Matheyo 6:16 - Emakhuwa Bible

¹⁶ Mwaatthukaka, muhikhale ni ekhalelo yoothanana ntoko anamwiixeera, niwoko awo anooceendya ekhovaaya weera atthu akina ewoone weera aatthuka. Miyo kinooleelani vekhaikhai weera ahaakhelela ntthuvelonaya nootheene.

Matheyo 6:16 Iomraidhean Croise

2 Samuweli 12:16

Davide aamudyoonttelela Yave amweerelaka mwaana ole. Owo aatthuka, anavolowa mpaanimwawe avirihaka ohiyu akonneene puruvuru.

2 Samuweli 12:21

Arumeiyaawe yaamukoha: “Mumpakelani hiiha? Mwaana areene mukumi, mwaatthuka mwiinlaka, vaheera mwaana akhwaakaru, mumvenyaanyu, munaca!”

1 Mamwene 21:27

Iiwakaru Ahabi masu ale, aahaahula soowarasawe, anawara isaakho, anatthuka. Aahiixaatalela vasaakhoni, akhalaka oowiiyeviheene.

Nehemiya 1:4

Kiiwakaru itthusene seiye kaathanana, kiinlaka. Wa mahuku makina kaalalamika, kitthukaka ni kivekelaka vamaithoni wa Muluku a wiirimu.

Exteri 4:16

“Murowe mwaathukumanyihe aYuda ootheene ari oSusa ni mwatthuke mukeerelaka miyo. Muhice naari muhiwure othana ni ohiyu miraru. Miyo vamoha ni arumeiyaaka asithiyana ninootthuka ntoko nyuwosa. Vahoolowaya kinoowaattamela amwene onoohitthunihereyaru munlamuloni. Wakhala okhwa, nkikhweeke!”

Icipo 109:24

Makuthaaka aatteenguwa niwoko na otthukawaka; erutthwaaka yooyavayava ni woonda.

Icipo 35:13

Vaheera, awosa yaavoreiwaaya, miyo kaawarela sa olalamika, kiiyevihaka ni otthuka, kaavekelelaxaka.

Icipo 69:10

Miyo kiinlaka ni kitthukaka, nkinooneliwamo.

Daniyeli 9:3

Vano kaamwaattamela Yave Muluku kimudyoonttelelaka ni mavekelo, soodyoonttelela ni kitthukaka, kiwanreene isaakho ni kiihenleene ettuura.

Malekiya 3:14

Nyuwosa mweenre: ‘Khoomvareleya muteko omurumeela Muluku. Ningwinani niiwelelaka ikanosawe ni olalamika ohoolo wa Yave a ikuru sootheene?

Matheyo 6:1

Mwiipasoope weera muhipake mitekosanyu sa ororomeleya mwaatthuni weera mooniwe ni atthu. Mwapaka seiyo, khamurwa mwaakhela ntthuvelo wa Atiithi ari wiirimu.

Matheyo 6:2

Vano, mwaavahaka samahala, muhikhuweleleke yeeyo ni mapalapatta ntoko ampakaaya anamwiixeera muSinagogani* ni mmuseweni weera ettottopeliwe ni atthu. Kinoororomelihani weera awo ahaakhelela ntthuvelonaya nootheene.

Matheyo 6:5

Nyuwo mwaavekelaka, muhikhale ntoko anamwiixeera. Awo antthuna ovekela yeemenleene muSinagogani* ni mapuro oowooneya, weera yooniweke ni atthu. Miyo kinooleelani vekhaikhai weera ahaakhelela ntthuvelonaya nootheene.

Marku 2:18

Oohusera a Yohaane ni aFarisi* yeera etthukaka. Atthu akina yaahoowa wa Yeesu ni yaamukoha: “Heeni oohusera a Yohaane ni a aFarisi* antthukaaya, mene yaawo awinyu hoye?”

Luuka 18:12

Miyo kinnatthuka imaara piili vasimanani, ni kinnavaha yanaamuloko wa sootheene kingwinaaka.’

Luuka 2:37

ni vahoolowaya aakhala naamukhweli mpaka iyaakha miloko mithannamiraru niixexe. Khanatoko ohiya Empa ya Muluku. Annamulapa Muluku, atthukaka ni avekelaka ohiyu ni othana.

Miteko 10:30

Korneliyu aamwaakhula: “Wa mahuku maxexe avirale, miyo kaari owaani kivekelaka ehuhuweene yeela ya oxekuwa. Woowaakuveya aakhala ohoolowaka mulopwana mmoha awanreene ikuwo soowaara,

Miteko 14:23

Pawulo ni Barnaba yaahaathanla asitokweenaaya khula ekerexa. Emalihaka otthuka ni ovekela, yaahaavaherera mookosoopani wa Apwiya, mwa Yaawo awo yaaroromelaaya.

1 aKorinto 7:5

Muhikhoottelane okona vamoha, ohikhanle wa ehuhu vakhaani ni mwiiwanane, weera ehuhuweene yeeyo muvilele mmavekeloni. Vahoolowaya, mupwaherere okona vamoha weera ahiweerereni Satana niwoko na ohiisuumaalihawanyu.

2 aKorinto 11:27

Kannavara miteko soovihaxa, imaara sincipale woohikona, kannavoliwa etala ni ntthona, imaara sincipale nkaakhalanne sooca, kannavilela oriira ni pwitipwiti.

2 aKorinto 6:5

moowaxuliwani, mootthukiwani, moovanyihanani atthu ancipale, mmitekoni sooviha, moohiyuni woohikona, ni mootthukani.