Matheyo 6:5 - Emakhuwa Bible

⁵ Nyuwo mwaavekelaka, muhikhale ntoko anamwiixeera. Awo antthuna ovekela yeemenleene muSinagogani* ni mapuro oowooneya, weera yooniweke ni atthu. Miyo kinooleelani vekhaikhai weera ahaakhelela ntthuvelonaya nootheene.

Matheyo 6:5 Iomraidhean Croise

Icipo 5:2

Mpwatthe okhuwelelawaka ekhavihero, Mwenaaka ni Mulukwaaka, niwoko ti wa Nyuwo miyo kinoodyoonttelelaakani.

Icipo 55:17

Wiilaka, oxeexelo ni othana kinnakhuwela moothanananimwaka ni Owo onniiwa nsunaka.

Masu a Miruku 15:8

Yave onthanya sooveleela sa atakhali, vaheera nivekelo na oororomeleya ninnamusiveliha.

Masu a Miruku 16:5

Yave onaathanya oowiixoona vamurimani. Woohihovela anoottaruxiwa.

Yesaya 1:15

Mwaatheteyaka matata mmavekeloni, kinimoohuluwani. Naari mwaandyeeraka mavekelowaanyu, nkiniiwa. Matataanyu aasareya ephome.

Yeremiya 29:12

Vano nyuwo mmwikikhuwelele Miyo, ni mmwikivekele, ni Miyo kinoowiiwani.

Daniyeli 6:10

Vano Daniyeli iiwakaru weera ekano yoolempwa, aarowa owannyawe, anavolowa mukwaartunimwawe mwa osulu mwa mwemmo ixanela saahuleleya mpatta wa oYerusaleemu. Mmwe aapaka yeeyo aakhovelenlaawe opaka: imaara tthaaru khula nihuku annakokhora, annavekela, amutthapelaka Mulukwaawe.

Matheyo 21:22

Sootheene muneeraanyu muvekele ni mavekelo, mwaroromela, nyuwo mmwaakhele.

Matheyo 23:13

Ii! Munoohaawa nyuwo, anamawera a nlamulo*, aFarisi*, anamwiixeera! Nyuwo mungwala nsele na omwene wa wiirimu ohoolo wa atthu. Nyuwo muneenaanyu khamumvolowa, hata khamunaahiya evolowaka yaawo antthuna.

Matheyo 23:5

Sootheene ampakaaya, ampakela weera yooniwe ni atthu. Awo ampaka sitokotoko ikaxoottisaya sa mipatta sa Yoolempwa* vayuucini*, ni miramba sa soowarasaya soorakama.

Matheyo 23:6

Awo antthuna nipuro noottittimiheya na ofestani, ni ihice soottittimiheyaxa muSinagogani*.

Matheyo 6:1

Mwiipasoope weera muhipake mitekosanyu sa ororomeleya mwaatthuni weera mooniwe ni atthu. Mwapaka seiyo, khamurwa mwaakhela ntthuvelo wa Atiithi ari wiirimu.

Matheyo 6:16

Mwaatthukaka, muhikhale ni ekhalelo yoothanana ntoko anamwiixeera, niwoko awo anooceendya ekhovaaya weera atthu akina ewoone weera aatthuka. Miyo kinooleelani vekhaikhai weera ahaakhelela ntthuvelonaya nootheene.

Matheyo 6:2

Vano, mwaavahaka samahala, muhikhuweleleke yeeyo ni mapalapatta ntoko ampakaaya anamwiixeera muSinagogani* ni mmuseweni weera ettottopeliwe ni atthu. Kinoororomelihani weera awo ahaakhelela ntthuvelonaya nootheene.

Matheyo 9:38

Mumvekele muneene a soohepha weera aarumihele atthu akina soohephasawe.

Marku 11:25

Mwaavekelaka, mwakhalano mulattu ni mukina, munlevelele weeratho Atiithi ari wiirimu yooleveleleni sootthekasanyu.

Marku 12:38

Axuttihaka, Yeesu aaheera: “Mwiipasoope ni anamawera a nlamulo*. Awo antthuna weetta ni soowara sooreeraxa ni wuulumihiwa mwaatthuni.

Luuka 11:43

Ii! Munoohaawa, nyuwo aFarisi*, niwoko nyuwo munnasivela mapuro oopacera muSinagogani* ni wuulumihiwa mwaatthuni.

Luuka 18:1

Vano Yeesu aahaathalihera oohuseraawe yoolikanyiha emoha, atthunaka owoonihera weera ontthuneya ovekela mahuku ootheene ehikhulumuwaka.

Luuka 18:13

Namaliviha a musokotho aaheemela ottaiwene. Khaatthuna oweha osulu, mene amanaka ekakasa, aaheera: ‘Muluku, mukimorele ikharari, miyo kiri namattheka.’

Luuka 20:47

Awo annakhuura impa sa asinaamukhweli, ni annavekelaxa yiixeeraka. Awo eniittaruxiwe moota wootepaxa.”

Luuka 6:24

Ii! Munoohaawa nyuwo, anamapuha, niwoko mohaakhela opepesiwawanyu.

Yohaane 16:24

Mpaka vano nlelo khamunaaye ovekela etthu mwa Nsinanaka. Muvekele ni mmwaakhele weera ohakalalawanyu okhale wookwanela.

awEfeso 6:18

Ehuhu yootheene muvekeleke mwa Munepa ni mavekelo ni midyoonttelelo sootheene. Muupuwelaka yeeyo, mwiiwehawehe ni muvekeleke ni ovilela wa ootteela ootheene.

1 aTesalonika 5:17

Muvekele woohihiyerera.

Yakobe 4:6

Vano Owo onnivaha mahala matokotoko oopwaha. Tivawo Yoolempwa* yeenraaya “Muluku ti Mwiittana a atthu oowiixoona, mene omvaha mahala wa atthu oowiiyeviha.”