Matheyo 5:22 - Emakhuwa Bible

²² Mene Miyo kinooleelani weera khula mutthu anaamunyoonyeriwe munneiye, anaathorihiwe. Nitho, akhalaru mutthu anaamuruwane munneiye, anaaronghiwe wa alipa oowuuluma milattu, ni akhalaru mutthu ommweerela munneiye: ‘naanepa!’ omphwanela orowa omooroni.

Matheyo 5:22 Iomraidhean Croise

Epacerero 37:4

Axunneiye, yoonakaru weera atiithi annimusivelaxa yoowo waapwaha anamwane akina, yaamuthanya ni khayaawera omuulumano ni murettele.

Epacerero 37:8

Axunneiye yaaheera: “Weeraka weyo onookhala mwenaahu? Onghima weera weyo onrowa onilamula?” Vano yaatepaxa omuthanya mwaha wa olohawawe, ni yeeyo aahimmaawe.

2 Samuweli 16:7

Anyoholaka hiihaale, Ximei aaheera: “Okivenyere va, okivenyere va, weyo mulopwana a ephome, muhuurei!”

2 Samuweli 6:20

Davide aarowaawe owaani weera areelihe emusaawe, Mikali, mwaana muthiyana a Sawuli, aamuciceera, anamweerela: “Moota olelo mwene a aYixrayeli iiveihalaawe, arulaka vamaithoni wa ipottha ithiyana sa arumeiyaawe ntoko mutthu piswa!

1 Mamwene 21:4

Hiiho Ahabi aarowa owaani oonyoonyiweene ni ooriipiweene murima niwoko Naboti aamweerenlaawe: “Nkingwera woovahani yoohiyeriwa ya makholowaaka.” Aahiixaatalela vabeettinivawe atthunkeene eyano, ahuluwenleene okina, akhoottaka oca.

2 Nyaha 16:10

Mwaha wa yeeyo, Asa aamunyoonyeriwa namoonihera*; aanyoonyaxiwa mpaka olamulela otthukiwa. Ehuhuweene yeele, Asa aahaahasula moololoni akina akina a muloko.

2 Nyaha 19:5

Owo aahaathanla aphuki wa khula isidade soolipihiwa sa oYuda,

Nehemiya 5:8

Kaaheera: “Moota naaweraahu, nohaathuma axunna aYuda wa amalapo. Vano nyuwo munoovira mwaathumihaka moota wooweera hiyo naathumetho!” Awo yaari emaalelo, niwoko khayaarino yoowaakhula.

Icipo 109:3

Aakirica ni masu oosareya othanya; ankiwanano miyo kihinthowa.

Icipo 14:1

Mulolo oneera mmurimanimwawe: “Khawowo Muluku.” Ootheene anghapuwa epakaka soonanara; khawoworu ompaka yooreera.

Icipo 25:3

Ootheene anoororomelani Nyuwo anoopwaneya; vaheera yaale aneetta moota woovariha khampwaneya.

Icipo 35:19

Ehitheye wuuliheyawaka muru amwiittanaaka oovariha; muhitthunihere weera yaale ankithanya kihinthowa, ekiwehe ncerekhule.

Icipo 37:8

Musembe isara ni mukhootte onyoonyiwa; muhiximwe niwoko eyo enrongha wa yoonanara paahi.

Icipo 49:10

Vano onnooneya weera anamiruku ankhwa – anaanepa ni alolo ankhwatho yaahiyeraka mihakhusaya akina.

Icipo 69:4

Yaale ankithanya woohinthowa ahaattaxa opwaha mayihi a mmurumwaka. Aani, ti ancipale ankikacamiha woohinthowa, yaale anaasaasa okiiva. Kinnyesererihiwa ohokoloxa kihiiyalaaka.

Icipo 7:4

kaampakenleene yoonanara nthamwenaaka hata kaamwiiyenreene mwiittanaaka woohinthowa,

Icipo 92:6

Mulopwana oohikhalano miruku khaniiwexexa; mulolo khanoona

Masu a Miruku 14:16

Musuweli ti oowiipasoopa asembaka yoonanara, vaheera mulolo ti oovirikanya ni oohihiiheya.

Masu a Miruku 18:6

Masu a mulolo antannyera ococopolana, ni otthekulawawe onlattula owaxuliwa.

Yeremiya 17:11

Yoole onkhalano mihakhu moota woohiroromeleya onlikana ni ekhwali empuramela mooce ehirenlaaya. Waaviraka eriyari ya okumaawe mutthu owo, mihakhusawe sinoomuhiya ni ommaleloni onimwiixoonihera weera ti mulolo.

Icipo Soolalamika 3:52

Yaale yaari amwiittanaaka woohinthowa yaakilupattha ntoko mwaapalame.

Daniyeli 3:13

Oonyoonyiweene Nebukadenezari aamwiitthana Xadraki, Mixaki ni Abedneku. Vano asilopwana ale yaaronghiwa ohoolo wa mwene

Daniyeli 3:19

Vano Nebukadenezari aamunyoonyeriwa Xadraki, Mixaki ni Abedneku ni ekhovaawe yaaceendyeya. Aalamula weera oviha wa niikho waandyeereriwe imaara ithannapiili.

Obadiya 1:10

“Munimuulihiheya muru niwoko na nipuhero na omwiiva munninyu Yakobe; munoophwatiwa woomalela.

Obadiya 1:12

Nyuwo khawaawereya oweha ni ohakalalela yeeyo yaamweereenle munninyu munihukuni na mahooxowaawe, naari ohakalalela ophwatiwa wa muloko wa Yuda, hata khawaawereya wuuluma ni wiixoona munihukuni na makacamihowaawe.

Matheyo 10:17

Mwiipasoope ni alopwana. Awo eniyooveleeleni wa alipa oowuuluma milattu ni eniyoowaxuleni muSinagoganimwaya*.

Matheyo 10:28

Muhiwoove yaawo aniiva erutthu, mene ehiweraka wiiva munepa. Mmoove toko Yoowo ongwera ophwata erutthu ni munepa mmooroni.

Matheyo 12:24

Vaheera aFarisi* yiiwalaaya yeeyo, yaaheera: “Ti ni ikuru sa Beelzebuli, mutokweene a minepa soonanara paahi onoomolaawe minepa soonanara.”

Matheyo 17:5

Alokololaka, nihutte nootteelaxa nahaakhuneela, ni mwa nenno naakhuma nsu nimoha neeraka: “Ola ti Mwanaka oosiveleyaxa. Owo onkisiveliha vancipale. Mmwiiwe Yoowo.”

Matheyo 18:21

Pedru aamwaattamela Yeesu ni aamukoha: “Apwiya, imaara ihayi kineeraaka kimulevelele munnaka akitthekela? Mpaka imaara ithannapiili?”

Matheyo 18:35

Hiihotho animoopakani Atithaka ari wiirimu nyuwo ootheene mwaahimulevelela munninyu ni murima wootheene.”

Matheyo 23:15

Ii! Munoohaawa nyuwo, anamawera a nlamulo*, aFarisi*, anamwiixeera! Niwoko munimweetta mapuro mancipale weera mumviriyele mutthu okhala oohuseraanyu, ni mwawera, munoomutatuxa mwaana a mooro ootepaxa woopwahani nyuwo.

Matheyo 23:33

Inowa! Ekhalelo ya evili! Moota heeni muneeraanyu moopowe wa nthorihelo mmooroni?

Matheyo 25:41

Vano Owo anaaweerele yaawo a moono muthiyana: ‘Oolaphiwa! Mususeke wa Miyo mpaka mmooroni woohimala oreherereliwaawe Satana ni andyelowaawe.

Matheyo 26:59

Ahooleli a asaserdoti* ni ootheene a eSineedriyu* yaasaasa nthowa na Yeesu weera emuthorihele okhwa,

Matheyo 3:17

Vano nsu nimoha wiirimu naaheera: “Ola Mwanaka oosiveleyaxa mwa Yoowo kinnahakala.”

Matheyo 5:34

Mene Miyo kinooleelani: muhilipeleru naari etthu – naari ni wiirimu, niwoko ti ehice ya Muluku;

Matheyo 5:44

Mene Miyo kinooleelani: mwaasivele amwiittanaanyu, ni mwaavekelele yaawo anoosoondani,

Marku 14:55

Ahooleli a asaserdoti* ni ootheene a eSineedriyu* yaahaasaasa mathowa a Yeesu weera emuthorihele okhwa, mene khayaaphwannye hata nthowa nimoha.

Marku 15:1

Oyaaka ni oxa ahooleli a asaserdoti*, asitokweene a muloko, anamawera a nlamulo* ni ootheene a eSineedriyu* yaaphiya woovaanelani. Emutthukaka Yeesu, yaamukuxa ni yaamvaherera Pilatu.

Luuka 12:5

Vano Miyo kinoowooniherani taani ontthuneya omoova. Mmoove Yoole oneera iiva erutthu, onooweratho ovonyera mmooroni. Aani, Miyo kinooleelani: mmooveke Yoowo.

Luuka 22:66

Niwelaka nsuwa, eSineedriyu* yaathukumana – ahooleli a asaserdoti* nitho anamawera a nlamulo*, ni Yeesu aaronghiwa ohoolowaya.

Yohaane 11:47

Vano ahooleli a asaserdoti* ni aFarisi* yaalattula muthukumano wa eSineedriyu*. Awo yaakohana: “Neereke hai? Iwo ori Mulopwana Owo apakaka ineneero sootikhiniheya.

Yohaane 15:25

Eyo yeereenle weera ekwaniheriwe yeeyo elempwale munlamulonimwaya: ‘Yaakithanya kihikhalanne nthowa.’

Yohaane 7:20

Atthu ancipale yaamwaakhula: “Nyuwo murino munepa woonanara! Taani onaasaasa owiivani?”

Yohaane 8:48

aYuda yaamwaakhula: “Hiyo naahuuluma nnene neeraka weera Nyuwo ti muSamariya ni murino munepa woonarara.”

Miteko 17:18

Asuweli akina a Epikuro ni a mahusiho a Estoyika yannatthekula ni Pawulo. Akina yaakoha yeeraka: “Eheeni ontthunaawe ohima, namatipura ola?” Akina yaaheera: “Nnoona ntoko owo onlaleiya miluku sa anamarwa,” niwoko Pawulo aalaleiya masu ooreeraxa mwaha wa Yeesu ni wa ovenyerera.

Miteko 22:30

Oxaawaya, woonaka weera mutokweene a anakhotto aatthuna osuwela nnenesene nthowa Pawulo ootheriwaawe ni aYuda, aamutaphula ni aalamulela waathukumanyiha ahooleli a asaserdoti* ni eSineedriyu* yootheene. Vano, amuruuhaka Pawulo, aamoonihera wa yaawo.

Miteko 23:1

Pawulo, awehexexaka eSineedriyu*, aaheera: “Axunnaka, mpaka olelo koheetta vamaithoni wa Muluku ni murima wooreera wootheene.”

Miteko 24:20

Hoye hoye awo ari va, antthuneya othaliha etthu yoonanara heeni yaaphwannyaaya wa miyo kaaronghiwaaka oSineedriyuni*,

Miteko 4:15

Hiiho yaahaalamulela okhumela vaate wa eSineedriyu*, ni awo yaapacera wiiwanana yaaworu,

Miteko 5:21

Oxaawaya, yaavolowa Mpaani mwa Muluku ntoko yaalamuleliwaaya, ni yaapacera oxuttiha muloko wa atthu. Aphiyakaru mutokweenexa a asaserdoti* ni yaawo yaamuhoola, awo yaahiitthana eSineedriyu*, eyo tiiyo muthukumano wootheene wa asitokweene a aYixrayeli, ni yaalamulela waarowela arummwa okaliposo.

Miteko 5:27

Yaakuxaka arummwa, yaahaarongha oSineedriyuni* weera ekohakohiwe ni mutokweenexa a asaserdoti*,

Miteko 6:12

Ni yeeyo yaasesera muloko, asitokweene ni anamawera a nlamulo*. Emuvaraka Stefano, yaamukuxa emuronghaka oSineedriyuni*.

Miteko 6:15

Engwehaka ole, ootheene yaakilaathiye muSineedriyuni* yaahoona weera ekhovaawe yaalikana ni ekhove ya ndyelo.

Miteko 7:37

Owo ti Moiseseene yoowo aaweerenle aYixrayeli: ‘Muluku anaamukhalihe variyari wa axunninyu mprofeeti ntoko miyo.’

aRooma 12:10

Musivelaneke mukina ni mukhwaawe ntoko axunna. Fataari mwaattittimihe akhwiinyu muhinaaye asineenaanyu.

1 aKorinto 6:10

hata anamwiiya, hata anamilili, hata anamawura, hata anamwaapa, naari alipa angwaakha itthu asikhwaaya kheerwa yaakhela omwene wa Muluku.

1 aKorinto 6:6

Ongwereya hai muKristu mmoha omuronghela munneiye alipa oowuuluma milattu, ni yeeyo vamaithoni wa oohiroromela?

Deuteronomiyo 15:11

Mulaponi anookhala anamahaawa mahuku ootheene. Tivawo kinoolamulenlaakani weera munreerele murima munninyu muYixrayeli okhuma namahaawa mpaka onghaawela mulaponimwanyu.

Deuteronomiyo 16:18

Mwaakhalihe aphuki ni asitokweene akina wa khula epuumba, mmasidadeni sootheene Yave Mulukwaanyu onoovahaaweni ni weera awosa ethorihe muloko ettharaka ekhaikhai.

1 aTesalonika 4:6

Mwaha wa yeeyo, ahikhale mukina aneera amutthekele munneiye, naari ampakele yoonanara. Apwiya eniittaruxe miteko sootheene iyo, ntoko nooleenlaahuni nnenesene,

Titu 3:2

Ngwuupuxereketho ehimwaapeke, naari mutthu mmoha, ni weera ekhale ni murima wa murettele, oosiveleya ni ewoonihere atthu ootheene murima woomaaleleyaxa mahuku ootheene.

aHeberi 12:25

Mwiipasoope weera muhimukhootte Yoowo onuuluma. Yaawo yaakhoontte omwiiwa yoowo aawooperera mweelaponi, khayoopongwe ottaruxiwa. Woopwahaxa hiyo nnithorihiwe, namukhootta yoole onnooperera areene wiirimu.

aHeberi 5:9

Ni aakwanihenraawe wiiwelelawawe, aathatuwa Naattuuttu oohimala a ovuluxiwa wa ootheene ammwiiwelela,

Yakobe 2:20

Nyuwo oohikhalano miruku! Muntthuna woona weera nroromelo noohikhalano miteko khaninkhavihera?

Yakobe 3:6

Hiihotho nlumi nri mooro mmoha. Nri elapo ya otakhala. Niikaathiwe variyari wa mipatta sa erutthwaahu ninnananariha erutthu yootheene, nihisaka ephiro yootheene ya okumaaya, nireene nno mwaneenaaya noopattihiweene ni mooro wa Satana.

1 Pedru 2:23

Aaruwaniwaawe, khaahokoloxera; ahaawaawe, khoopopiha, mene iileva wa Yoole onthoriha ni ekhaikhai.

1 Pedru 3:9

Muhilive yoonanara ni yoonanara, naari oruwaniwa ni oruwana. Ohiyanawaya, mureelihe, niwoko wa yeeyo nyuwo moothanliwa weera mwaakhele nreeliho.

1 Yohaane 2:9

Yoowo onghima weera ori ngwaarani, amuthanyaka munneiye, onoopwaherera mpiphini.

1 Yohaane 3:10

Mooteene yoowo nohaasuwela taani anamwane a Muluku ni taani anamwane a Diyabu*: yoole ohimpaka ekhaikhai nitho ohinimusivela munneiye, khawiiye wa Muluku.

1 Yohaane 5:16

Mukina amoona munneiye apakaka yoottheka ehimphiyera mookhwaani, mumvekelele, ni Muluku anaamvahe okumi. Kinaahima yaale yootthekaaya ehimphiyera mookhwaani. Yookhala yoottheka emphiyera mookhwaani. Nkinghima weera evekeleliweke wa yeeyo.

Yuda 1:9

Wa soothesene, hata ndyelo mutokweene Mikhayeli, aavaanyihanaawe ni Diyabu* ewanelaka erutthu ya Moisesi, kheerenre omoothera, amveihaka ni moota wooveiha Diyabu*, mene eenre: “Apwiya yoohiiheyoomuhiihe!”

Ethupululo 20:14

Okhwa ni Hadesi* saavonyeriwa vantthiyani na mooro. Ntthiya na mooro ti okhwa wanaaveeli.