Matheyo 6:4 - Emakhuwa Bible

⁴ weera yamahalaanyu ekhale muxiirini. Atithinyu anoona yeeyo empakiwa muxiirini, eniyootthuveleni.

Matheyo 6:4 Iomraidhean Croise

Icipo 139:12

kinimoona weera mpaka epiphi kheeniilihana wa Nyuwo; ohiyu onaara ntoko othana, niwoko wa Nyuwo epiphi enkhala ntoko waara.

Icipo 17:3

Naari mootaka murimaaka ni mukiwehawehaka moohiyuni, hata mukisuwelaka nnenesene, khamuphwanya etthu yoottheka. Koolakela weera eyanowaaka kheettheka

Icipo 44:21

vekhaikhai Muluku aamoona yeeyo eenre asuwela ixiiri sa murima.

Masu a Miruku 25:22

Mwapaka yeeyo, munoomuukelela makhala a mooro mmurumwawe, ni Yave onimootthuvelani.

Yeremiya 17:10

“Miyo, ti Yave kinoota murima ni kinoona nnenesene soowuupuwelasaya weera khula mutthu kimutthuvele, kittharihaka mweettelowaawe, aani mwa soopakasawe.”

Yeremiya 23:24

Mukina onoowera wiipitha Miyo woohimoona?” onkoha ti Yave. Nkihiyono Miyo kinsariha erimu ni vathi?” onkoha ti Yave.

Matheyo 10:42

Yoowo anaavahe, hata ekhalaka ekoomixi ya maahi ooriira wa mmoha a asikhaani ala niwoko owo ori oohuseraaka, Miyo kinoororomelihani vekhaikhai weera owo anaakhele ntthuvelonawe.”

Matheyo 6:18

weera atthu ehisuwele weera nyuwo mootthuka, ehikhanle Atithinyu paahi anoona muxiirini. Atithinyu anoona muxiirini eniyootthuveleni.

Matheyo 6:3

Mene nyuwo mwaavahaka yamahala, nihisuwele ntata na moono muthiyana yeeyo nimpakaaya na moono mulopwana,

Matheyo 6:6

Nyuwotho mwaavekelaka, murowe munkonaanyumo, mwawale mulako ni mwaavekele Atithinyu ari muxiirini. Vano, Atithinyu ari muxiirini eniyootthuveleni.

Luuka 14:14

Nyuwo mmwikhale ooreelihiwa, niwoko awo khaanono moota woowootthuvelani. Ntthuvelonanyu nniwe moovenyererani wa oowaakhuleliwa ni Muluku.”

Luuka 8:17

Vano, itthu sootheene sa wiiphiini nsikhale soothupululiwa, nitho itthu soovithiwa nsikhale soosuwelihiwa ni soowiiheriwa ngwaarani.

1 aKorinto 4:5

Tivawo muhithorihe etthu ehinaaye ehuhu yootthuneyaxa. Muweherereke mpaka Apwiya eneeraaya ewe. Awo eniimwaleele yeeyo eri yoowiipitheya mpiphini, ni eniyoonihere soowuupuwela sa mirima. Ehuhuweene yeeyo khula mutthu anaakhale ottottopeliwawawe wa Muluku.

aHeberi 4:13

Vamaithoni a Muluku kheewo eriwo yoowiipithiheya mweephattuweloni yootheene. Sootheene sohooneleliwa ni sohooneya vamaithoni wa Yoowo hiyo nneeraahu nimwaakhuleke.

Yuda 1:24

Wa Yoole ongwera owooceelihani wuuwa ni owooniherani vahoolo wa ovuwawawe woohikhala nlepa ni moohakalalani otokotoko,

Ethupululo 2:23

Nkiwiive anamwane a muthiyana owo. Vano, ikerexa sootheene nsisuwele weera Miyo ti Yoole onsuwela nnenesene soowuupuwela ni mirima, ni khula mutthu nkimwaakhelihe ntoko mutekwaawe omphwanelaaya.

1 Samuweli 2:30

Tivawo Yave Muluku a aYixrayeli ohimmaawe: ‘Kaaroromeliha weera emusaanyu ni emusi ya atithinyu yaamukirumeela wa mahuku ootheene vamaithoniwaka.’ Vaheera vano Yave onghima: ‘Hata vakhaani! Kinimwaattittimiha yaale ankittittimiha ni yaale ahinkihelela Miyo nkaahelela.