Matheyo 6:2 - Emakhuwa Bible

² Vano, mwaavahaka samahala, muhikhuweleleke yeeyo ni mapalapatta ntoko ampakaaya anamwiixeera muSinagogani* ni mmuseweni weera ettottopeliwe ni atthu. Kinoororomelihani weera awo ahaakhelela ntthuvelonaya nootheene.

Matheyo 6:2 Iomraidhean Croise

Icipo 112:9

Owo ohaakawela soovaha sincipale oohaawa; ororomeleyawawe ompwaherera wa mahuku ootheene; owerawawe onoohakalaleliwa munttittimihoni.

Icipo 37:21

Atakhali annakoongora woohiliva, mene oororomeleya amvaha ni murima wootheene.

Masu a Miruku 19:17

Yoowo onaapwattha oohaawa ommooliha Yave, ni Owo onoomutthuvela.

Masu a Miruku 20:6

Ancipale aniixeerela asinthamwene oopwaneya, vaheera taani anaawere omphwanya mutthu oororomeleya?

Namalaleiya 11:2

Mukawe sa ithannapiili murinaanyu, mpakatho ya ithannatthaaru, niwoko nyuwo khamusuwenle erisa heeni eneera emorele mulaponi.

Yesaya 10:6

Miyo kinrumihela muloko woomurakamela Muluku, wa muloko onkinyoonyiha, weera ohuhule ni waakhe sooreela ni weeratho ovotte ntoko ittoko sa mmiseweni.

Yesaya 58:7

Otthuka wa ekhaikhai ti omukawela soocasanyu oovoliwa etala ni omvaha oohaawa nipuro noowiitthuuwa, aani waawariha oothaaleliwa mwaaphwannyaanyu ni ohimurera ettuli munninyu.

Yesaya 9:17

Tivawo Yave ohinaahakalalelaawe amiravo hata ohinaamorelaawe ikharari akwaasuni naari asinaamukhweli, niwoko ootheene aamurakamela Muluku ni a murima woonanara, anuuluma moota woohiloka. Sirookhalaru sootheene iye, isara sa Muluku khasihapungwe ni ntatanawe nri etheteeliwo.

Hoxeya 8:1

“Muhele nipalapatta owanoniwanyu! Nrepo nnaaraara osulu wa Empa ya Yave, niwoko muloko woonanariha wiiraanawaka ovaanyaka Nlamulonaka.

Matheyo 15:7

Anamwiixeera! Yesaya aahuuluma nnenesene sa nyuwo eeraka:

Matheyo 16:3

ni ohinaxe muneera: ‘Olelo eniikhale epheyo etokotoko niwoko erimu eri yooxeera ni yoosareya mahutte.’ Nyuwo moosuwela otaphulela ineneero sa wiirimu, mene khamusuwenle otaphulela ineneero sa ihuhu!

Matheyo 22:18

Yeesutho, asuwelaka soowuupuwelasaya soonanara, aahaakoha: “Anamwiixeera! Heeni nyuwo munkeereraanyu?

Matheyo 23:5

Sootheene ampakaaya, ampakela weera yooniwe ni atthu. Awo ampaka sitokotoko ikaxoottisaya sa mipatta sa Yoolempwa* vayuucini*, ni miramba sa soowarasaya soorakama.

Matheyo 23:6

Awo antthuna nipuro noottittimiheya na ofestani, ni ihice soottittimiheyaxa muSinagogani*.

Matheyo 24:51

Awo eniimuthikile eriyariru ni eniimvaherere vanipuroni na anamwiixeera, weiwo onuukhale wiinla ni okhuuriha maino.

Matheyo 5:18

Kinooleelani ekhaikhai: wiirimu ni vathi onuumale, mene hata yooruma, naari nlepo nimoha na nlamulo na Muluku khanimala mpaka sineeraaya sikwaniheriwe soothesene.

Matheyo 6:16

Mwaatthukaka, muhikhale ni ekhalelo yoothanana ntoko anamwiixeera, niwoko awo anooceendya ekhovaaya weera atthu akina ewoone weera aatthuka. Miyo kinooleelani vekhaikhai weera ahaakhelela ntthuvelonaya nootheene.

Matheyo 6:3

Mene nyuwo mwaavahaka yamahala, nihisuwele ntata na moono muthiyana yeeyo nimpakaaya na moono mulopwana,

Matheyo 6:5

Nyuwo mwaavekelaka, muhikhale ntoko anamwiixeera. Awo antthuna ovekela yeemenleene muSinagogani* ni mapuro oowooneya, weera yooniweke ni atthu. Miyo kinooleelani vekhaikhai weera ahaakhelela ntthuvelonaya nootheene.

Matheyo 7:5

Namwiixeera! Muvenxe toko mukhukulu muniithonimwanyu, ni vahoolowaya munimoona nnenesene weera mvenxe ekokhola eri muniithoni mwa munninyu.

Marku 12:39

Antthunatho waakamela mapuro ootthuneyaxa muSinagogani* ni mapuro oottittimiheya a ifesta.

Marku 7:6

Owo aawaakhula: “Mprofeeti Yesaya aahuuluma nnene mwaha wa nyuwo, anamwiixeera, aalempaawe: ‘Muloko ola onkittittimiha ni eyano, mene mirimasaya sookirakamela.

Luuka 11:41

Mwaavahetho yeeyo eri mpuwa wa esasaani oohaawa,ni mmoone weera sootheene moorapiheliwa.

Luuka 11:43

Ii! Munoohaawa, nyuwo aFarisi*, niwoko nyuwo munnasivela mapuro oopacera muSinagogani* ni wuulumihiwa mwaatthuni.

Luuka 12:33

Muthumihe murinaanyu ni mvahe samahala. Mwiipakele mahottha ahinrowa othaala yaaviraka ehuhu, aani muhakhu woohimala wiirimu, weiwo khaawo namwiiya onkhuveela, hata tthumpwiha ohintthumpwihaawemo.

Luuka 12:56

Anamwiixeera! Moosuwela otaphulela mikhalelo sa elapo ni sa wiirimu. Muhinsuwela hai otaphulela ehuhu ya vaanaano?

Luuka 13:15

Apwiya yaamwaakhula: “Anamwiixeera! Ootheene a nyuwo munnataphula eSaabadu emombe, hoye hoye buuru a munikhoolani ni munnakuxa muronghaka ovaha maahi.

Luuka 20:46

“Mwiipasoope ni anamawera a nlamulo*. Ti woottittimiheya wa yaawo weetta ni ikuwo sooreera ni wuulumihiwa mwaatthuni ni okilaathi mmapuroni oopacera muSinagogani* ni mmapuroni oottittimiheya a mufestani.

Luuka 6:24

Ii! Munoohaawa nyuwo, anamapuha, niwoko mohaakhela opepesiwawanyu.

Luuka 6:42

Ongwereya hai nyuwo omweerela munninyu: ‘Munnaka, muhiyeke kivenxe ekokhola eri muniithonimwanyu,’ nyuwo muhiweraka woona etthaabwa eri muniithonimwanyu? Namwiixeera! Muvenxe toko etthaabwa eri muniithonimwanyu, ni vahoolowaya munimoona nnenesene weera muvenxe ekokhola eri muniithoni na munninyu.

Yohaane 13:29

Woonaka weera Yudasi aari namalipelela a musurukhu, akina yuupuwela weera Yeesu aamweerela athume yeeyo entthuneya ofestani, hoye hoye aavahe etthu oohaawa.

Yohaane 5:41

Miyo nkinaakhulela ovuwa wa atthu,

Yohaane 5:44

Mmwiroromele hai mwaakhulelanaka mukina ni mukhwaawe ovuwa, mene khamunaasaasa ovuwa ongwa wa Muluku mmoharu.

Yohaane 7:18

Yoole onuuluma sawawe, onnaasa ovuwawawe muneenaawe. Yooletho onaasa ovuwa wa Yaawo yaamurumihale, Owo ti a ekhaikhai. Kheewowo etthu yoowootha mwa Yoowo.

Miteko 10:2

Owo ni amusaawe ootheene yaari a murima wa omuluku ni yannamoova Muluku. Owo annavaha soovaha sincipale wa muloko wa atthu, ni annavekela wa Muluku.

Miteko 10:31

ni aakeerela: ‘Korneliyu, Muluku ohiiwa nivekelonanyu ni ohuupuwelela soovahasanyu.

Miteko 10:4

Oowoopihiweene owo aangweha, anamukoha: “Eheeni, Apwiya?” Ndyelo aamwaakhula: “Mavekelowaanyu ni sooveleelasanyu soowela ntoko yooveleela yoowuupuxera ohoolo wa Muluku.

Miteko 11:29

Oohusera yaalakela waakhavihera axunna yaakhala oYudeiya, mutthu ti mutthu yeeyo owo aaweraawe.

Miteko 24:17

Siviraka iyaakha sikina, kaahoorwatho oYerusaleemu weera kivahe soovaha wa mulokwaaka, ni koonihere sooveleela.

Miteko 9:36

Vano, aakhala oYope oohusera muthiyana mmoha iithaniwa Tabita (eyo tiiyo yootaphuleliwa Dorka), mwa yoowo aakhala ni nthiti opaka miteko sooreera ni ovaha soovaha.

aRooma 12:8

yakhala oowaalipiha mirima akina, mupake hiiho, yakhala ovaha, muvahe ni murima wootheene, yakhala ohoolela, muhoolele ni nthiti, yakhala omorela ikharari, mupakeke ni ohakalala.

1 aKorinto 13:3

Hata miyo kivahaka sootheene kiraakano, ni kinnyereraka erutthwaaka weera ehisiwe, mene kaahikhalano osivela, sootheene seiyo nsikhale sa siiyo.

aGalata 2:10

Awo yaanivekela paahi weera niwuupuwelele oohaawa, seiyo kaatthunaaka ni murima wootheene.

awEfeso 4:28

Yoowo iiya, ahiiyetho. Ohiyanawaya, avare muteko, apakaka etthu yootthuneyaxa ni matataawe weera akhalane etthu yoomvaha yoowo ori moohaawani.

1 aTesalonika 2:6

Khanaasaasa ovuwa wa atthu, naari wa nyuwo, hata wa akina.

1 Timootheyo 6:18

Waaleele weera epake yooreera, ekhale oopuha mmitekoni sooreera, oolikana ovaha ni ookawela itthusaya.

Filemone 1:7

Osivelawanyu wookihakalaliha vancipale ni wookipepesa, niwoko nyuwo, munnaka, moolipihera mirima sa atthu ootteela.

aHeberi 13:16

Muhittiwale opaka yooreera, naari okawana, niwoko Muluku onghakalalela sooveleela ntoko iyo.

1 Pedru 4:11

Akhala mukina onuuluma, uulume ntoko mutthu onuuluma masu a Muluku. Akhala mukina onrumeela, arumeele ni ikuru Muluku omvahaawe, moota wooweera mwa itthu sootheene Muluku avuwihiwe mwaha wa Yeesu Kristu. Wa Yoowo okhale ovuwa ni ikuru mahuku ootheene. Ame*.

1 Samuweli 15:30

Sawuli aamwaakhula: “Koottheka. Mene dyoontte, mukittittimihe vamaithoni wa asitokweene a mulokwaaka ni wa aYixrayeli; muhokolowe ni miyo weera kamulape Yave Mulukwaanyu.”