Matheyo 5:4 - Emakhuwa Bible

⁴ Ooreelihiwa ti yaale aniinla, niwoko eniimaalihiwe.

Matheyo 5:4 Iomraidhean Croise

Yesaya 12:1

Vanihukuni nenenenno nyuwo munimweera: “Kinoottottopelani Nyuwo. Vano mwaakinyoonyeriwa, vaheera onyoonyiwawanyu woomala ni mookipepesa.

Yesaya 25:8

Owo onoophwata khuluwi okhwa. Yave onlamula sootheene onimuukuttha maithori a ikhove sootheene; onoovenxa wuuliheya muru wa mulokwaawe mweelaponi yootheene. Ti Yave eenre.

Yesaya 30:19

Ii! Muloko wa oSiyoni ommaka oYerusaleemu, nyuwosa khamwiinlatho. Moota owo aneeraawe awoonihereni onnene nyuwosa mwaamukhuwelelaka ekhavihero! Owo iiwaru, onoowaakhulani.

Yesaya 35:10

ni oowoopoliwa ni Yave anoohokolowa. Awosa anoovolowa oSiyoni yiipaka ni ohakalala. Ti ohakalala woohimala onuukhale icireembasaya. Ohakalala ni murima wootteela onimwaaphwanya ni murima wooriipa ni ohihimera onootthawa.

Yesaya 57:18

Kohoona iphirosaya, mene kinimwaalamiha; kinimwaahoolela ni kinimwaapepesa,

Yesaya 66:10

Muhakalale vamoha ni oYerusaleemu ni muhakalale niwoko na yoowo, ootheene nyuwosa munimusivela yoowo; muhakalalaxe vamoha ni oYerusaleemu ootheene nyuwosa mwaamulalamikela yoowo.

Yesaya 66:2

Vekhaikhai, Ntatanaka noopaka itthu sootheene iya ni hiiho sookhala,” onghima Yave. Mutthu Miyo kinimuttittimihaaka ti ola: yoole ori oowiiyeviha ni a munepa woosareya omoova Muluku ni onthukumela woowiiwa maswaaka.

Ezekiyeli 7:16

Ootheene eneera ehale ni eneera yoopowe, anookhala mmanyaakoni yiipulelaka ntoko ikhunda sireene mmareyareyani, khula mutthu niwoko na yootakhalaawe.

Ezekiyeli 9:4

anamweerela: “Mviravire musidade ya oYerusaleemu ni mwawiikaathere vayuuci eneneero yaale anlalamika, yiipulelaka niwoko na miteko soohiira simpakiwa mwemmo.”

Zakariya 12:10

Kinooyeehera ekhapira ya Davide ni amaki a oYerusaleemu munepa wa oreera murima ni odyoonttelela. Awosa anookiweha – yoowo yaamuhommaaya – ni anoomwiinlela ntoko oniinlelaawe yoole okhwiiye mwaniye aari mmoharu ni ntoko onlalamikeliwaaya okhwa wa ntthaara.

Luuka 16:25

Abrahaamutho aamwaakhula: ‘Mwaana, muupuwelele weera mookuminimwanyu, nyuwo mwaahaakhela itthu sooreera, Lazarutho itthu soonanara. Wa soothesene, owo ori vaanaano oopepesiwa, ni nyuwo muri moohaawani.

Luuka 6:21

Ooreelihiwa nyuwo vaanaano mumvoliwa etala niwoko mmwivone. Ooreelihiwa nyuwo vaanaano muniinla, niwoko mmwitheiye.

Luuka 6:25

Ii! Munoohaawa nyuwo mumvona vaanaano vaava, niwoko mmwivoliwe etala. Ii! Munoohaawa nyuwo muntheiya vaanaano vaava, niwoko mmwiilalamikele ni mmwiinle.

Luuka 7:38

aaheemela ottuli wa Yeesu vanaawoni. Iinlaka, aapacera onaaniha inaawo sa Yeesu ni maithoraawe. Vahoolowaya aahuukuttha ni mayihaawe inaawo sa Yeesu, anabeeca inaawo iye anattikitthela ni makhura oowunkhelaxa.

Luuka 7:50

Yeesu aamweerela muthiyana: “Nroromelonanyu nohoovuluxani. Murowe mmuretteleni.”

Yakobe 1:12

Ooreelihiwa mulopwana omvilela ngweereriwani, niwoko avilela, anaakhele ecireemba ya okumi Muluku aaroromelihalaawe yaawo animusivela.

Ethupululo 21:4

Owo anuukutthe mmaithonimwaaya maithori ootheene. Khoorwa okhala okhwa, hata olalamika, hata wiinla, naari ovoreiya, niwoko itthu soopacera soovira.