Matheyo 5:3 - Emakhuwa Bible

³ “Ooreelihiwa ti yaale ansuwela omuhaawelawaya Muluku, niwoko omwene wa wiirimu ti wawaya.

Matheyo 5:3 Iomraidhean Croise

2 Nyaha 33:12

Moothanananimwawe, owo aahaasaasa ekhavihero ya Yave, Mulukwaawe, aniiyevihaxa ohoolo wa Muluku a makholowaawe.

2 Nyaha 33:19

Mmavekelonimwawe ni waakhula wa Muluku, mpaka sootthekasawe ni ohiroromeleyawawe, ohiya mmapuroni aatenkaawe altaari* a miluku soowootha ni nyiri soothipeleliwa sa Axera ni miluku sikina, ahinaaye wiiyeviha, sootheene iyo, silempwale munamalepelani a nyaha sa anamoonihera*.

2 Nyaha 33:23

Vaheera ovirikanawawe ni atithawe Manaxe, khiiyevinghe ohoolo wa Yave, mene aahaandyeerera nthowanawe.

2 Nyaha 34:27

Weenre murimaanyu ohuleya, muniiyeviha ohoolo wa Muluku, mwiiwakaru yeeyo Owo uulumenlaawe nipuro nna ni amakaaya, ni mweenre nyuwo mwiiyeviha ohoolowaka, mwaahulaka soowarasanyu, muniinla vamaithoniwaka, Miyo koowiiwani, onghima Yave.

2 Nyaha 7:14

vano mulokwaaka oniitthaneliwa Nsinanaka, wiiyeviha, onavekela, onaasaasa ekhovaaka, ni wasusa mphironimwaya moonanara, kiri wiirimu kinimwiiwa, kileveleleke yootthekaaya ni kilamiheke elapwaaya.

Yobi 42:6

Tivawo kiniinyoosaaka muneenaaka, kinarukunxa murima vantthupini ni vattuurani.”

Icipo 1:1

Ooreelihiwa ti yoowo ohintthara miruku sa atakhali, hata ohintakiha mweettelo wa anamattheka, naari ohinkilaathi vamoha ni anamapuhera.

Icipo 112:1

Munttottopele Yave. Ooreelihiwa ti yoole onimoova Yave ni onsivela malamulowaawe.

Icipo 128:1

Ooreelihiwa yaale ammoova Yave ni aneettela iphirosawe.

Icipo 146:5

Oreelihiwa ti yoole ekhaviherowaawe eri Muluku a Yakobe; yoole onimuroromela Yave Mulukwaawe.

Icipo 2:12

Mumbeece Mwaana, weera Owo ahinyoonyiwe ni nyuwo muhiphwatiwe wootutuxereya niwoko isarasawe waakuva opatta. Ooreelihiwa yaawo ootheene antthawela mwa Yoowo!

Icipo 34:18

Yave ori vakhiviru wa yaale oothananaxa vamurimani, anaavuluxa yaale ari oopororeene.

Icipo 41:1

Ooreelihiwa ti yaale anaapwattha oohaawa; Yave onimwaavuluxa mweehuhuni yoohooxa.

Icipo 51:17

Sooveleela Muluku ontthunaawe ti munepa woosareya olapa; Nyuwo, Muluku khamunramusa murima woorukunuwa ni woowiiyeviha.

Icipo 84:12

Ii! Yave a ikuru sootheene! Ooreelihiwa ti yoole onoororomelani Nyuwo.

Masu a Miruku 16:19

Fataari okhalano okumi woowiiyeviha eriyari ya oohooxiwa, ohikhanle okawana soohuhula ni oowiixoona.

Masu a Miruku 29:23

Wiixoona wa mutthu onoomuyeviha, vaheera oowiiyeviha onookhalano nttittimiho.

Masu a Miruku 8:32

Vano anamwanaaka, mukiiwe: Ooreelihiwa yaale aneettela iphirosaka!

Yesaya 30:18

Hata hiiho Yave ontthunaxa woomorelani ikharari. Owo onoovenya weera awoonihereni murima wooreera. Vano Yave ti Muluku a ekhaikhai. Ooreelihiwa ootheene yaale aningweherera Yoowo!

Yesaya 57:15

Vano Oosulusuluxa, Yoowo onkhala ni okumi wa mahuku ootheene, Nsinanawe Ootteela, oneera ha: “Miyo kinkhala vanipuroni noosuluxa ni nootteela, menetho ni yoowo orino murima woothananaxa ni wooyevihiwa mmunepani weera kikakamuxe munepa wa oowiiyeviha ni opepesa murima wa oothanana.

Yesaya 61:1

Munepa wa Yave ori mwa miyo, niwoko Yave ookittikitthela weera kaalaleere oohaawa mutthenga wooreera. Owo ookirumiha weera kaakosoope yaale arino murima woothananaxa, weera kaalaleere otaphuwa anamatthukiwa ni kaatapuxe mpiphini yaawo ari mukaliposo.

Yesaya 66:2

Vekhaikhai, Ntatanaka noopaka itthu sootheene iya ni hiiho sookhala,” onghima Yave. Mutthu Miyo kinimuttittimihaaka ti ola: yoole ori oowiiyeviha ni a munepa woosareya omoova Muluku ni onthukumela woowiiwa maswaaka.

Mikeyasi 6:8

Ii! Mutthu, Owo oowooniherani yeeyo eri yooreera ni yeeyo Yave onnyesererihaawe: Mpake ekhaikhai, musivele ororomeleya ni mweette oowiiyeviheene ni Mulukwaanyu.

Matheyo 11:25

Ehuhuweene yeele, Yeesu aaheera: “Miyo kinootthapelani Nyuwo, Atiithi, Apwiya a wiirimu ni vathi, niwoko mohaavithera itthu iya asuweli ni anamiruku, ni mwaawoonihera asikhaani.

Matheyo 11:6

ni ooreelihiwa ti yoole ohinkihovela Miyo.”

Matheyo 13:16

Ooreelihiwatho ti maithwaanyu niwoko animoona, ni ooreelihiwa maaruwaanyu niwoko animwiiwa.

Matheyo 19:14

Yeesu aaweerela: “Mwaahiye anamwane awo erwe wa Miyo ni muhiwooceelihe, niwoko omwene wa wiirimu ti wawaya yaawo anlikana ntoko ala.”

Matheyo 24:46

Ooreelihiwa ti murumeiyi, Apwiyaawe yaahokolowaka, eneeraaya emphwanye apakaka yeeyo.

Matheyo 25:34

Vano Mwene anaaweerele yaawo a moono mulopwana: ‘Ngwe, ootteelihiwa a Atithaka. Mwaakhele ntoko yoohiyeriwa* omwene mureherereliwaanyu okhuma ompacereroni wa elapo ya vathi.

Matheyo 3:2

“Murukunxe mirima, niwoko omwene wa wiirimu wookhuveela.”

Matheyo 8:11

Miyo kinooleelani weera animoowa atthu ancipale ninkhuma nsuwa ni ninkela nsuwa, ni anookilaathi vameesa vamoha ni Abrahaamu, Isaaki ni Yakobe moomweneni wa wiirimu.

Marku 10:14

Oonaka yeeyo, Yeesu aanyoonyiwa ni aaweerela: “Mwaahiyeke anamwane eweeke wa Miyo, ni muhiwooceelihe, niwoko omwene wa Muluku ori wa yaale anlikana ntoko yaawo.

Luuka 11:28

Owo aamwaakhula: “Ooreelihiwa oophwaha ti yaale aniiwa masu a Muluku ni aniiwelela.”

Luuka 18:14

Miyo kinooleelani weera mulopwana ola, omuhiya muFarisi*, aarowa owaani aakhuleliweene ni Muluku. Vano, ootheene aniivuwiha, eniikhale ooyevihiwa, ni ootheene aniiyeviha, eniikhale oovuwihiwa.

Luuka 22:29

Miyo kinoovahererani omwene, ntoko Atithaka akivaherenraaya omwene,

Luuka 22:30

weera muceeke ni muwureke vameesaniwaka mureene moomwenenimwaka ni weera mukilaathi muhiceni, muthorihaka ipuumba* muloko ni piili sa aYixrayeli.

Luuka 4:18

“Munepa wa Apwiya ori ni Miyo, niwoko Owo wookittikitthela weera kaalaleere masu ooreeraxa atthu oohaawa. Owo wookirumiha weera kaalaleere otaphuliwa yaale ootthukiwa ni olama atthu oohoona, ni weera kaataphule atthu oopuheriwa.

Yohaane 20:29

Vano Yeesu aamweerela: “Munroromela niwoko mukoonnaanyu? Ooreelihiwa ti yaawo ahikoonne enaroromelatho.”

Deuteronomiyo 8:2

Muupuwelele moota Yave Mulukwaanyu oweettihalaaweni munkwahani wootheene munikareni wookwana iyaakha miloko mixexe iye. Owo aahooyevihasani awootakani murima, eerelaka osuwela yeeyo eri mmirimanimwanyu ni mwaariki mwiiwelele malamulowaawe hoye hoye mwaahiiwelela.

Yakobe 1:10

munnatho oopuha iivuwiheke ngwiiyevihanimwawe, niwoko anaavire ntoko ithutu sa ntuphini.

Yakobe 1:12

Ooreelihiwa mulopwana omvilela ngweereriwani, niwoko avilela, anaakhele ecireemba ya okumi Muluku aaroromelihalaawe yaawo animusivela.

Yakobe 2:5

Mwiiwe, axunnaka oosiveleya: Muluku khaathanlale oohaawa vamaithoni wa amalapo weera ekhale oopuha munroromeloni ni yaakhele yoohiyeriwa* ya omwene Owo aaroromelihalaawe yaawo animusivela Yoowo?

Ethupululo 19:9

Ndyelo aakeerela: “Mulepe: Ooreelihiwa ti oowiitthaneliwa efesta ya othelana wa Eputtiputthi.” Aaheeratho: “Ala ti masu a ekhaikhai a Muluku.”

Ethupululo 22:14

Ooreelihiwa ti yaawo ankattha soowarasaya, weera ewere ophiya vamwirini wa okumi, ni weera evolowe musidadeni, eviraka mmilakoni.

Ethupululo 3:17

Nyuwo muneera: ‘Miyo namuhakhu. Koophwanya mihakhu ni nkinghaawela etthu,’ khamusuwenletho weera muri oothoiwa, oowuuliheya muru, oohaawa, oohoona ni muri pwitipwiti.