mulukwaahu ori wiirimu; Owo ongwera opaka sootheene sinimusivela.

Icipo 72:18

Yave Muluku, Muluku a oYixrayeli attottopeliwe, niwoko Owo paahi ompaka itthu sootikhiniheya.

Yesaya 37:20

Vano Yave Mulukwaahu, munitapuxe mmatatanimwawe weera omwene wootheene wa elapo ya vathi osuwele weera Nyuwo, Yave, ti Muluku.”

Yesaya 57:15

Vano Oosulusuluxa, Yoowo onkhala ni okumi wa mahuku ootheene, Nsinanawe Ootteela, oneera ha: “Miyo kinkhala vanipuroni noosuluxa ni nootteela, menetho ni yoowo orino murima woothananaxa ni wooyevihiwa mmunepani weera kikakamuxe munepa wa oowiiyeviha ni opepesa murima wa oothanana.

Yesaya 6:3

Awosa yaamukhuwelelana, yeeraka: “Ootteela, ootteela, ootteela ti Yave a ikuru sootheene; elapo yootheene yoosareya ovuwawawe.”

Yesaya 63:16

Wa soothesene, Nyuwo ti Atithihu. Abrahaamu khanisuwenle ni Yixrayeli khanaanoonne; Nyuwo, Yave, ti Atithihu ni okhuma khalayi muniitthaniwa Mvuluxaahu.

Yesaya 64:8

Wa soothesene, Nyuwo, Yave, ti Atithihu; Hiyo nri oloko, Nyuwo Namoopa; hiyo ootheene nri muteko wa matataanyu.

Yesaya 66:1

Yave oneera ha: “Erimu ti ehicaaka ya emwene ni elapo ya vathi ti ntthatto na inaawosaka. Moota heeni wa empa muneeraanyu mukitekele? Nipuro na wiitthuuwawaka nri woowi?

Ezekiyeli 36:23

Kinimoonihera otteela wa Nsinanaka Nootteela nihiirihiwe eriyari ya miloko, Nsina muhiirihalaanyu eriyaraaya. Miyo kiixooniheraka ootteela mwa nyuwosa vamaithoniwaya, miloko sinoosuwela weera Miyo ti Yave, onghima Yave onlamula sootheene.

Ezekiyeli 38:23

Hiiho, kinimoonihera otokweenaaka ni otteelawaka, kiisuweliheke mmilokoni sincipale. Vano awosa anoosuwela weera Miyo ti Yave.’”

Levitiku 10:3

Vanonto Moisesi aamweerela Aharoni: “Uulummaawe Yave ti ela: ‘Kinimwiixoonihera Ootteelaxa variyari wa yaala ankaattamela; Miyo kinoovuwihiwa vamaithoni wa muloko wootheene.’” Aharoni aari mwaasa omaala.

Habakuki 2:14

Vaheera elapo ya vathi eniisareye ni osuwela ovuwa wa Yave, ntoko maahi ansareyaaya mphareiya.

Zakariya 14:9

Yave onookhala Mwene a elapo ya vathi yootheene. Vanihukuni nenenenno onookhala Yave mmoha ni Nsinanawe nimoharu paahi.

Malekiya 1:11

Vano okhuma ninkhuma nsuwa mpaka ninkelaayawo, eriyari ya miloko, Nsinanaka nnookhala noottittimihiwaxa. Mipatta sootheene erubani* soovaha sootteela sinoohiseriwa Nsinanaka, niwoko Nsinanaka nnookhala noottittimihiwaxa eriyari ya miloko,” oneera Yave a ikuru sootheene.

Matheyo 10:29

Khaanthumihiwa masiri meeli ni nikhoobiri nimoha? Wa soothesene, khaawo mmoha a yaawo ommorela vathi ehisuwelaka Atithinyu.

Matheyo 23:9

Muhimwiitthane mukina vathi atiithi, niwoko murino Atiithi amoharu paahi – Awo ari wiirimu.

Matheyo 26:29

Miyo kinooleelani weera okhuma vaanaano va mpaka ohoolo, nkinrowa owura wa yoowiima ya ematta ya iwuuva* mpaka nihuku nenno kineeraaka kiwure eviinyu enyowani vamoha ni nyuwo moomweneni wa Atithaka.”

Matheyo 26:42

Aavenyatho arowaka ovekela: “Atithaka, waahiwereya osusiha wa Miyo ekoomixi ela kihiwuraka, opakiwe otthunawanyu.”

Matheyo 5:16

Hiihotho mwaarihe waarawanyu ohoolo wa atthu, weera yooneke mitekosanyu sooreera ni yaavuwihe Atithinyu ari wiirimu.

Matheyo 5:48

Tivawo, mukhale ookwanela, ntoko Atithinyu ari wiirimu.

Matheyo 6:14

Mwaalevelela akina anootthekelani, Atithinyu ari wiirimu eniyoolevelelenitho nyuwo.

Matheyo 6:6

Nyuwotho mwaavekelaka, murowe munkonaanyumo, mwawale mulako ni mwaavekele Atithinyu ari muxiirini. Vano, Atithinyu ari muxiirini eniyootthuveleni.

Matheyo 7:11

Wakhala weera nyuwo mureene anamattheka moosuwela waavaha itthu sooreera anamwanaanyu, wootepaxa Atithinyu ari wiirimu eniyaavahe itthu sooreera yaawo anaavekela!

Luuka 15:18

Miyo kinoovenya ni kinoohokoleela wa atithaka ni kinkela oweerela: ‘Tiithi, kootthekela wiirimu ni kohootthekelani nyuwo.

Luuka 15:21

Mwaana aaweerela: ‘Tiithi, kootthekela wiirimu ni kohootthekelani nyuwo. Nkiphwanenle wiitthaniwa mwaninyu.’

Luuka 2:14

“Ovuwa okhale wa Muluku Musulusulu, ni vathi vaava murettele wa yaale animusiveliha Muluku.”

Yohaane 20:17

Yeesu aamweerela: “Muhikivarele niwoko nlelo nkinaaye waahokoleela Atithaka. Murowe toko wa axunnaka ni mwaaleele weera Miyo kinghokoleela wa Atithaka ni Atithinyu ni wa Mulukwaaka ni Mulukwaanyu.”

aRooma 1:7

Wa ootheene oRooma ari oosiveleya a Muluku ni aniitthaniwa weera ekhale ootteela: Wa nyuwo, mahala ni murettele onrweela wa Muluku Atithihu ni Apwiya Yeesu Kristu.

aRooma 8:15

Nyuwo khamwaakhenle munepa wa okaporo weera moove veeli, mene mohaakhela Munepa onookhalihani ntoko anamwane. Vano, hiyo ninkhuwela ni Munepa Owo: “Aba,” entaphulela “Tiithi.”

aGalata 1:1

Ya Pawulo, murummwa ahirumihiwe ni alopwana, naari mutthu mmoha, mene aani, ni Yeesu Kristu ni Muluku Atithi, amvenyererihale Yeesu mookhwaani.

aGalata 4:6

Hapo muri anamwane a Muluku, Owo aaruma Munepa Wootteela wa Mwanawe wa mirimasanyu, mwa Yoowo oneera: ‘Aba, Tiithi!’

1 Timootheyo 6:16

mmoharu oohikhwa ni onkhala ngwaarani woohiphiyeya, mwa Yoowo khaawo amoonne, naari ongwera omoona. Wa Yoowo nikhale nttittimiho ni ikuru soohimala. Ame*.

1 Pedru 1:17

Woonaka weera mungwiitthana Atiithi Yaawo anthoriha ehikhalaka nthalu miteko sa mutthu ti mutthu, mweetteke ni woova ehuhu ya mukwahaanyu wa vathi.

Ethupululo 4:11

“Nyuwo moophwanela waakhela ovuwa, nttittimiho ni ikuru, Apwiya ni Mulukwaahu, niwoko moopattuxa itthu soothesene, ni iyo sinkhala ni sipakiwe niwoko na otthunawanyu.”

Ethupululo 5:12

ni yaahiipa ni nsu ntokotoko: “Yoophwanela ti Eputtiputthi yiiviwe weera yaakhele owera, mihakhu, miruku, ikuru, nttittimiho, ovuwa ni ottottopela!”