Matheyo 6:10 - Emakhuwa Bible

¹⁰ omwenaanyu orwe; otthunawanyu opakiwe vathi va, hiiho ntoko wiirimu.

Matheyo 6:10 Iomraidhean Croise

Nehemiya 9:6

Nyuwo paahi ti Yave. Moopattuxa erimu ya osulusulu ni ithenyeerisaya; elapo ya vathi ni sootheene sirimo; iphareiya ni sootheene sirimo. Moovaha okumi wa itthu sootheene ni anakhotto a wiirimu annoolapani.

Icipo 2:6

“Miyo muneenaaka koomukhaliha mwenaaka oSiyoni, vamwaakoniwaka wootteela.”

Icipo 40:8

Kintthuna opaka otthunawanyu Mulukwaaka; Nlamulonanyu nri mmurimanimwaka.”

Yesaya 2:2

Mmahukuni ookisera mwaako wa Empa ya Yave onimunnuwihiwa; onookhalihiwa mutokweene a mattumuxa ni miloko sootheene sinoorowa wa yoowo.

Yeremiya 23:5

“Anoophiyera mahuku,” onghima Yave, “Miyo kineeraaka kimurehererele Davide Ephuwela ya Ekhaikhai, mwene anaalamule ni miruku ni anaapake yeeyo eri yoororomeleya ni ya ekhaikhai mweelaponi.

Daniyeli 2:44

Mweehuhuni ya mamwene awo, Muluku a wiirimu onookhaliha omwene oneera ohiphwatiweru hata ohilamuliwe ni miloko sikina. Omwene owo onoophwata imwene sootheene sikina iyo, vaheera owo onoopwaherera wa mahuku ootheene.

Daniyeli 4:35

Atthu ootheene a elapo ya vathi khaveetthwaawewo. Owo ompaka yeeyo ontthunaawe ni ikuru sa wiirimu ni amaki a vathi. Khawowo ongwera ohiiha ntatanawe hata omweerela: “Mpankeni?”

Daniyeli 7:13

Mmoonelonimwaka ohiyu kaaweha ni aakhala ohoolowaka mmoha aalikana ni mwaana a mutthu arwaaka mmahutteni a wiirimu. Owo aamwaattamela Muluku Oohimala, anaronghiwa vamaithoniwawe.

Daniyeli 7:27

Vano olamula, ikuru ni ovuwa wa omwene wootheene wa vathi onimwinnyereriwa mmatatani mwa ootteela, muloko wa Muluku a Musulusulu. Omwenaawe onookhala woohimala ni anamalamula ootheene anoomulapa emwiiwelelaka.’

Zakariya 9:9

Muhakakalaxe mwaana muthiyana a oSiyoni; mukhuwele mwaana muthiyana a oYerusaleemu! Moone, mwenaanyu ongwaattamelani, oororomeleya ni oowineene, a murima woomaaleleya ni angwenleene buuru, aani mwaaxaana a buuru muthiyana.

Matheyo 12:50

Vano, yoowo ompaka otthuna wa Atiithi ari wiirimu, owo munnaka, murokoraka ni amayaka.”

Matheyo 16:28

Miyo kinoororomelihani weera akina ari va, khaanrowa okhwa ehinaaye omoona Mwaana a mutthu awaaka moomwenenimwawe.”

Matheyo 26:42

Aavenyatho arowaka ovekela: “Atithaka, waahiwereya osusiha wa Miyo ekoomixi ela kihiwuraka, opakiwe otthunawanyu.”

Matheyo 3:2

“Murukunxe mirima, niwoko omwene wa wiirimu wookhuveela.”

Matheyo 4:17

Vahoolowaya Yeesu aapacera olaleiya: “Murukunxe mirima, niwoko omwene wa wiirimu wookhuveela.”

Matheyo 7:21

Khaahiyono ootheene ankeerela ‘Apwiya, Apwiya!’ eniivolowe moomweneni wa wiirimu, mene paahi yaawo ampaka otthuna wa Atithaka ari wiirimu.

Marku 11:10

Wooreelihiwa ti omwene wa atithihu Davide onrwa. Hosana* musulusulu!”

Marku 3:35

Yoowo oniiwelela otthuna wa Muluku, owo ti munnaka, murokoraka ni amayaka.”

Luuka 19:11

Awo emwiiwaka Yeesu, Owo aahaathalihera yoolikanyiha emoha, niwoko aari vakhiviru wa oYerusaleemu ni muloko wa atthu wuupuwela weera omwene wa Muluku waarowa wooniheriwa woowaakuveya.

Luuka 19:38

“Ooreelihiwa ti Mwene ongwa mwa Nsina na Apwiya! Murettele wiirimu ni ovuwa musulusulu.”

Luuka 22:42

“Tiithi, mwatthuna, mususihe wa Miyo ekoomixi ela, wa soothesene, ohipakiwe otthunawaka, mene otthunawanyu.”

Yohaane 4:34

Yeesu aaweerela: “Yoocaaka ti opaka otthuna wa Yoowo okiruminghe ni omaliha mutekwaawe.

Yohaane 6:40

Otthuna wa Atithaka ti weera ootheene aningweha Mwaana a mutthu ni animuroromela Yoowo, ekhalane okumi woohimala. Ni Miyo nkimvenyererihe nihuku noomaliha.”

Yohaane 7:17

Akhala mukina onlakela opaka otthuna wa Muluku, owo anoonelele nihusihonaka nawa wa Muluku, hoye hoye kinuuluma ni mirukusaka muneenaaka.

Miteko 13:22

Vahoolo wa omukhootta Sawuli, aamukhaliha Davide ntoko mwene, mwa yoowo Muluku aamukhalenlaawe onamoona eeraka: ‘Koompwhanya Davide, mwaana a Yixai, mulopwana a vamurimaniwaka. Owo anaapake sootheene seiyo siri sa otthunawaka.’

Miteko 21:14

Woonaka weera khanaawera omviriyela, naamuhiya ni naaheera: “Otthuna wa Muluku opakiwe.”

Miteko 22:14

Vano owo aakeerela: ‘Muluku a makholowaahu aahoothanlani nyuwo weera musuwele otthunawawe, mmoone Oororomeleya ni mwiiwe masu a eyanowaawe.

aRooma 12:2

Muhitthareke mweettelo wa elapo ela, mene mutatuxiwe ni oreherera wa soowuupuwelasanyu. Hiiho nyuwo mmwiiwexexe ti heeni otthuna wa Muluku, eyo tiiyo, ti heeni yooreera, yoomusiveliha ni yookwanela.

awEfeso 6:6

Muhiwiiwelele paahi weera mwaasivelihe awo yoowehawehakani, mene, ntoko ipottha sa Kristu, mpakeke otthuna wa Muluku ni murima wootheene.

aKolosi 1:13

Vano Awo aanoopola moolamuliwani wa epiphi ni aanithaamihera moomweneni wa Mwanaya Oosiveleya,

aKolosi 1:9

Tivawo, okhuma nihuku niiwalaahu yeeyo, khaninghiyerera woovekelelani, nivekelaka weera nyuwo mukhale oosareya ni esuwelo yootheene ya otthuna wa Muluku, vamoha ni miruku sootheene ni wiiwexexa wa mmunepani.

1 aTesalonika 4:3

Otthuna wa Muluku ti weera nyuwo mutteelihiwe: musembe oraruwa.

1 aTesalonika 5:18

Mutthapele mwa ihuhu sootheene, niwoko wu ti otthuna wa Muluku wa nyuwo mwa Kristu Yeesu.

aHeberi 1:14

Vano, andyelo ari taani? Awo ari minepa soorumeela, sirumihiwe weera saarumeele yaawo eneera ephwanye ovuluwa.

aHeberi 10:36

Ontthuneya weera nyuwo muvilele mooteene yoowo weera mwaamalihaka opaka otthuna wa Muluku, nyuwo mwaakhele yeeyo Owo ororomelihalaawe.

aHeberi 10:7

Vano kaaheera: Kiri va. Yoolempwa* mulivuruni mwaha wa Miyo: kirweenle weera kipake otthunawanyu, Muluku.”

aHeberi 13:21

ookwaneliheni nyuwo mwa sooreera sootheene weera mupake otthunawawe. Owo awere mwa hiyo muteko woomusiveliha mwaha wa Yeesu Kristu, mwa Yoowo okhale ovuwa woohimala. Ame*.

1 Pedru 2:15

Vano, Muluku ontthuna weera nyuwo mpake yooreera, weera hiiho mmalihe ohisuwela wa atthu oohikhalano miruku.

1 Pedru 4:2

Hiiho, ehuhu emuhaleenle mweelaponi, akhale weera apake otthuna wa Muluku, ohikhanle opaka soohaawela soonanara sa atthu.

Ethupululo 11:15

Ndyelo anaathanneeli aahiipa nipalapattanawe, ni yaakhumelela masu matokotoko wiirimu, yeeraka: “Omwene wa elapo ya vathi woothatuwa omwene wa Apwiyaahu ni wa Kristuwaawe, ni Awo eniilamule mahuku ootheene.”

Ethupululo 12:10

Kaahiiwa nsu ntokotoko na wiirimu neera: “Vano woophiya ovuluwa, ikuru ni omwene wa Mulukwaahu, ni olamula wa Kristuwaawe, niwoko aavonyeriwa vaate namoothera a axunnihu, mwa yoowo ongwoothera axunnihu ohoolo wa Muluku othana ni ohiyu.

Ethupululo 19:6

Kaahiiwa etthu yoolikana ni onyakula wa atthu ancipale, yoolikana ni oruma wa maahi mancipale ni itari sitokotoko, ekhuwelaka: “Haleluya*, niwoko Apwiya Mulukwaahu a ikuru sootheene anlamula.

Ethupululo 20:4

Kaahoona ihice, mwa seiye yaakilaathenlaaya yaale yaavahiwe ikuru weera ethorihe. Kaahoona okumi wa yaawo yaahitiwe niwoko na onamoona wa Yeesu ni na masu a Muluku. Awo khayaalampe enama, hata ecaambulowaaya ni khayaakhenle eneneerowaaya vayuuci, naari mmatatani. Awo yaavenyerera ni yaalamula vamoha ni Kristu wa iyaakha macira muloko.