Matheyo 6:33 - Emakhuwa Bible

³³ Mwaasaase toko omwene wa Muluku ni opaka otthunawawe, ni itthu seiyo sootheene mmwivahiwe nyuwo.

Matheyo 6:33 Iomraidhean Croise

1 Mamwene 17:13

Eliya aamweerela: “Muhoove. Murowe owaani ni mwapake yeeyo muhimmaanyu. Mukipakele toko eboolu ekhaanene sa seiyo murinaanyu ni mukiruuheleke. Vahoolowaya mpakeke yoocaanyu ni mwaninyu.

Icipo 112:3

Mihakhu ni opuha ori Mpaanimwawe ni ororomeleyawawe ompwaherera wa mahuku ootheene.

Icipo 37:25

Kaari mmiravo ni vano koohuuluvala, mene nkinamooneru oororomeleya ahiiweene, hata anamwanaawe evekelaka yooca.

Icipo 37:3

Munroromele Yave ni mpake yooreera – hiiho nyuwo munoomaka mweelaponi mukhalaka oolipeene.

Masu a Miruku 10:3

Yave khanimuhiya oororomeleya avoliwaka; mene khamphwanyiha soohaawela sa atakhali.

Masu a Miruku 28:10

Yoowo onimuhapuxera mutthu oowookoleleya mphironi yoonanara, onoomorela muneenaawe munraakhoni orengyaawe, vaheera yoowo ohiniihiyerera ahapuxiwaka, onookhalano ntthuvelo nooreera.

Masu a Miruku 8:18

Mwa miyo sookhala mihakhu ni nttittimiho, weetteleya nnene ni ekhaikhai yoolekela.

Namalaleiya 10:2

Murima wa namiruku onkuxera ephiro yooreera, vaheera murima wa mulolo, onkuxera ephiro yoonanara.

Yesaya 26:9

Okumaaka onoohaawelani Nyuwo moohiyuni; oxeexelo munepaaka onootthunani Nyuwo. Saaphiyaka mweelaponi soothorihasanyu, amaki a elapo ya vathi anooxuttera ekhaikhai.

Yesaya 33:6

Owo onookhala mathipelo oolipeene wa ehuhuwaanyu, mihakhu sitokotoko sa ovuluxiwa, miruku ni osuwela; omoova Yave ti exaavi ya mirukusene seiyo.

Yesaya 45:24

Awosa eniyeere sa Miyo: ‘Ekhaikhai ni ikuru siri mwa Yave paahi.’” Ootheene animuthanya anoorowa wa Yoowo ni animuulihiheya muru.

Yeremiya 23:6

Mmahukunimwawe oYuda onoovuluxiwa ni oYixrayeli onookhala woolipeene. Ni nsina aneeraawe iitthaneliwe ti nna: ave ti Ekhaikhaiyaahu.

Matheyo 19:28

Yeesu aaweerela: "Miyo kinooleelani ekhaikhai: mweehuhuni enyowani engwa, Mwaana a mutthu akilaathiyeene vahiceni ya ovuwa, nyuwo mukitthanre mmwikilaathi vahiceni muloko ni piili weera muthorihe ipuumba* muloko ni piili sa oYixrayeli.

Matheyo 19:29

Ni ootheene ahiyale impasaya, axunnaya, axirokoraya, asitithaya, asimayaya, anamwanaaya, hoye hoye imattasaya niwoko na Nsinanaka, eniyaakhele seiyo imaara ncira, ni eniiphwanyetho okumi woohimala.

Matheyo 3:2

“Murukunxe mirima, niwoko omwene wa wiirimu wookhuveela.”

Matheyo 4:17

Vahoolowaya Yeesu aapacera olaleiya: “Murukunxe mirima, niwoko omwene wa wiirimu wookhuveela.”

Matheyo 5:6

Ooreelihiwa ti yaale anghaawelaxa weera yaakhuleliwe ni Muluku, niwoko eniivonihiwe.

Luuka 1:6

Ooweeli yaari oororomeleya vamaithoni wa Muluku, yiiwelelaka nnenesene malamulo ootheene ni soolamulela sootheene sa Apwiya.

Luuka 12:31

Ohiyanawaya, mwaasaase omwene wa Muluku, ni itthu seiya mmwaandyeerereliwe.

Yohaane 6:27

Muhivarele muteko yooca emmala, mene yooca enkhala mpaka mookumini woohimala, mwa yeeyo Mwaana a mutthu anoovaheeni. Muluku Atiithi aamvaha Yoowo eneneero ya waakhuleleya.”

Miteko 20:25

Vano koosuwela weera khaawo a nyuwo miyo koolaleeraakani omwene wa Muluku onrowa woona ekhovaaka emaara ekina.

Miteko 28:31

Annalaleiya omwene wa Muluku ni annaxuttiha sa Apwiya Yeesu Kristu ni murima woolipa, ahooceelihiwaka naari ni etthu emoha.

aRooma 1:17

Vano, mwa masu ooreeraxa onimooniheriwa waakhuleleya wa Muluku. Okhuma ompacereroni mpaka ommaleloni, waakhuleleya wu ti niwoko na nroromelo, ntoko elempwaaya: “Yoole onaakhuleliwa ni Muluku niwoko na nroromelo, anaakhale ni okumi.”

aRooma 10:3

Hapo ehisuwelaka waakhuleliwa onrweela wa Muluku ni yaasaasaka ekhaikhaiyaaya asineenaaya, awo khayaakhulenle waakhuleliwa wa Muluku.

aRooma 14:17

Omwene wa Muluku khoohiyono yooca, naari yoowura, mene waakhuleliwa, murettele ni ohakalala mMunepani Wootteela,

aRooma 8:31

Nneereke hai sa itthusene seiya? Muluku aari ni hiyo, taani aniittane ni hiyo?

1 aKorinto 1:30

Mwa yeeyo, ti niwoko na Muluku nyuwo muraanyu mwa Kristu Yeesu, Yoowo othatungwe wa hiyo miruku sa Muluku, eyo tiiyo, waakhuleliwawahu, ntteelihonahu ni ovuluxiwawahu,

1 aKorinto 3:22

hata akhalaka Pawulo, Apolo, Kefasi, elapo, okumi, okhwa, sa vaanaano, hoye hoye sa muhoolo – sootheene ti sawinyu,

2 aKorinto 5:21

Niwoko na hiyo Muluku oomutatuxa yoottheka Yoowo ahaasuwenle yoottheka, weera mwa Yoowo hiyo nikhale oowaakheleliwa ni Muluku.

aFilipi 3:9

ni kiphwanyiwe mwa Yoowo, kihikhalanaka ekhaikhaiyaaka enrweela munlamuloni, mene waakhuleliwa weiwe onrweela munroromeloni mwa Kristu, waakhuleliwa weiwe onrweela wa Muluku okhalihiweene munroromeloni.

2 aTesalonika 1:5

Sootheene iyo sinoonihera weera nthorihelo na Muluku nri na ekhaikhai, eyo tiiyo weera Muluku anaawiitthaneni oophwanelela omwene wa Muluku, mwa yoowo nyuwo onoohaawihani.

1 Timootheyo 4:8

Wiireherera erutthu omvareleya muteko vakhaani; wa soothesene, wiireherera okhala ni murima wa omuluku omvareleya muteko mwa soothesene, niwoko wookhalano yoororomelihiwa ya okumi wa vaanaano ni wa muhoolo.

2 Pedru 1:1

Ya Simeyoni Pedru, murumeiyi ni murummwa a Yeesu Kristu, wa yaale yaakhenle, ntoko hiyo, nroromelo noottittimiheyaxa niwoko na waakhuleliwa wa Mulukwaahu ni Mvuluxa Yeesu Kristu:

2 Pedru 1:11

Hiiho nyuwo mmwaakheliwe nnenesene mwaavolowaka moomweneni woohimala wa Apwiyaahu ni Mvuluxaahu Yeesu Kristu.