Matheyo 6:24 - Emakhuwa Bible

²⁴ Khaawo angwera waarumeela asineene eeli, niwoko mmoha onoomuthanya ni mukina onoomusivela, naari oopacera onoomurumeela ni nthiti, mene anaaveeli onoomuramusa. Nyuwo khamungwera omurumeela Muluku nitho musurukhu.

Matheyo 6:24 Iomraidhean Croise

Epacerero 47:17

Hiiho yaamuruuhela Yoseefe mihuwo ni owo aahaavahasa etrigu yaakakhanyihaka ni ikavalusaya*, ikhondoolosaya, ipurisaya, imombesaya ni abuurwaaya. Ophiyera eyaakha yootheene ele owo aahaaciha yaakakhanyihaka ni mihuwosaya sootheene.

1 Mamwene 18:21

Eliya aaheemela ohoolo wa muloko eeraka: “Heeni munghovelaanyu othanla? Yave aari Muluku, muntthareke; vaheera Bahali* ari Muluku, vano muntthareke!” Wa soothesene, muloko waari emaalelo.

2 Mamwene 17:41

Naari miloko iye saamulapeene Yave, sannalapatho milukusaya. Mpaka olelo anamwanaaya ni ikhapirasaya annapwaherera opaka ntoko yaapankaaya makholowaaya.

Ezekiyeli 20:39

Vaheera wa nyuwosa, muloko wa oYixrayeli, Yave onlamula sootheene oneera ha: Khula mutthu a nyuwosa arowe ni alape milukusawe! Vaheera vahoolo wa yeeyo, vekhaikhai mmwikiiwe ni khamuhiirihatho Nsinanaka nootteela ni sooveleelasanyu ni milukusanyu.

Zefaniya 1:5

yaawo anlapa ithenyeeri sa wiirimu vasulu vanipathoniwaya, ni yaawo ankokhora elipelaka mwa Yave nitho mpaka Moleki;

Matheyo 4:10

Yeesu aamwaakhula: “Osuse Satana! Niwoko yoolempwa: ‘Mwaalapeke Apwiya Mulukwaanyu, ni mwaarumeeleke Yaawo paahi.’”

Luuka 16:11

Nyuwo mwaahikhala oororomeleya ni mihakhu sa elapo ya vathi, eniyoororomeleni taani ni mihakhu sa ekhaikhai?

Luuka 16:13

Khawowo murumeiyi naari mmoha ongwera waarumeela asipwiiya eeli, niwoko mmoha onoomuthanya ni mukina onoomusivela, naari oopacera onoomurumeela ni nthiti, mene anaaveeli onoomuramusa. Nyuwo khamungwera omurumeela Muluku nitho musurukhu.”

Luuka 16:9

Tivawo Miyo kinooleelani: muvarele mihakhu sa elapo ya vathi weera mukhalane asinthamwene, moota wooweera saamalaka mihakhu iyo, mwaakhuleliwe muheemani soohimala.

aGalata 1:10

Apaale miyo kinaasaasa waakhuleliwa wa atthu, naari wa Muluku? Hoye hoye miyo kineerera waasiveliha atthu? Kaasaasa waasiveliha atthu, nkaakhala murumeiyi a Kristu.

1 Timootheyo 6:17

Waaleele yaawo ari oopuha ehuhu ela weera ehikhale oowiixoona, naari ehiroromele mihakhu soohilekela, mene emuroromele Muluku onnivaha sootheene woowaatta weera nihakalale.

2 Timootheyo 4:10

niwoko Dema ookihiya miyo, asivelaka elapo ya vathi, ni aarowa oTesalonika. Kresente okenle oGalata, ni Titu okenle oDalmasiya.

Yakobe 4:4

Anamararuwa! Khamusuwenle weera onthamwene ni elapo ela ti omwiittana ni Muluku? Yoowo ontthuna okhala nthamwene a elapo ya vathi oniikhaliha mwiittana a Muluku.

Yoxuwa 24:15

Wa soothesene, waahoosivelakani omurumeela Yave, vano munthanleke olelo taani muneeraanyu munrumeele – saari miluku yaarumeelaaya makholowaanyu okhopela wEfrates hoye hoye miluku sa awAmori a elapweene yeela munkhalaanyumo. Vaheera miyo ni emusaaka nnimurumeela Yave.”

1 Samuweli 7:3

Samuweli aaheerela muloko wootheene wa aYixrayeli: “Mwatthuna omuhokoleela Yave ni murimaanyu wootheene, vano mvenxe miluku sikina variyariwanyu nitho miluku sikina siniitthaniwa Axetoroti ni vahoolowaya mumvahe mirimasanyu Yave munrumeelaka Yoowo paahi. Owo onoowoopolani mmatatani mwa aFilisti.”